8 Ha aninom a tunna kan na manjet chong pek ngai hi ko a thar ani, hava dik na ha Khrista le nang ni sunga an mu ani, ajarko a jing ha a che sua jui a tun a var asat khet ha a var jui.
Jisun a sang, ‘Varha nan karra a pha bongkhat jak a om, ajieng in ananangmak na rang nang nin a var lai hin lonru, ajarko ajieng karra a om mi han hon mo kiche tiha jet tor mak’.
Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.”
Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.
Ajarko nang nin nan jet, kan puma Jisu Khrista ha alui nei achang nom, nang ni jarra ariang achang jui, a man ariang jarra nang nin a nei miha nan ni jui.
Atunko Jisu Khrista ning keini sanring ranga a hong hin a kan dang jui hale ama athija a thui khir han Pathian chong thiang ha amongtibui ringkhuo ha ani jui.
A ma tenna nang ni ning Pathian ha takngairu, ama ning a thi tenna alui kei thuija ama lianpui na aluipek, hava jarra nan takngai nale nan lungdo ngaiha Pathian jiang siakru.