Zeˬpaˬniˇ 2:13 - Akha

¹³ Laꞈ taˆ paw aˬ laꞈ cawˬ ja-awˇ, Aˬsuˇliˆ meuˬ laˆ cawˆ tehꞈ-a. Niˇnaˬbeˬ meuˬ ciˬ cuˇ saˆ ni, kʼaˇ shuiꞈ deh ga pyeuꞈ-iˇ tehꞈ-a.

Zeˬpaˬniˇ 2:13 ပူးပေါင်းရင်းမြစ်များ

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 14:26

Miˇ tsaˬ dawˬ tawˆ luꞈ kʼoeˇ taˆ heu loꞈ-ehˇ keuˆ le ni, ngaˇ noeˬ tsehˆ taˬ-euˬ ma. Tsawˇ jeuˬ dawˬ tawˆ luꞈ-ahˇ kʼehˬ-eu gʼaˇ duˬ, ngaˇ aˬ laꞈ cawˬ ja taˬ-euˬ ma.”

Iˇsaˬyaˇ 37:37

Kʼoeˇ ngeh, Aˬshuˇliˆ sahˬ paˬ Saˬneˬkaˬliˇ naˇ kʼah paw jiˆ gʼoꞈ-awˇ, Niˇnaˬbeˬ meuˬ-ahˇ gʼoꞈ leˇ-euˬ meh.

Yeˬlaˬmiˇ 49:33

Haˬzawˇ meuˬ-aˬ, mˬ maˬ maˬ byaˆ zaˇ ziˇ bawˇ tsahˬ aˬ kuiˬ jawˇ-eu kʼaˇ shuiꞈ deh ga bi pyeuꞈ-iˇ ma. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ leˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇnaˆ 1:2

“Huiˬ dui dui-eu Niˇnaˬbeˬ meuˬ-ahˇ iˇ-awˇ, ‘Naw maꞈ iˬ baˇ naꞈ dui dui meh’ lehˇ ehˇ nehˬ-iˇ-awˬ. Kʼoeˇ gaˇ jawˇ-eu tsawˇ haˬ deuˬ aˇ naˆ ni maˬ tsaˬ maˬ dawˇ-eu gaˇ kawˆ ngaˇ siˬ duˬ luꞈ ma.”

Yawˇnaˆ 3:2

“Huiˬ dui dui-eu Niˇnaˬbeˬ meuˬ kʼoeˇ meuˬ-ahˇ iˇ-awˇ, ngaˬ neh nawˬ-ahˇ bi ehˇ-euˬ dawˬ deuˬ tsawˇ haˬ kʼoeˇ deuˬ-ahˇ ehˇ nehˬ-iˇ-awˬ.”

Miˇkaˬ 5:6

Guiˇ deuˆ-eu keu ka neh Aˬshuˇliˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ uˇ le ngeh, Aˬshuˇliˆ tsawˇ jeuˬ-euˬ laꞈ-ahˇ neh aˬ dui maꞈ-ahˇ aˬ yawꞈ maꞈ ka kʼoꞈ tehꞈ-a.

Naˬhmˬ 1:1

Heu-aˬ, Eˇlaˬkawˇshaˆ meuˬ-ahˇ jawˇ-eu Naˬhmˬ neh, Niˇnaˬbeˬ meuˬ gaˇ kawˆ yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu meh.

Naˬhmˬ 3:15

Nawˇ aˇ naˆ ni teuˆ dui dui kʼawꞈ, miˬ dzaˬ neh maˬ bi puiˆ sehꞈ naˇ, guiˇ deuˆ gaˇ bi deuˆ sehꞈ tehꞈ-a. Nyehˇ bahˇ sahˬ lahˬ teuꞈ-eu loꞈ-ehˇ, nawˬ-ahˇ teuꞈ cuˬ byoˆ jiˇ tehꞈ-a. Nyehˇ bahˇ loꞈ-ehˇ nawˇ behˇ laˇ-awˇ,

Naˬhmˬ 3:7

Nawˬ-ahˇ kʼaˇ haw mawˇ le-euˬ deuˬ, kuiˇ toꞈ naˇ kʼah paw ciˬ kʼoꞈ-awˇ, ‘Niˇnaˬbeˬ meuˬ cawˆ jiˇ taˬ ngaˇ. Aˬ suˇ gʼaˬ gʼawˬ shaˬ gaˬ nehˬ nmˇ. Aˬ suˇ gʼaˬ ngehˬ gʼeh nehˬ nmˇ’ lehˇ, naˇ kʼah ciˬ pyawˇ-awˇ ehˇ tehꞈ-a.”

Zeˬpaˬniˇ 1:4

Yuˇdaˆ miˇ kʼahˬ-ahˇ laˆ cawˆ-awˇ, Yeˬluˇsaˬlehˬ-ahˇ kʼaˇ jawˇ-eu, tsawˇ haˬ deuˬ-ahˇ kʼehˬ-eu gʼaˇ duˬ, ngaˬ-euˬ aˬ laꞈ ngaˇ cawˬ doˆ ma. Maˬ byoˆ maˬ laˆ ni dzeˇ luꞈ-eu, Baˬlaˇ-ahˇ uˬ duˬ tahˬ-eu jeˬ, ngaˇ laˆ luˬ laˆ seˇ byoˆ jiˇ-awˇ, aˬ yawꞈ-euˬ piˇ ma kʼoeˇ deuˬ-euˬ, tsawˇ myahˇ maˬ paˇ ya gaˬ haw-aˇ.