Zeˬpaˬniˇ 3:17 - Akha

¹⁷ Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Zeˬpaˬniˇ 3:17 ပူးပေါင်းရင်းမြစ်များ

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Aˇ dahˬ 2:2

Kʼaˇ mˇ kʼaˇ shaˇ paˬ-ehˇ gʼeh-eu jeˬ mˇ gʼaˬ shaˇ gʼaˬ jiˇ-euˬ miˇ neh, shiꞈ nah tiˬ nah keuˆ laˇ ngeh, Miˬyehˇ gʼaˬ naˬ naˬ-euˬ meh.

Jaceuq 147:11

Ehˇ kʼawꞈ, aˬ yawꞈ-ahˇ taˬ huiˬ-eu tsawˇ haˬ deuˬ hawˇ-eu, maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ gʼoe-eu tsawˇ haˬ deuˬ-ahˇ, aˬ yawꞈ nui kʼahˇ shiˇ-eu meh.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 78:65

Aˇ saˬ saˬ laˇ ngeh uˬ noeˬ beuˇ laˇ-euˬ loꞈ-ehˇ Miˬyehˇ luˆ laˇ-awˇ, aˬ gaꞈ dzaˇ uiˇ dawˇ beuˇ-euˬ gʼaˬ kʼaˆ dui dui-eu tsawˇ haˬ loꞈ-ehˇ tuˇ laˇ-euˬ meh.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Iˇsaˬyaˇ 63:1

“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 65:19

Yeˬluˇsaˬlehˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ, ngaˬ-euˬ gʼawˇ mawˇ laˬ kʼaˬ ya cehˇ tehꞈ-a. Kʼoeˇ gaˇ noeˬ shaˬ noeˬ zahˬ-eu maˬ jaˆ-ehˇ, caw ba nehˬ laꞈ lehˇ ngoeˇ-eu maˬ paˇ ya gaˬ meh.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Yawˇlaˆ 2:21

“Deh yaˇ deuˬ-oˇ, naw maꞈ taˬ guˆ. Laˬ kʼaˬ cehˇ-awˇ nui saˇ za-awˬ. Naw maꞈ gʼaˇ duˬ zahˬ leˇ paˬ-ehˇ, Sahˬpaˬ Miˬyehˇ mˇ nehˬ-euˬ meh.

Zeˬpaˬniˇ 3:15

Nawˬ-ahˇ kʼehˬ nehˬ kʼaˆ nehˬ-eu jeˬ, Sahˬpaˬ Miˬyehˇ yuˇ dzeh jiˇ-awˇ, nawˬ-ahˇ muiˇ-eu deuˬ dawˬ tawˆ luꞈ, aˬ yawꞈ teh dzeh byoˆ jiˇ-euˬ meh. Iˇsaˬleˬlaˆ sahˬpaˬ pyeuꞈ-eu, Sahˬpaˬ Miˬyehˇ nawˬ nehˇ jawˇ-awˇ, nawˇ guˆ-eu jeˬ maˬ paˇ jaˆ meh.

Zeˬpaˬniˇ 3:5

Kʼoeˇ gaˇ jawˇ-eu Sahˬpaˬ Miˬyehˇ, maˬ tsaˬ maˬ dawˇ-eu maˬ mˇ-ehˇ, yaw tsaˬ yawˬ dawˇ jeˬ mˇ luꞈ-awˇ, aˬ yawꞈ-euˬ yaw tsaˬ yaw dawˇ jeˬ, yawˬ shawˬ na luꞈ mehˬ nehˬ luˬ kʼawꞈ, maˬ tsaˬ maˬ dawˇ-eu tsawˇ haˬ deuˬ, shaꞈ dawˇ-eu myaˆ pyawˬ maˬ baw ni, maˬ tsaˬ-eu jeˬ mˇ luꞈ-eu meh.

Bawˇtsahˬ 14:8

Sahˬpaˬ Miˬyehˇ aˬ dui-ahˇ nui ma tsaˬ naˇ, aˬ dui-ahˇ kʼoeˇ gaˇ aˬ yawꞈ sheuˬ gʼeh-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ, aˬ dui-ahˇ biꞈ nehˬ laꞈ tehꞈ-a.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 15:11

Ngaˬ-euˬ laˬ kʼaˬ cehˇ-eu jeˬ naw maꞈ laꞈ kʼoeˇ ahˇ-awˇ, naw maꞈ laˬ kʼaˬ cehˇ-eu jeˬ byah laˇ ni, naw maꞈ-ahˇ ngaˇ heu loꞈ-ehˇ ehˇ nehˬ-euˬ jeˬ pyeuꞈ-eu ma.

Dawˬmehˬ 23:15

“Zaˬ kʼaˆ tiˬ gʼaˬ na, yaw sahˇ gʼaˬ jawˇ gaˇ neh cehˆ doˆ le-awˇ, nawˬ-ahˇ uˬ duˬ tahˬ shaˇ laˇ naˇ, maˬ bi gʼoꞈ-iˇ ni nawˬ nehˬ-ehˇ bi jawˇ-awˬ.

Dawˬmehˬ 30:9

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ bi baw bi za le tehꞈ-a. Nawˬ-euˬ zaˬ deuˬ jeuˬ le o le-awˇ, nawˬ-euˬ mawˇ nyoˬ jeˬ kaˇ myaˬ laˇ behˇ laˇ-eu uˬ taꞈ, nawˬ-euˬ deh yaˇ-ahˇ dzaˬ la gʼo cehˇ za dui dui le tehꞈ-a. Nawˬ-euˬ aˬ poeˬ aˬ bawˇ deuˬ baw le za le ni mˇ nehˬ-eu gʼaˇ duˬ aˬ yawꞈ laˬ kʼaˬ cehˇ-eu loꞈ-ehˇ, nawˇ baw le za le ni mˇ nehˬ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.