Zeˬpaˬniˇ 2:8 - Akha

⁸ Sahˬpaˬ Miˬyehˇ ehˇ-eu, “Mawˇbaˆ hawˇ-eu Aˬmoˬ tsawˇ jeuˬ, ngaˬ-euˬ tsawˇ haˬ-ahˇ ehˇ doeˇ-awˇ, miˇ kʼahˬ ceh geuꞈ ma lehˇ lmˬ-eu, ngaˬ-euˬ naˬ bawˇ gaˬ taˬ-euˬ ma.

Zeˬpaˬniˇ 2:8 ပူးပေါင်းရင်းမြစ်များ

Aˇ dahˬ 19:37

Aˬ buˇ aˬ yuiꞈ gʼaˬ aˬ li tiˬ li ciˬ-awˇ, Mawˇbaˆ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Mawˇbaˆ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Aˇ dahˬ 19:38

Aˬ buˇ aˬ nyiˇ gʼaˬ kʼawꞈ aˬ li tiˬ li ciˬ-awˇ, Beˬnaˬmiˇ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Aˬmoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Iˇsaˬyaˇ 15:1

Heu-aˬ, Mawˇbaˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Mawˇbaˆ miˇ kʼahˬ laꞈ kʼoeˇ jaˆ-eu, Aˇlaˆ meuˬ hawˇ-eu Kiˇlaˆ meuˬ, tiˬ miˇ tehꞈ-ehˇ bi laˆ cawˆ-awˇ, Mawˇbaˆ miˇ kʼahˬ ciˬ cuˇ ni jaˆ-eu meh.

Iˇsaˬyaˇ 16:6

Yuˇdaˆ tsawˇ haˬ deuˬ ehˇ-eu, “Mawˇbaˆ tsawˇ haˬ deuˬ jahˇ gʼeh-eu gaˇ kawˆ, nga maꞈ ya gaˬ gʼaˬ taˬ-euˬ ma. Aˬ yawꞈ maꞈ kʼahˬ sehˇ huiˬ-awˇ jahˇ gʼeh sehꞈ kʼawꞈ, aˬ yawꞈ maꞈ neh kʼahˬ sehˇ jehˆ-euˬ awˬ kʼawꞈ tehꞈ meh.”

Yeˬlaˬmiˇ 12:14

Sahˬpaˬ Miˬyehˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ taˬ-euˬ miˇ kʼahˬ kʼoeˇ kʼahˬ laˆ cawˆ-euˬ tsawˇ haˬ deuˬ pyeuꞈ-eu, Iˇsaˬleˬlaˆ miˇ kʼahˬ dawˬ peh jawˇ-eu tsawˇ jeuˬ kʼoeˇ deuˬ-ahˇ, ngaˇ ehˇ nehˬ paˬ-ehˇ gʼeh-eu jeˬ jaˆ-eu ma. Aˇ bawˇ puˇ ngawˬ ngawˬ-eu loꞈ-ehˇ haiˬ-eu tsawˇ haˬ kʼoeˇ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh ngaˇ gʼawˇ lehˆ dzeh-awˇ, aˬ yawꞈ maꞈ-euˬ aꞈ laꞈ laꞈ kʼoeˇ neh, Yuˇdaˆ miˇ kʼahˬ-ahˇ ngaˇ ka kʼoꞈ doˆ ma.

Yeˬlaˬmiˇ 48:1

Mawˇbaˆ miˇ kʼahˬ gaˇ kawˆ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Neˬboˬ meuˬ-ahˇ jawˇ-eu deuˬ-ahˇ gʼawˬ shaˬ gaˬ-awˬ. Aˬ yawꞈ maꞈ-euˬ meuˬ bi laˆ cawˆ-euˬ meh. Kiˇlaˬdeˬ meuˬ-ahˇ aˬ cawˬ deuˆ gʼaˬ-awˇ, ziꞈ dui dui-eu taˆ deuˬ bi deuˆ byaˆ-awˇ, meuˬ-ahˇ jawˇ-eu deuˬ daˬ ga dui dui-awˇ,

Yeˬlaˬmiˇ 49:1

Aˬmoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ aˬ geu paw iˇ jiˇ taˬ. Yawˬ ha-euˬ miˇ kʼahˬ-ahˇ deuˆ piˇ-eu tiˬ gʼaˬ-iˬ maˬ paˇ jawˇ meh loˇ. Miˇlaˬkoˬ miˬ yehˇ-ahˇ uˬ duˬ tahˬ-eu tsawˇ haˬ deuˬ, Gaˆ miˇ kʼahˬ-ahˇ deuˆ gʼaˬ-awˇ, kʼoeˇ gaˇ jawˇ geuꞈ laˇ ngeh keuˆ ni, aˬ jeˬ miˇ neh tiˬ jeˬ-iˬ maˬ gʼeh ni jawˇ ta.

Ngoeˇ dawˬ 3:61

“Yawꞈ maꞈ ngaˬ-ahˇ yaw doeˇ ngehˬ-euˬ, Sahˬpaˬ Miˬyehˇ nawˇ gaˬ jiˇ-awˇ, yawꞈ maꞈ bahˬ toˆ nawˇ siˬ jiˇ meh.

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Yeˬsaˬgeˬlaˇ 25:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 35:12

Nawˬ-euˬ nui ma laꞈ kʼoeˇ haw teˬ haw nyiˇ dui dui-awˇ, ‘Iˇsaˬleˬlaˆ gawˬ jawˬ deuˬ ciˬ cuˇ saˆ ni jaˆ-awˇ, ngaˇ ya dzoeˬ dzaˬ-eu yaw duˬ baw ngaˇ’ lehˇ ehˇ-euˬ dawˬ kʼoeˇ dawˬ-ahˇ ngaˇ gaˬ-euˬ ngaˇ lehˇ nawˇ ya siˬ tehꞈ-a.

Yeˬsaˬgeˬlaˇ 36:2

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Aˇ hu ba neh jaˆ-euˬ gawˬ jawˬ kʼoeˇ deuˬ, nymˬ-mˇ poˆ jawˇ-aˬ nga maꞈ-euˬ ma’ lehˇ Iˇsaˬleˬlaˆ-ahˇ muiˇ-eu deuˬ ehˇ luꞈ-eu meh.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.

Aˬmoˆ 2:1

Sahˬpaˬ Miˬyehˇ ehˇ-eu, “Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Eˬdoˬ sahˬ paˬ-euˬ shaˬ yoeˬ-ahˇ kʼaˬ lehˇ pyeuꞈ-iˇ ngeh keuˆ ni aˬ yawꞈ maꞈ miˬ dzaˬ dzah puiˆ-euˬ laꞈ kʼoeˇ, yehˬ bawˬ sehˇ lu-ehˇ gʼeh nehˬ-euˬ meh.

Zeˬpaˬniˇ 2:10

Sahˬpaˬ Miˬyehˇ-euˬ tsawˇ haˬ-ahˇ, yehˬ bawˬ-ehˇ ehˇ nehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Yawˇshuˆ 5:9

“Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ ya geuꞈ-euˬ shaˬ zahˬ naw maꞈ kʼoeˇ taˆ ngaˇ maˬ paˇ bi keuˆ le ma” lehˇ, Yawˇshuˆ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ miˇ neh jawˇ duˬ kʼoeˇ tsahˇ-ahˇ Giˇlaˇgaˬlaˇ lehˇ myahˇ nehˬ-awˇ, tsawˇ myahˇ kʼoeˇ iˬ nahˇ keuˆ ni jaˆ luꞈ-eu meh.