Zeˬpaˬniˇ 1:7 - Akha

⁷ Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Zeˬpaˬniˇ 1:7 ပူးပေါင်းရင်းမြစ်များ

Yawˇbaˆ 24:1

“Aˬ jeˬ miˇ neh yaˇ kʼaˬ daˇ-eu aˇ yamˬ tiˬ yamˬ Miˬyehˇ maˬ tseˇ doˆ taˬ ta. Aˬ jeˬ miˇ neh aˬ yawꞈ-ahˇ gʼoe-eu deuˬ aˇ nah kʼoeˇ nah-ahˇ loꞈ loꞈ-ehˇ ya shaˬ ta.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Iˇsaˬyaˇ 13:3

Sahˬpaˬ Miˬyehˇ nui ma pehˇ-eu deuˬ-ahˇ kʼehˬ-eu gʼaˇ duˬ, aˬ yawꞈ nui kʼaˬ tsmˬ-awˇ jah coeˇ-eu yehˇ deuˬ-ahˇ, muiˬ-eu shawˇ-eu jeˬ gʼaˇ duˬ guiˇ deuˆ leˇ-awˬ lehˇ, aˬ yawꞈ dawˬ biꞈ-euˬ meh.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Iˇsaˬyaˇ 34:6

Lawˇ-eu shehˇ-eu gʼaˇ duˬ ciꞈ myehꞈ hawˇ-eu yawˇ-ahˇ sehꞈ ngeh, shiˬ hawˇ-eu tsiˇ mi cehˇ-ahˇ lehꞈ leˇ-eu loꞈ-ehˇ, Sahˬpaˬ Miˬyehˇ-euˬ mi cehˇ-ahˇ, aˬ yawꞈ maꞈ-euˬ shiˬ hawˇ-eu tsiˇ lehꞈ leˇ tehꞈ-a. Bawˇzaˬlahˬ meuˬ-ahˇ aˬ yawꞈ kʼoeˇ loꞈ-ehˇ lawˇ nehˬ ngeh, Eˬdoˬ miˇ kʼahˬ-ahˇ jawˇ-eu tsawˇ haˬ deuˬ, sehꞈ gahˬ sehꞈ cu nehˬ gaˇ ya daˬ tehꞈ-a.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬsaˬgeˬlaˇ 7:10

Iˇsaˬleˬlaˆ ya luˬ ya seˇ-iˇ-eu aˇ nah keuˆ le luꞈ meh. Yaw haiˬ mˇ-eu jeˬ myaˬ laˇ luꞈ-awˇ, nui ma huiˬ-eu jeˬ aˇ dzehˬ dzeuˇ laˇ taˬ-euˬ meh.

Yeˬsaˬgeˬlaˇ 7:7

Miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ aˇ saˬ saˬ-eu jeˬ keuˆ le luꞈ meh. Gawˬ jawˬ-ahˇ jaˆ-eu uˬ duˬ tahˬ-eu jawˇ duˬ deuˬ-ahˇ byawˬ gʼa-eu aˇ yamˬ jiˇ le-awˇ, guˆ-eu gaˆ-eu jeˬ keuˆ le-eu aˇ yamˬ peh laˇ-euˬ meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Aˬmoˆ 6:10

Tsawˇ haˬ baꞈ pahˬ gaˇ aˬ yuiꞈ geuꞈ-eu shiˇ-euˬ tsawˇ haˬ-euˬ aˬ yuiꞈ aˬ nyiˇ kʼoeˇ gʼaˬ, tsawˇ shiˇ-ahˇ nymˇ laꞈ nyiˇ baꞈ doˆ tehꞈ-a. Aˬ yuiꞈ aˬ nyiˇ kʼoeˇ gʼaˬ, nymˇ laꞈ kʼoeˇ paw maˬ shiˇ-ehˇ dzeˇ-eu gʼaˬ-ahˇ “Nawˬ nehˬ-ehˇ tsawˇ haˬ tiˬ gʼaˬ na jawˇ ta siˬ loˇ” lehˇ naˇ haˬ ngeh, “Tiˬ gʼaˬ-iˬ maˬ paˇ jawˇ meh” lehˇ ehˇ kʼoꞈ nehˬ-eu dawˬ-ahˇ ya gaˬ tehꞈ-a. Kʼoeˇ ngeh, aˬ yuiꞈ aˬ nyiˇ kʼoeˇ gʼaˬ, “Ciˬ cuˇ ni jawˇ-awˬ. Sahˬpaˬ Miˬyehˇ-euˬ tsawˇ myahˇ maˬ ya kuˇ ni aˇ nyaꞈ yaw kʼaˆ kʼaˆ-ehˇ ya yahˇ meh” lehˇ ehˇ nehˬ tehꞈ-a.

Aˬmoˆ 8:3

Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.”

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zeˬpaˬniˇ 1:14

Sahˬpaˬ Miˬyehˇ aˇ nah nah huiˬ, yaw kawˇ kawˇ-ehˇ keuˆ le luꞈ meh. Aˇ nah kʼoeˇ kʼaˬ jehꞈ ni gʼeh-awˇ, kʼaˬ duˬ ni gʼeh-eu yehˇ deuˬ kʼawꞈ, guˇ guˇ-ehˇ ngoeˇ gaˇ keuˆ tehꞈ-a.

Zaˬkaˬliˇ 14:1

Sahˬpaˬ Miˬyehˇ yaˇ kʼaˬ daˇ-eu aˇ nah peh laˇ luꞈ meh. Kʼoeˇ ngeh, Yeˬluˇsaˬlehˬ meuˬ-ahˇ tahˇ joe deh-awˇ, deh za-euˬ myawˬ gahˬ deuˬ naw maꞈ mehˬ shi biˇ geuꞈ gaˇ ya mawˇ tehꞈ-a.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 22:4

Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

Piˇliˇpiˆ 4:5

Tiˬ gʼaˬ tiˇ gʼaˬ nui ma nahˬ yu ni taˬ-awˬ. Sahˬpaˬ Yeˬsuˇ zaꞈ le-eu aˇ yamˬ keuˆ le shawˬ-iˬ meh.

1 Saˬmeuˬlaˆ 16:5

Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.

1 Saˬmeuˬlaˆ 20:26

Ehˇ kʼawꞈ, kʼoeˇ ngeh nah Sawˇluˆ tiˬ jeˬ-iˬ maˬ ehˇ ni jawˇ-euˬ meh. Aˬ jeˬ miˇ neh ehˇ naˇ, “Tiˬ jeˬ paˬ gʼeh-awˇ zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu miˇ neh maˬ laˇ-euˬ ngeuˇ nga” lehˇ aˬ yawꞈ noeˬ-euˬ meh.