1 JOHON 3:16 - Rabu Athar New Testament (BSI)

¹⁶ Khrista han keini ranga a ringkhuo a kan pek, hivahi lungsiat hi imo ani ti jet na ani. Hiva jarra kein in nom kan u kan naingai ranga kan ringkhuo kan pek rang asuak.

1 JOHON 3:16 ပူးပေါင်းရင်းမြစ်များ

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

JOHON 10:11

‘Kei belram asat selle anmani rang athitor ha ka ni.’

JOHON 10:15

Ka pa ning a na jet kein nom ka jet, ha ang han belramngain nom an na jet, hiva jarra anmani ranga ka ringkhuo ka pek tor.

JOHON 13:34

Atun kein chongpekthar khat ka na pek, an khat le an khat kalungsiatru kein nang ni ka na lungsiat ang han.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

ROM MINGAI JIANG PAUL NING A JIAK CHITHI 16:4

Anmanin ka thavang ranga anmani an ring khua an juor, kei ka thei jak in anmani ha ka manpak ni luia, jatdang biakinn rakip innom an manpak.

ROM MINGAI JIANG PAUL NING A JIAK CHITHI 5:8

Tak-ha, keinin siatnei mi kan ni lai tak han Khrista ning keini ranga ina thi pe hanna Pathian ning keini tiang lungsiat ana mu jui.

2 KORINTH 4:12

Thina ning keini ranga chuan a tho, ringna lam nangni rang chuan a tho jui.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

EPHESIA 5:25

Pasalngai ning nan numeingai ha lungsiatru Jisu Khrista ning om biakrup ha a lungsiat a atak pumpui alui kan pek.

PHILIPI 2:17

O! nangni takngai na ha chuan tho ranga kei ha nan na pek lut inko ka ning asat, hale nangni le kan ruaia ningsat na nei kanti.

PHILIPI 2:30

Kei ranga nang ni ning nan tho na rakip avat sam na rakip ha puma chuan ruia ama ning a ringkhuo pamu luia athideng khan na chuan sin na alui nei ani.

1 THESSALONIKA 2:8

Ajarko kein in kan na lungsiat jarra Pathian chongsat nang ni jang kan na pek niluia kan ringkhuo hi om nang ni ranga kan na pek ajarko nang nin nom keini ranga nan ngir tit jui.

TITAS 2:13

Hiva jarra Pathian ni khopui keini na san ringpa puma Jisu Khrista lianpui na a thianga ana man mu rang ha ravansat ha kein in kan mu jui.

1 PITAR 1:18

Ajarko nang ni ning nan jet mo nan pa nan pungai tenna alui om siatna ana tan ring ani. Hivahi sana ruphai a mang thei phur anga nimak.

1 PITAR 2:24

Jisu Khrista a tak tak ning kan siatna ngaiha Khros chunga alui choi, hava jarra kan siatna tenna kan thi rang ha chuan sat, chuan dik jarra ringna kan mu jui, ama a taksa a pop han keini ana man dam jui.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 JOHON 2:6

Pathian jiang ka om chak a ti mi ha, Jisu Khrista ning alui tho ang han tho chak rase.

1 JOHON 2:9

Avarra ka om jui ati mi han a sua pui a u a nai a enda a chang inko, a tun tunga ama ajing karra a la om ani.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.

MANJETNA 5:9

Anmani ning la a thar khat an thoa an lui ti, “Nanghi hiva che chun long ranga rahui na ni, nang in thina na neija na thisen tenna jat rakip le phung rakip chong rakip a chok jui.