1 JOHON 2:14 - Rabu Athar New Testament (BSI)

¹⁴ Naipang jiang ka jiak ret ajarko a phut na alui om Pathian ha nang nin nan jet, reathar ngai nang ni jiang ka jiak a ka na manjet ret; ajarko, nang nin Pathian chong ha nan chunga a om chak jarra, a satlui ha kan tor nanti.

1 JOHON 2:14 ပူးပေါင်းရင်းမြစ်များ

JOHON 15:7

Nang nin kei jiang nan omchak a ka chongngai hi nan ompui chak inko, nang nin imo nandeiha nalamru ha nang ni jiang i hong ni rang ke.

JOHON 5:38

Hiva jarra a chong ha nan lung sunga om mak, ajarko ama ahongtirpuha nang nin takngai mak che u.

JOHON 8:31

Jisun takngai mingaijianghan a ti, ka chong ringai hi nan jui inko: Kathiamruoi takbal nan ni.

JOHON 8:37

Nang ni ha Abraham vonchoi ngai nan ni tiha kanajet, tak-ha nang nin kei lam nathat na rang nan tho; ajarko nang nin kina manchu hi luima che u.

EPHESIA 6:10

Puma jiang nang nin adet a om ru.

PHILIPI 4:13

Kei ka ranak na pekpu Khrista jarra kein hiva chuan rakip hi tho torna ki nei ke.

KOLOSIA 1:11

Ningsat le kan ruaia nang nin dui rat hi a pha rakip a Pathian lianpui na ranak rakip han, nang ni ha na man rat rase.

KOLOSIA 3:16

Khrista chongsat ha ning na lung sunga om rase, chingna theina, khat le khat nan man kan chuna, nan kan ripe na rakip a manpak la, biakrup la, choi lom na la, thavang rakip ha nan lung sunga Pathian jiang thoru.

2 TIMOTHI 2:1

Ka nai nang hi Pathian jet tianga ratro hivahi Khrista le keini kan chuan ani.

HEBRU 8:10

Hiva jarra Puman a ti, kein anmani ha tak luitel lai making, hiva ni khuongai ha a theng suapha Israel mingai le nei man rang chong shan ha hivahi ani, an lung sunga ka dan ha ka jiak pe rang ke, an lung sunga kai man lut pe rang ke; kei an Pathian ka chang rang ke, anmani ka mi chang rang anni.

1 JOHON 1:1

Ramuol phut lai tenna kan lui jet, kan mit kan lui mu, O! tak balla kan kut kan them, hava ring na chong ha nang ni jiang ka jiak ani.

1 JOHON 1:10

Keini siatna nei maksing kan ti inko, Pathian ha leisei kan man changa achong dik ham keini jiang om mak.

1 JOHON 2:13

Pangai an phut man lai a phut na tenna alui om ama ha nang nin nan jet jarra kein nang ni jiang ka na manjet ani. Reather, nai pangngai jiang ka jiak ajarko a satlui ha nang nin nan tor jui.

2 JOHON 1:2

Ajarko, adik ha kan chunga a om hale, a torna tunga na om pui chak nati.

3 JOHON 1:3

U le nai Khristian aviar in an honga nan dik na ruia chong ngir na an nei kei a tam ka ning asat; ajarko, nang nin adik na han nan om chak.

MANJETNA 2:3

Nang in na khang thei, kei ranga khodengthei na rakip han nom lui bang chil ma che.

MANJETNA 2:7

a kuor a om mingai ning ngai rase u, Thavang Thiang in biakrupngai jiang a ti, hava rakip ha atorra a hong ama ha ring na thing kung ha ki pek rang ke hava ha Puma rahuan na a om.