1 JOHON 2:11 - Rabu Athar New Testament (BSI)

¹¹ Tak-ha a u anai a enda mi ha ko a jing karra a chea a om ani han a jing karra a chea hon ma a jong a chea tung na kan jet mak ajarko a jing in ite man mu mak.

1 JOHON 2:11 ပူးပေါင်းရင်းမြစ်များ

JOHON 12:35

Jisun a sang, ‘Varha nan karra a pha bongkhat jak a om, ajieng in ananangmak na rang nang nin a var lai hin lonru, ajarko ajieng karra a om mi han hon mo kiche tiha jet tor mak’.

JOHON 12:40

Pathian ning an mit amanjingpejui, hale ansalungom a dong jui, hiva jarra an mit in mu noni u, ansalungin jet tor noni u, hale anmanin keitiang hong kan hei noni u, tia pathian ning a ti, kei ko anmani ha mandamkati.

2 KORINTH 3:14

Anlung ngaiha aluingar; anmanin kan jot na rabu lui ha an pa nikhuo han nom maikhu puan ha an lui kan khu, ajarko Khrista jiang a om mi jak ning hava maikhu puan ha mak nanti.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

TITAS 3:3

Ajarko keini om, atuan lai mingai ham, ri jui lui, leisei, a dang a dang omchan salui le kum hei ranga suak, kan enda, khat le khat kan ma tir mi ha kan lui ni.

2 PITAR 1:9

Ajarko hiva rakip a torlui mi ha ko a siatna alui ngai ha a rasuk pa a thei nia ama kol la a om bak a mitdel ha ani.

1 JOHON 1:6

keinin ama le kan kan chun kan ti bak a, a jing karra kan om inko, kan chuan tho le kan chong ri na han leisei ha kan ni jui.

1 JOHON 2:10

A sua pui a u anai a lungsiat mi ha a varra a om ani, a man tute siatna masul na ranga chuan tho mak.

1 JOHON 2:9

Avarra ka om jui ati mi han a sua pui a u a nai a enda a chang inko, a tun tunga ama ajing karra a la om ani.

1 JOHON 3:15

Tu a chang innom a u, a nai a lungsiat mak miha mi that ke anni, mi that mi han i tik om kum sot ring na nei noning tihi nang nin nan jet.

1 JOHON 4:20

Tu ang mi an khat in kei Pathian ka lungsiat ti sen lang, a u anai ko a enda ama tir aninko ama ha leisei ke ani, ajarko a man a u anai ngal jom lungsiat lui a amit a mu lui Pathian ha ijamo a lung i siat rang?

MANJETNA 3:17

Nang in nati, kei hi irakip ka nei pet a vat om mak, tak-ha jet ma che, i duk khodengthei lungsiat ruai ha mo na ni? Nang ko a mitdel a riang puan bui ha na ni,