Zeˬpaˬniˇ 3:19 - Akha

¹⁹ Nawˬ-ahˇ kʼehˬ-eu tsawˇ haˬ deuˬ-ahˇ, ngaˇ paˇ kʼehˬ paˇ kʼaˆ poˆ nehˬ-awˇ, kuiˇ kuˆ deuˬ ka kʼoꞈ doˆ laꞈ-awˇ, teh byaˆ-euˬ deuˬ sheuˬ kʼoꞈ laꞈ-eu, aˇ nah kʼoeˇ nah keuˆ le luꞈ meh. Naw maꞈ ya shaꞈ dawˇ dui dui-euˬ, daˬ ga-euˬ jeˬ poˆ laˆ laˆ-awˇ, ciˬ huiˬ nehˬ-eu jeˬ bi oꞈ ma. Miˇ tsaˬ zaˬ dawˬ tawˆ tuˇ laˇ-awˇ, aˬ yawꞈ maꞈ-ahˇ ja ceuˬ tehꞈ-a.

Zeˬpaˬniˇ 3:19 ပူးပေါင်းရင်းမြစ်များ

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 61:7

Naw maꞈ daˬ ga-awˇ shaꞈ dawˇ-eu maˬ paˇ jaˆ meh. Yawˬ ha miˇ kʼahˬ-ahˇ naw maꞈ ya jawˇ-awˇ, pyuˇ shuiˇ myawˬ gahˬ nyiˬ bymˇ myaˬ dzehˬ laˇ-eu laꞈ kʼoeˇ, mˬ maˬ maˬ byaˆ zaˇ ziˇ laˬ kʼaˬ ya cehˇ tehꞈ-a.

Iˇsaˬyaˇ 62:7

Yeˬluˇsaˬlehˬ meuˬ-ahˇ aˬ yawꞈ paˇ laˆ ziꞈ-awˇ, miˇ tsaˬ dawˬ tawˆ luꞈ ya ja ceuˬ-eu meuˬ maˬ bi pyeuꞈ laˇ kʼoeˇ keuˆ, aˬ yawꞈ maꞈ aˬ yawꞈ-ahˇ gʼaˬ naˬ maˬ bi naˬ-a.

Yeˬlaˬmiˇ 30:16

Ehˇ kʼawꞈ, naw maꞈ-ahˇ kawꞈ dzaˬ-euˬ tsawˇ haˬ kʼoeˇ deuˬ, aˬ cawˬ neh kawꞈ dzaˬ gaˇ paˇ ya daˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a. Naw maꞈ-ahˇ kʼaˇ kʼaˆ dzaˬ-euˬ tsawˇ haˬ, aˬ cawˬ neh kʼaˆ dzaˬ gaˇ ya daˬ-awˇ, naw maꞈ-euˬ mˇ myawˬ-ahˇ ceh geuꞈ-euˬ deuˬ, aˬ cawˬ neh mˇ myawˬ bi ceh geuꞈ tehꞈ-a.

Yeˬlaˬmiˇ 30:19

Kʼoeˇ gaˇ jawˇ-eu tsawˇ haˬ deuˬ ja ceuˬ-eu caˇ dawˬ caˇ-awˇ, laˬ kʼaˬ cehˇ cehˇ-ehˇ guˇ tehꞈ-a. Ngaˬ-euˬ guiˬ lahˬ baˬ da aˬ yawꞈ maꞈ jeuˬ le o le-awˇ, aˬ yawꞈ maꞈ-ahˇ aˬ cawˬ taˬ huiˬ taˬ mahˇ tehꞈ-a.

Yeˬlaˬmiˇ 31:8

Laꞈ taˆ paw kʼahˬ-ahˇ neh aˬ yawꞈ maꞈ-ahˇ ngaˇ sheuˬ kʼoꞈ ka leꞈ-awˇ, mˬ dzeˇ miˇ dzeˇ-ahˇ neh poˆ kʼoꞈ uiˬ ma. Myaˆ behꞈ kuiˇ kuˆ hawˇ-eu gʼawˇ mawˇ maˬ ngehꞈ-eu deuˬ, aˬ nyiˇ ciˬ deˇ le-euˬ aˬ ma deuˬ ahˇ leˇ-ehˇ, teu myaˆ heu myaˆ maˬ siˬ ni gʼoꞈ uiˬ laˇ tehꞈ-a.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:27

“Nymˬ-mˇ poˆ jawˇ-aˬ, nawˬ-ahˇ kʼehˬ nehˬ kʼaˆ nehˬ-awˇ, ngaˬ neh nawˬ-ahˇ biˇ oꞈ nehˬ-euˬ guiˬ lahˬ jeˬ biˇ yuˇ kʼoꞈ doˆ-eu gʼaˇ duˬ ngaˇ aˬ laꞈ cawˬ diˇ taˬ-euˬ ma. Nawˬ-ahˇ bye-awˇ, nawˇ dehꞈ jawꞈ gaˇ nui daˆ daˆ luꞈ-eu Piˇliˇtiˆ tsawˇ haˬ deuˬ-euˬ laꞈ-ahˇ, nawˬ-ahˇ ngaˇ a nehˬ ma.

