Zeˬpaˬniˇ 3:2 - Akha

² Dawˬ muiˬ tmˇ-eu maˬ gʼoˆ geuꞈ-ehˇ, mehˬ gaˇ tsoˆ gaˇ maˬ naˇ haˬ-a. Sahˬpaˬ Miˬyehˇ-ahˇ maˬ gʼoe-ehˇ, Miˬyehˇ dawˬ peh maˬ nyiˬ laˇ-a.

Zeˬpaˬniˇ 3:2 ပူးပေါင်းရင်းမြစ်များ

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Jaceuq 78:22

Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ jah-ehˇ, aˬ yawꞈ ka kʼoꞈ nehˬ laꞈ tehꞈ-a lehˇ maˬ jah-a.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 5:12

Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 43:22

Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ-oˇ, nawˇ ngaˬ-ahˇ byuˇ laˇ-awˇ uˬ duˬ maˬ tahˬ mawꞈ-a.

Iˇsaˬyaˇ 9:12

Nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ hawˇ-eu, nahˇ ma ga kʼehˬ paw jawˇ-eu Piˇliˇtiˆ tsawˇ haˬ deuˬ, Iˇsaˬleˬlaˆ miˇ kʼahˬ-ahˇ kawꞈ dzaˬ-eu lehˇ, kʼaˬ meh mˇ nga taˬ tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ jiˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Yeˬlaˬmiˇ 13:25

Naw maꞈ guiˬ lahˬ kʼoeˇ naˆ ni doeˇ meh lehˇ, Sahˬpaˬ Miˬyehˇ ehˇ taˬ-euˬ meh. Naw maꞈ aˬ yawꞈ-ahˇ byehˇ dzeh-awˇ, maˬ ngeuˇ-eu miˬ yehˇ-ahˇ gʼoe-eu miˇ neh, naw maꞈ-ahˇ kʼoeˇ loꞈ-ehˇ laˆ shaˬ nehˬ-eu gʼaˇ duˬ, aˬ yawꞈ noeˬ tsehˆ gʼaˬ taˬ-euˬ meh.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 22:21

Naw maꞈ dehꞈ dzaˬ luꞈ ngeh Sahˬpaˬ Miˬyehˇ dawˬ ngehˬ cawˬ gaˇ, naw maꞈ naˬ bawˇ maˬ ciˬ kʼmˇ-aˬ. Naw maꞈ dehꞈ dzeuˇ laꞈ-euˬ aˇ yamˬ heu myah laꞈ kʼoeˇ, Sahˬpaˬ Miˬyehˇ ehˇ dawˬ maˬ naˇ haˬ-aˬ.

Yeˬlaˬmiˇ 32:33

Aˬ yawꞈ maꞈ ngaˬ-ahˇ naˇ kʼah ciˬ pyawˇ-awˇ, ngaˬ neh tiˬ poˆ saˇ-iˬ tiˬ poˆ mehˬ nehˬ tsoˆ nehˬ-euˬ dawˬ-ahˇ naˬ bawˇ maˬ ciˬ kʼmˇ-a.

Yeˬlaˬmiˇ 35:13

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Aˬ jeˬ miˇ neh naw maꞈ ngaˬ-euˬ dawˬ-ahˇ maˬ naˇ haˬ-ehˇ, ngaˬ neh mehˬ nehˬ tsoˆ nehˬ taˬ-euˬ loꞈ-ehˇ maˬ dehꞈ te lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ naˇ haˬ-euˬ ma.

Yeˬlaˬmiˇ 35:17

Kʼoeˇ miˇ neh, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ neh, naw maꞈ kʼoeˇ taˆ bi keuˆ le ma lehˇ saˇ jaˇ dzaˬ taˬ-euˬ luˬ-iˇ seˇ-iˇ-eu jeˬ, nymˬ-mˇ bi keuˆ le ma. Ngaˇ naw maꞈ-ahˇ dawˬ ngehˬ cawˬ ngeh naw maꞈ maˬ naˇ haˬ-ehˇ, ngaˇ kuˇ ngeh naw maꞈ oˬ maˬ toˬ-eu miˇ neh, ngaˇ kʼoeˇ loꞈ-ehˇ jahˇ ma.”

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬsaˬgeˬlaˇ 22:24

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ-euˬ miˇ kʼahˬ maˬ muiˬ maˬ shawˇ-ehˇ pyeuꞈ-iˇ-euˬ miˇ neh, ngaˇ nui ma pehˇ-eu laꞈ kʼoeˇ kʼehˬ nehˬ kʼaˆ nehˬ-eu ma.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

2 Tiˆmoˇseˬ 3:16

Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ kʼoeˇ boꞈ doˆ taˬ-euˬ jeˬ pyeuꞈ-awˇ, yaw tsaˬ yaw dawˇ jeˬ mehˬ-eu tsoˆ-eu gʼaˇ duˬ maˬ ehˇ, iˬ baˇ-ahˇ toeˬ mehˬ-eu gʼaˇ duˬ maˬ ehˇ, maˬ tsaˬ-eu jeˬ-ahˇ mehˬ paˇ tsoˆ paˇ-eu gʼaˇ duˬ maˬ ehˇ, yaw tsaˬ yaw dawˇ dawˇ-ehˇ dehꞈ ni mehˬ-eu tsoˆ-eu gʼaˇ duˬ maˬ ehˇ, gaˇ dahˇ tsoeˬ dui dui-eu meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.