1 JOHON 2:22 - Rabu Athar New Testament (BSI)

²² Han ko a leisei mi ha tu mo? Han ko Jisu ha Khrista nimak a ti mi ha ani, hava mi ha Khrista le a kan enda pui mi ha ani. A ma ning Khrista le a pa le a kan enda pui pet ani.

1 JOHON 2:22 ပူးပေါင်းရင်းမြစ်များ

MATHIU 24:24

Ajarko Khrista mel pu a tashanthei kanlem hong suak nanti, hale anithei inko thang suaksa tenna a le lam tiang ruoi na rang jet na a lian tatak le a ngak a ngak pa do nanti u.

MATHIU 24:5

Ajarko a tam lam ning kei ka minga hong nan ta, ti nanti u, “Kei Khrista ka ni,” hale a tam lam a le lam tianga na ruoi nanti.

JOHON 8:44

Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.

1 JOHON 1:6

keinin ama le kan kan chun kan ti bak a, a jing karra kan om inko, kan chuan tho le kan chong ri na han leisei ha kan ni jui.

1 JOHON 2:18

Ka naingai a torna rang pha a nai jui! Khrista en dangai ha hong suak rang anni ti ha an na manjet jui han a tun Khrista enda a tam tak, a hong suak jarra a torna rang pha a nai jui.

1 JOHON 2:23

Tu ang mi ning A Pasalnai a jot lui rakip ning A pa mu noning; hale A pa jot lui mi ham A pasalnai ha mu noning.

1 JOHON 2:4

Mi ankhat in Pathian ka jet a ti tak-ha a chong pek a jui mak a chang inko, ama ha leisei ke hale adik ha ama jiang om mak.

1 JOHON 4:20

Tu ang mi an khat in kei Pathian ka lungsiat ti sen lang, a u anai ko a enda ama tir aninko ama ha leisei ke ani, ajarko a man a u anai ngal jom lungsiat lui a amit a mu lui Pathian ha ijamo a lung i siat rang?

1 JOHON 4:3

Tak-ha Jisu chunga a om Thavang hi tu khat ning Pathian tenna nimak a ti inko, ama ning Jisu ha ramuol chunga a hong hi a mu rang ke hale a jet rang ke ani.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

2 JOHON 1:7

Ramuol chunga leisei mitam tak an om jui, ajarko anmani ning Jisu Khrista ha ramuol la miring anga a juang tiha jot ma u hava mi leisei rakip ha Khrista enda anni.

JUD TENNA CHITHI 1:4

Ajarko mi aviar ning ruk chian na an tan jui, anmanin Pathian chuan ha ale lam tianga ansin, kan puma Jisu Khrista a jot lui mi anni, hava jarra dan chong sunga anmani ranga a kan jiak sake ani.

MANJETNA 3:9

keini Jiw kan ni tia a omngai ha leisei anni, hale seitan jiang a omngai ha anni, hava ngaiha kein nan ke nuaija chubei ki na man buk rang ke, ka na lungsiat na hi anmani ning an la jet rang ke.