Zeˬpaˬniˇ 2:1 - Akha

¹ Shaꞈ dawˇ maˬ baw-eu tsawˇ jeuˬ-oˇ, tiˬ gaˇ uiˬ laˇ bymˇ laˇ jiˇ-awˇ,

Zeˬpaˬniˇ 2:1 ပူးပေါင်းရင်းမြစ်များ

2 Laˬsaˬbaˬ 20:4

Yuˇdaˆ miˇ kʼahˬ meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, Sahˬpaˬ Miˬyehˇ-ahˇ tahˬ shaˇ leˇ-eu gʼaˇ duˬ Yeˬluˇsaˬlehˬ meuˬ-ahˇ yaw kawˇ-ehˇ le-euˬ meh.

Neˬhaˬmiˇ 8:1

Ba la shiꞈ siˬ tiˬ siˬ-ahˇ, Iˇsaˬleˬlaˆ tsawˇ haˬ deuˬ yawˬ ha-euˬ meuˬ deuˬ-ahˇ jawˇ duˬ dah jiˇ-euˬ meh. Ba la kʼoeˇ siˬ yaw beh nah-ahˇ, Yeˬluˇsaˬlehˬ laꞈ kʼoeˇ Iˇ cuꞈ lahˇ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ aˬ yawꞈ maꞈ uiˬ laˇ jiˇ-euˬ meh. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ biꞈ taˬ-euˬ Moˇseˬ-euˬ zahˇ dawˬ kʼoꞈ dawˬ sahˬ boꞈ yuˇ doˆ leꞈ-awˬ lehˇ, piˇ ma hawˇ-eu zahˇ dzoeˬ miˬ ma pyeuꞈ-eu Eˇzaˬlaˬ-ahˇ aˬ yawꞈ maꞈ shaˇ-euˬ meh.

Neˬhaˬmiˇ 9:1

Ba la kʼoeˇ siˬ nyiˬ tseˇ oeˬ nah tiˬ nah-ahˇ Iˇsaˬleˬlaˆ tsawˇ haˬ deuˬ maˬ dzaˬ maˬ dawˇ ni tiˬ gaˇ uiˬ leˇ-awˇ, aˬ yawꞈ maꞈ noeˬ shaˬ dui dui-eu jeˬ bi siˬ bi mawˇ-eu gʼaˇ duˬ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, yawˬ ha-euˬ uˬ duˬ-ahˇ kʼaˬ lehˇ tawˆ daˆ-euˬ meh.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 1:14

Maˬ dzaˬ-eu zahˇ jahˇ-awˇ lah-awˬ. Tsawˇ haˬ aˇ maꞈ kuˇ uiˬ jiˇ-awˬ. Aˬ yuiꞈ aˬ tsu, tsawˇ mawˬ tsawˇ kʼaˆ, miˇ kʼahˬ zaˬ yawˬ gʼaˬ yawˬ na luꞈ, Miˬyehˇ Sahˬpaˬ Miˬyehˇ jawˇ gaˇ, Uˬ duˬ tahˬ nymˇ-ahˇ uiˬ leˇ-awˇ, Sahˬpaˬ Miˬyehˇ-ahˇ ngoeˇ haw-awˬ.

Zeˬpaˬniˇ 3:5

Kʼoeˇ gaˇ jawˇ-eu Sahˬpaˬ Miˬyehˇ, maˬ tsaˬ maˬ dawˇ-eu maˬ mˇ-ehˇ, yaw tsaˬ yawˬ dawˇ jeˬ mˇ luꞈ-awˇ, aˬ yawꞈ-euˬ yaw tsaˬ yaw dawˇ jeˬ, yawˬ shawˬ na luꞈ mehˬ nehˬ luˬ kʼawꞈ, maˬ tsaˬ maˬ dawˇ-eu tsawˇ haˬ deuˬ, shaꞈ dawˇ-eu myaˆ pyawˬ maˬ baw ni, maˬ tsaˬ-eu jeˬ mˇ luꞈ-eu meh.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”