Zeˬpaˬniˇ 1:9 - Akha

⁹ Ngaˇ kʼehˬ nehˬ kʼaˆ nehˬ le ngeh nah, lawˇ ciꞈ zahˇ tawˬ-eu deuˬ hawˇ-eu, yawˬ ha sahˬ paˬ pyuˇ shuiˇ jaˆ ni, aˬ cawˬ-ahˇ nawˬ dzaˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.”

Zeˬpaˬniˇ 1:9 ပူးပေါင်းရင်းမြစ်များ

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Dawqdaq 29:12

Sahˬ paˬ sahˬ ma tiˬ gʼaˬ maˬ tsaˬ-eu dawˬ-ahˇ naˇ haˬ geuꞈ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ jaˬ myawꞈ pyeuꞈ jiˇ-eu meh.

Yeˬlaˬmiˇ 5:27

Aˇ jiˇ kʼmˇ-eu tsawˇ haˬ kʼa loˇ nyehꞈ byah taˬ-euˬ loꞈ-ehˇ, myawꞈ geuꞈ kʼaˆ geuꞈ taˬ-euˬ myawˬ gahˬ, aˬ yawꞈ maꞈ-euˬ nymˇ laꞈ kʼoeˇ byah-eu meh. Kʼoeˇ miˇ neh aˬ yawꞈ maꞈ smˇ muiˬ muiˬ-awˇ baoˬ ahˇ-eu meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

Zaˬkaˬliˇ 5:6

“Aˬ jeˬ-a” lehˇ ngaˇ naˇ haˬ ngeh, “Pawˬ tuˇ meh. Pawˬ tuˇ heu siˬ-aˬ, miˇ kʼahˬ kʼahˬ lah ni-euˬ iˬ baˇ dah zaˇ meh” lehˇ ehˇ-eu meh.

Gʼaˬkʼehˇ 16:19

Aˬ buˇ kʼoeˇ buˇ-euˬ baw leˬ kʼoeˇ deuˬ-aˬ, aˬ yawꞈ maꞈ pyuˇ maˬ paˇ za nya ngaˇ lehˇ siˬ leˇ-awˇ, Pawˇluˆ hawˇ-eu Siˬlaˆ aˬ nyaꞈ-ahˇ nyehꞈ-awˇ, lehˆ lehˆ tsmˇ-ahˇ jaˆ-eu miˇ kʼahˬ zaˬ deuˬ baꞈ dzah dzah duˬ-ahˇ sahˬ paˬ sahˬ ma deuˬ jawˇ gaˇ gʼeu gʼeh-euˬ meh.

Yaˇ kʼaˬ daˇ 19:27

Kʼoeˇ ngeh shawˬ aˬ yawꞈ-euˬ kʼaˬ dzeˇ zaˬ tuˇ-awˇ, gaˇ ma doˆ-iˇ-eu lehˇ laˇ gʼoˆ pah ngeh, aˬ yawꞈ-euˬ ma nyiˇ kʼoeˇ gʼaˬ laˇ gʼoˆ-ahˇ aˬ laꞈ nyehꞈ tehˬ-awˇ, ga gaˇ ya mawˇ-euˬ meh.

1 Saˬmeuˬlaˆ 5:5

Kʼoeˇ miˇ neh, Daˬgoˬ miˬ yehˇ-euˬ gaˇ mˇ-eu piˇ ma deuˬ hawˇ-eu, aˬ yawꞈ-ahˇ uˬ duˬ kʼaˇ tahˬ-eu tsawˇ haˬ dawˬ tawˆ luꞈ, Aˬshaˬdoˇ meuˬ-ahˇ Daˬgoˬ miˬ yehˇ-euˬ uˬ duˬ tahˬ nymˇ laˇ gʼoˆ dawˬ peh jaˆ-eu dawˬ dzm dawˬ tehꞈ-ahˇ, iˬ nah keuˆ ni tiˬ gʼaˬ-iˬ maˬ kʼah dzeuˇ-a.