Zeˬpaˬniˇ 2:14 - Akha

¹⁴ Bawˇ tsahˬ jeˬ zaˬ kʼaˇ jawˇ kʼaˇ deuˬ, meuˬ gʼahˇ lahˇ ceh yuꞈ le tehꞈ-a. Nymˇ coeˬ doe ni dzeˇ ngawˇ dawꞈ-awˇ, laˇ gʼoˆ-ahˇ awꞈ-aꞈ mahˇ le tehꞈ-a. Ziꞈ dui dui-eu shuˬ liˇ pyaꞈ dmˬ, neˇ law ni ga zaˇ mawˇ tehꞈ-a.

Zeˬpaˬniˇ 2:14 ပူးပေါင်းရင်းမြစ်များ

Jaceuq 102:6

Bawˇ tsahˬ-ahˇ dzuˇ luꞈ-eu jeˬ shiˇ kʼaˬ dzeˇ hawˇ-eu, cawˆ-iˇ-euˬ pu-ahˇ dzuˇ luꞈ-eu bo-mˬ bo lo-ahˇ duˇ miˇ-a.

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Yeˬlaˬmiˇ 22:14

“Kʼoeˇ taˆ tiˆ jeˇ lo ni gʼeh-eu, nymˇ nymˇ ma tiˬ nymˇ tsoˆ doˆ ma” ehˇ-awˇ, laˇ gʼoˆ zaˬ gʼawˬ mya ni jahˇ ahˇ-awˇ, shuˬ liˇ teˇ byaꞈ kaˇ pyawˇ taw-awˇ, jaˆ gʼaˬ neˇ lehꞈ muiˬ taˬ-euˬ tsawˇ haˬ, shaˬ zahˬ ya mˇ dui dui tehꞈ-a.

Aˬmoˆ 9:1

Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma.

Zeˬpaˬniˇ 2:6

Laˆ shaˆ lawˇ deh naw maꞈ miˇ kʼahˬ, yawˇ bo-eu deuˬ sehˬ gʼawˆ gʼawˆ-awˇ, yawˇ gaˆ dzaˬ duˬ pyeuꞈ-iˇ tehꞈ-a.

Panmaeq 18:2

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Aˬ yawꞈ coˬ-iˇ-euˬ meh. Huiˬ dui dui-eu Baˬbuˇloˬ meuˬ coˬ-iˇ-euˬ meh. Aˬ yawꞈ-aˬ, nehꞈ deuˬ hawˇ-eu maˬ muiˬ maˬ shawˇ-eu yaw sahˇ deuˬ yaw bui bui duˬ pyeuꞈ-iˇ-euˬ meh. Jawꞈ dui dui-awˇ maˬ haw cawˬ nahˇ paˬ-ehˇ gʼeh-eu aˇ jiˇ dawˬ tawˆ luꞈ kʼoeˇ gaˇ jawˇ-eu meh.