Zeˬpaˬniˇ 3:8 - Akha

⁸ Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Zeˬpaˬniˇ 3:8 ပူးပေါင်းရင်းမြစ်များ

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 123:2

Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 37:34

SahˬpaˬMiˬyehˇ-ahˇ noeˬtmˬ-awˇ, aˬyawꞈ-euˬ ehˇdawˬnaˇhaˬ-awˬ. Aˬyawꞈnawˬ-ahˇ miˇkʼahˬbiꞈ-awˇ, taˬhuiˬtaˬmahˇnehˬ-eu uˬtaꞈ, haiˬ-eu tsawˇhaˬbi teh dzeh gaˇ, nawˬ-euˬmyaˆnuiˆya mawˇtehꞈ-a.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Jaceuq 62:1

Miˬyehˇ ngaˬ-ahˇ ka kʼoꞈ le gaˇ, ngaˇ oˇ-awˇ dawˬ luꞈ-eu ma. Aˬ yawꞈ-ahˇ tehꞈ-ehˇ ngaˇ gʼoe-eu ma.

Jaceuq 62:5

Miˬyehˇ-ahˇ tehꞈ-ehˇ ngaˇ gʼoe-eu ma. Aˬ yawꞈ laꞈ kʼoeˇ ngaˇ noeˬ tmˬ kʼaˇ za-eu ma.

Jaceuq 79:5

Sahˬpaˬ Miˬyehˇ-oˇ, nga maꞈ-ahˇ mˬ maˬ maˬ byaˆ zaˇ ziˇ nui ma pehˇ-eu gʼeh te loˇ. Nawˇ nui ma pehˇ-eu jeˬ miˬ dzaˬ doꞈ-eu loꞈ-ehˇ, aˬ myah luꞈ doꞈ doꞈ-ehˇ bi jaˆ-eu gʼeh te loˇ.

Jaceuq 79:6

Nawˬ-ahˇ uˬ duˬ tahˬ-eu tsawˇ jeuˬ deuˬ hawˇ-eu, nawˬ-ahˇ guiˬ lahˬ maˬ shaˇ-eu tsawˇ haˬ deuˬ kʼoeˇ taˆ, nawˇ nui ma pehˇ-eu jeˬ bi keuˆ le-awˬ.

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

Iˇsaˬyaˇ 14:26

Miˇ tsaˬ dawˬ tawˆ luꞈ kʼoeˇ taˆ heu loꞈ-ehˇ keuˆ le ni, ngaˇ noeˬ tsehˆ taˬ-euˬ ma. Tsawˇ jeuˬ dawˬ tawˆ luꞈ-ahˇ kʼehˬ-eu gʼaˇ duˬ, ngaˇ aˬ laꞈ cawˬ ja taˬ-euˬ ma.”

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Iˇsaˬyaˇ 63:6

Nui ma pehˇ dui dui-eu miˇ neh, tsawˇ jeuˬ dawˬ tawˆ luꞈ-ahˇ nawˬ pyehˆ nehˬ-awˇ, aˬ yawꞈ maꞈ-euˬ saꞈ laˇ-euˬ shiˬ, miˇ tsaˬ-ahˇ bi yoeˇ kʼaˇ-euˬ ma.”

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Yawˇlaˆ 3:2

Yaˇ kʼaˬ daˇ-eu Deh kʼawꞈ laꞈ kʼoeˇ, tsawˇ jeuˬ dawˬ tawˆ sheuˬ uiˬ jiˇ-awˇ ngaˬ-euˬ tsawˇ haˬ deuˬ-euˬ kʼoeˇ taˆ, yawꞈ maꞈ neh jahˇ doeˇ-euˬ aˇ poeˬ, yawꞈ maꞈ-ahˇ ngaˇ yaˇ kʼaˬ daˇ ma. Iˇsaˬleˬlaˆ tsawˇ haˬ deuˬ-ahˇ, aˬ cawˬ miˇ kʼahˬ-ahˇ teh byaˆ-awˇ, ngaˬ-euˬ miˇ kʼahˬ Iˇsaˬleˬlaˆ, aˬ yawꞈ maꞈ nyiˬ paˆ paˆ-euˬ meh.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Haˬgaiˇ 2:22

Miˇ kʼahˬ deuˬ bi ga ka jiˇ-awˇ, baoˬ bi byoˆ-iˇ jiˇ-eu lehˇ gʼeh-eu ma. Mahˬ laˆ lawˬ deuˬ hawˇ-eu laˆ lawˬ teh-eu deuˬ-ahˇ ngaˇ ngawˬ pyaˆ dzeh ma. Mahˬ deuˬ shiˇ-awˇ, mahˬ laˆ lawˬ teh-eu deuˬ tiˬ gʼaˬ tiˇ gʼaˬ sehꞈ tehꞈ-a.

Maꞈtehˬ 25:32

Miˇ tsaˬ tsawˇ jeuˬ tsawˇ ca dawˬ tawˆ luꞈ aˬ yawꞈ-euˬ mehˬ shi uiˬ laˇ tehꞈ-a. Yawˇ bo-eu tsawˇ haˬ yawˇ hawˇ-eu ciꞈ myehꞈ biˇ paˆ-eu loꞈ-ehˇ, tsawˇ haˬ kʼoeˇ deuˬ-ahˇ aˬ yawꞈ nyiˬ muˇ biˇ paˆ tehꞈ-a.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 16:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ-euˬ uˬ duˬ tahˬ nymˇ nymˇ ma laꞈ kʼoeˇ teˇ saˇ yaw kʼaˆ-ehˇ guˇ-eu laꞈ kʼoeˇ, “Miˬyehˇ nui ma pehˇ-eu jeˬ pyeuꞈ-eu naˬ bo kʼoeˇ shiꞈ bo miˇ tsaˬ kʼoeˇ taˆ shehˆ daˆ-iˇ-awˬ” lehˇ ehˇ gaˇ ngaˇ ya gaˬ-euˬ ma.

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.