Zeˬpaˬniˇ 2:5 - Akha

⁵ Laˆ shaˆ lawˇ deh tiˬ li jawˇ-eu, naw maꞈ Piˇliˇtiˆ tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Sahˬpaˬ Miˬyehˇ yaˇ kʼaˬ daˇ-awˇ, tiˬ gʼaˬ-iˬ maˬ bi dzeuˇ-iˇ ni, laˆ cawˆ nehˬ gaˇ ya daˬ tehꞈ-a.

Zeˬpaˬniˇ 2:5 ပူးပေါင်းရင်းမြစ်များ

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Iˇsaˬyaˇ 14:30

Shaˬ dui dui-eu ngaˬ-euˬ tsawˇ haˬ ya dzaˬ ya dawˇ dehˆ-awˇ, zahˬ dui dui-eu ngaˬ-euˬ tsawˇ haˬ nui saˇ oꞈ tehꞈ-a. Ehˇ kʼawꞈ, naw maꞈ tsawˇ haˬ tiˬ gʼaˬ-iˬ maˬ dehꞈ dzeuˇ nya ni, mehꞈ-eu shuꞈ-eu jeˬ ngaˇ bi keuˆ le ma.”

Yeˬlaˬmiˇ 47:7

Aˬshaˇgaˬloˇ meuˬ-ahˇ hawˇ-eu, laˆ shaˆ lawˇ deh doe ni jawˇ-eu deuˬ-ahˇ, bi kʼehˬ-eu lehˇ Sahˬpaˬ Miˬyehˇ neh kʼehˇ leꞈ-euˬ, mi cehˇ kʼoeˇ aˬ joˆ-ehˇ naˬ leˇ nya nmˇ.”

Yeˬsaˬgeˬlaˇ 25:16

Kʼoeˇ miˇ neh, Piˇliˇtiˆ tsawˇ haˬ deuˬ-ahˇ deuˆ byoˆ leꞈ ma lehˇ ngaˇ ehˇ-eu ma. Piˇliˇtiˆ deh ga-ahˇ kʼaˇ dzeˇ yaꞈ-euˬ tsawˇ haˬ yawˬ gʼaˬ na luꞈ-ahˇ, ngaˇ laˆ cawˆ nehˬ ma.

Aˬmoˆ 3:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naˇ haˬ sheˇ. Naw maꞈ tsawˇ jeuˬ jeuˬ lah ni-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu Sahˬpaˬ Miˬyehˇ neh naw maꞈ-euˬ gaˇ kawˆ heu loꞈ-ehˇ ehˇ taˬ-euˬ meh.

Aˬmoˆ 5:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ ngaˇ tsawˇ ngoeˇ ngoeˇ-eu laꞈ kʼoeˇ tsawˇ shiˇ caˇ dawˬ caˇ gaˇ naˇ haˬ sheˇ.

Zeˬpaˬniˇ 1:11

Meuˬ laꞈ oˆ pyawˬ-ahˇjawˇ-eu deuˬ, teˇ saˇ kʼoeˇ deuˬ gaˬ doˆ laˇ ngeh, yaw kʼaˆ-ehˇ guˇ guˇ-ehˇ ngoeˇ-awˬ. Aˬ jeˬ miˇ neh ehˇ naˇ, baw gaꞈ deuˬ ya shiˇ jiˇ tehꞈ-a.

Zeˬpaˬniˇ 3:6

Sahˬpaˬ Miˬyehˇ ehˇ-eu, “Miˇ tsaˬ tsawˇ jeuˬ dawˬ tawˆ luꞈ-ahˇ, ngaˇ laˆ cawˆ byoˆ nehˬ jiˇ-euˬ ma. Meuˬ-euˬ gaˇ ma ciˬ cuˇ jaˆ-awˇ, iˇ tsehˆ laˇ tsehˆ-eu maˬ jawˇ-a. Meuˬ dawˬ tawˆ luꞈ ciˬ cuˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Yawˇshuˆ 13:2

Za paˬ-ehˇ gʼeh-eu miˇ kʼahˬ kʼoeˇ-aˬ, Piˇliˇtiˆ miˇ kʼahˬ, Geˬshuˇlaˆ miˇ kʼahˬ hawˇ-eu,

Yawˇshuˆ 13:3

laꞈ oˆ paw pyawˬ-ahˇ jaˆ ka gʼeh-euˬ Aˬbymˬ miˇ kʼahˬ kʼahˬ lah ni meh. (Iˇjiˇtuˆ miˇ kaˬ-ahˇ jaˆ-eu Shiˇhoˬ lawˇ gawˆ-ahˇ neh, laꞈ taˆ paw Eˇkaˬloˬ miˇ kaˬ-ahˇ keuˆ ni, Kaˬnaˬ tsawˇ haˬ deuˬ-euˬ jawˇ duˬ meh. Piˇliˇtiˆ sahˬ paˬ deuˬ-aˬ, Gaˬzaˬ meuˬ, Aˬshaˬdoˇ meuˬ, Aˬshaˇgaˬloˇ meuˬ, Gaˬdaˇ meuˬ, Eˇkaˬloˬ meuˬ heu deuˬ-ahˇ jawˇ-euˬ meh.)

Yaˇ kʼaˬ daˇ 3:3

Miˇ kʼahˬ kʼoeˇ kʼahˬ laꞈ kʼoeˇ dzeˇ yaꞈ-euˬ deuˬ-aˬ, Piˇliˇtiˆ meuˬ ngaˬ meuˬ, Kaˬnaˬ tsawˇ jeuˬ dawˬ tawˆ luꞈ hawˇ-eu, Siˇdoˬ tsawˇ jeuˬ uˬ taꞈ Baˬlaˇheˬlaˬmoˬ gawˬ jawˬ hawˇ-eu Haˬmaˆ gʼaˬ lahˇ-ahˇ keuˆ ni jaˆ-eu Leˬbaˬnoˬ gawˬ jawˬ deuˬ-ahˇ jawˇ-eu Hiˇbiˇ tsawˇ haˬ deuˬ meh.

1 Saˬmeuˬlaˆ 30:14

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Sheˬleˬdiˇ tsawˇ jeuˬ-euˬ miˇ kʼahˬ hawˇ-eu, Gaˬlehˆ tsawˇ jeuˬ-euˬ miˇ kʼahˬ-ahˇ nga maꞈ guiˇ deuˆ-awˇ, Ziˇkaˬlehˆ meuˬ-ahˇ nga maꞈ miˬ dzaˬ keuˬ dzeh yaꞈ-euˬ ma.”