1 JOHON 3:2 - Rabu Athar New Testament (BSI)

² Ka manrit ka sap ngai a tunko keini hi Pathian a mi kan chang jui tak-ha imo kan la hong chang rang tihi keinin la jet masing, tak-ha keinin kan jet khat ko. Khrista a juang kando rang pha han keini om puma ama anga ni rang ka ni, ajarko ama a kan sin hei na ang han keini om ni kanti.

1 JOHON 3:2 ပူးပေါင်းရင်းမြစ်များ

MATHIU 5:8

Lungthiang mingai ha ravansat anni; ajarko Pathian an la mu rang ke!

LUK NING A JIAK CHONGSAT 17:30

Hanga han Mi Pasalnai ham ikando suak rang nikhuo han nom hiva anga lani nati.

LUK NING A JIAK CHONGSAT 20:36

Ajarko anmani ha athiti om lai noning, anmani ha thaneithiangngai le kan angrang anni, anmani ko athi tenna an hong ringkhir jarra, Pathian nai an ni jui.

JOHON 1:12

Mi a lek inko a maha tak an luingai jarra, Pathian naingai an chang theina ranga a man ranak alui pek.

JOHON 11:52

Anmani rang jak ni luia Pathian mingai a kan thechaia omngai ha taksa khat jak chang na rang om ani.

JOHON 17:24

“O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei.

ROM MINGAI JIANG PAUL NING A JIAK CHITHI 8:16

Keinin Pathian naingai kan ni tihi thavang thiang in keini thavang le a kan ruaia shakhi a pek.

ROM MINGAI JIANG PAUL NING A JIAK CHITHI 8:18

Ajarko, a tun pha hin kan pong khodeng kan thei hi keini jiang an na pek rang lianpui na hale khide rang phur hi om ma tihi kei ning ka ngaidon.

ROM MINGAI JIANG PAUL NING A JIAK CHITHI 8:19

Pathian naingai ha do na ranga a ring rakip in ngak lal tak a an om.

ROM MINGAI JIANG PAUL NING A JIAK CHITHI 8:29

Ajarko Pathian ama ning athang suak anmani ha a nai le a man kan anga, a pasalnai ha a u anai rakip karra ulian tak a man chang.

1 KORINTH 13:12

Ajarko, mel le mel kan kan mu nek a meng sialla kan kan mu lam a thiang a vat det. Atunko aviar jak ka jet ani, tak-ha nuk a ko kein a renga jet rang kani. Ajarko ama han kei hi a thianga a na jet jui.

1 KORINTH 15:49

Kein ulenaingai jiang ka na ri ani. Taksa le thisen a om mi ning Pathian rengram ha mu tor noni u. Hale a mang thei rang phur han a mang torlui rang phur ha mu tor noning.

1 KORINTH 2:9

Chongthianga alui kan jiak mit ning om lui mu phat mak, kuar ning om lui jet phak mak, hale miring lung sung om nai lui chang mak, puman a lungsiat miringngai jiang a alui sin rakip ha.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:17

Hale hiva hapkhat a keinin pongna kan nei ning, ri torluirang ningsatna le lurna ha keini jiang a na pek.

GALATIA 3:26

Hiva jarra nang ni rakip Khrista ha takngai na nan nei jarra Pathian nai nan ni jui.

GALATIA 4:6

Hale nang nin a naingai nan ni jarra pathian ning a nai thavang ha kan lung sunga a na thun pe jui hale thavang ham a pa ti a a chap.

PHILIPI 3:21

A ma vaihom na thuia amang thei rang taksa rakip hi ama taksa anga na man kan thul nati. A ma ranak jarra phur rakip hi ama thoija asiak pet rang ke.

KOLOSIA 3:4

Nang ringkhuo adik tak ha ko Khrista ke ani, a man a hong kando pha, nang ni jom nan kando rang ke, hale ama lianpui na ha nan tum suam rang ke.

HEBRU 9:28

Hava ang ha Khrista ning mitam tak siatna tenna kei sua ranga vei khat alui kan pek jui. Siatna chunga chuan tho rang chang luia ama a ngak chak a omngai ha san ring na rang veini chang na ila hong kando rang ani.

2 PITAR 1:4

Hingahin ama ning a man tam tak kutchoi le chongsan ha a na lui pek, hale hiva kutchoi tenna keini ning ramuol chunga thina mang na tenna kan pial tor ani, hale Pathian ngaidon a rapa anga om na ranga ani.

1 JOHON 2:28

Ka naingai ama jiang om chakru ha a chang inko, ama a hong kando karra, jak nei lui a lung ngam tak-a om tor nanti.

1 JOHON 2:7

Ka sap lungsiatngai hiva chong pek ki na hong manjet hi a thar nimak; a phut na tenna nan nei chong pek alui sa ha ko, nan lui jet sa chong ngaiha ani.

1 JOHON 3:1

Enru i duk han mo Pathian ning a lung a nasiat hi! A man hi ang khan a na lungsiat jarra keini Pathian naingai an na ti jui, ramuol ning Pathian lui jet mak jarra keini ramuol hi lui jet masing.

1 JOHON 3:10

Hin Pathian nai le Seitan nai anni kong karra a hong kando ani; tu a chang innom chuan dik a tho lui ha a u anai a lungsiat lui mi ha ani, hale Pathian nai ha ni lai mak.

1 JOHON 3:21

Hiva jarra ka manrit, ka sap ngai, keini kan lunga kan thei jak masiatna kan pek mak a chang inko, Pathian mai kung a keini lung ngam tak a omtorchak kan ti.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

MANJETNA 22:4

Anmanin Puma mai suo ha mu nanti, hale Puma a ming ha an chal la jiak pe nati.