Yeˬsaˬgeˬlaˇ 16:57

Nawˬ neh mˇ-euˬ yaw haiˬ jeˬ bya cehˆ ni maˬ doˆ laˇ mi naˆ-ehˇ, nawˇ kʼoeˇ loꞈ-ehˇ jahˇ gʼeh-euˬ maˬ ngeuˇ loˇ. Nymˬ-mˇ poˆ jawˇ-aˬ, nawˇ hawˇ-eu aˬ yawꞈ tiˬ kawˆ meh. Eˬdoˬ tsawˇ haˬ, Piˇliˇtiˆ tsawˇ haˬ hawˇ-eu, nawˬ-ahˇ bye-eu nawˬ-euˬ dawˬ peh kʼaˇ jawˇ-eu tsawˇ haˬ deuˬ-euˬ ja bu ja doeˇ duˬ meh.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Yeˬsaˬgeˬlaˇ 39:13

Miˇ kʼahˬ zaˬ yawˬ gʼaˬ na luꞈ tsawˇ haˬ kʼoeˇ deuˬ baꞈ pahˬ gaˇ caw ba le-awˇ, kʼoeˇ loꞈ-ehˇ jahˇ-euˬ aˇ poeˬ, ngaˇ gʼaˬ leˇ-eu aˇ nah kʼoeˇ nah-ahˇ aˬ yawꞈ maꞈ-ahˇ taˬ huiˬ taˬ mahˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 39:26

Aˬ yawꞈ maꞈ aˬ cawˬ-ahˇ guˆ kʼaˇ maˬ za ni aˬ yawꞈ maꞈ-euˬ miˇ kʼahˬ laꞈ kʼoeˇ nui saˇ oꞈ-awˇ paˇ ya dehꞈ ngeh jawˇ, aˬ yawꞈ maꞈ ngaˬ-ahˇ mˇ bahˬ-euˬ miˇ neh, aˇ naˆ ni ya shaꞈ dawˇ-euˬ gaˇ kawˆ -ahˇ ngehˇ tehꞈ-a.

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Zeˬpaˬniˇ 3:15

Nawˬ-ahˇ kʼehˬ nehˬ kʼaˆ nehˬ-eu jeˬ, Sahˬpaˬ Miˬyehˇ yuˇ dzeh jiˇ-awˇ, nawˬ-ahˇ muiˇ-eu deuˬ dawˬ tawˆ luꞈ, aˬ yawꞈ teh dzeh byoˆ jiˇ-euˬ meh. Iˇsaˬleˬlaˆ sahˬpaˬ pyeuꞈ-eu, Sahˬpaˬ Miˬyehˇ nawˬ nehˇ jawˇ-awˇ, nawˇ guˆ-eu jeˬ maˬ paˇ jaˆ meh.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Dawˬmehˬ 26:19

Aˬ yawꞈ neh beh taˬ-euˬ tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ huiˬ dzehˬ-eu tsawˇ jeuˬ bi pyeuꞈ laˇ-awˇ, aˬ yawꞈ-euˬ tsawˇ myahˇ-ahˇ naw maꞈ ja ceuˬ-awˇ ya taˬ huiˬ ya taˬ mahˇ tehꞈ-a. Aˬ yawꞈ neh saˇ jaˇ dzaˬ taˬ-euˬ loꞈ-ehˇ, naw maꞈ aˬ yawꞈ-euˬ tsawˇ jeuˬ ya pyeuꞈ laˇ tehꞈ-a.”

HeˬByehˇ 12:13

Kuiˇ shiˇ shiˇ-eu tsawˇ haˬ yoeˬ tsuiꞈ maˬ bi jiˆ paˇ-iˇ-eu uˬ taꞈ, bi taˬ leˇ nya-eu gʼaˇ duˬ yaw tsaˬ yaw dawˇ gaˇ ma-ahˇ cah-awˬ.

Panmaeq 20:9

Aˬ yawꞈ maꞈ miˇ tsaˬ kʼoeˇ taˆ jawˇ byah jiˇ-awˇ, Miˬyehˇ-euˬ tsawˇ haˬ deuˬ-euˬ sehˬ gʼawˆ hawˇ-eu Miˬyehˇ gaˬ-eu meuˬ kʼoeˇ meuˬ-ahˇ jawˬ lahˇ jiˇ-euˬ meh. Ehˇ kʼawꞈ, mˬ-ahˇ neh miˬ dzaˬ ga ka le-awˇ, aˬ yawꞈ maꞈ-ahˇ laˆ luˬ laˆ seˇ-euˬ meh.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.