Zeˬpaˬniˇ 1:3 - Akha

³ Tsawˇ haˬ hawˇ-eu jeˬ zaˬ maˬ ehˇ, ho zaˬ nga jiˇ dawˬ tawˆ maˬ ehˇ, ngaˬ shaˬ ngaˬ deˇ deuˬ-ahˇ maˬ ehˇ, dawˬ tawˆ luꞈ ngaˇ laˆ byoˆ jiˇ ma. Haiˬ-eu tsawˇ haˬ bi ga-iˇ-awˇ, miˇ tsaˬ heu kʼoeˇ taˆ kʼaˇ jawˇ-eu, tsawˇ jeuˬ dawˬ tawˆ laˆ byoˆ ma lehˇ, ngaˇ Sahˬpaˬ Miˬyehˇ ehˇ-eu ma.

Zeˬpaˬniˇ 1:3 ပူးပေါင်းရင်းမြစ်များ

Aˇ dahˬ 6:7

Kʼoeˇ ngeh, aˬ yawꞈ heu loꞈ-ehˇ ehˇ-eu meh. “Ngaˬ neh beh taˬ-euˬ tsawˇ haˬ zaˬ heu deuˬ dawˬ tawˆ luꞈ-ahˇ ngaˇ laˆ cawˆ byoˆ jiˇ ma. Jeˬ zaˬ hawˇ-eu ho zaˬ nga jiˇ dawˬ tawˆ luꞈ-ahˇ kʼawꞈ, ngaˇ laˆ byoˆ jiˇ ma. Teu deuˬ-ahˇ beh-euˬ baˬ da neh ngaˇ aˇ dzehˬ-ehˇ ya noeˬ shaˬ nya.”

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 6:12

Tsawˇ haˬ kʼoeˇ deuˬ-ahˇ gaˇ mahˇ kaˬ gaˇ Sahˬpaˬ Miˬyehˇ teh dzeh-awˇ, miˇ kʼahˬ kʼoeˇ kʼahˬ doe ni, byehˇ dzeh yaꞈ-euˬ jawˇ duˬ gʼawˬ mya ni jaˆ tehꞈ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 50:3

“Laꞈ taˆ paw pyawˬ-ahˇ jawˇ-eu tsawˇ jeuˬ tiˬ jeuˬ Baˬbuˇloˬ miˇ kʼahˬ-ahˇ guiˇ deuˆ le-awˇ, kʼaˇ shuiꞈ deh ga laˆ pyeuꞈ nehˬ yaꞈ tehꞈ-a. Tsawˇ haˬ hawˇ-eu jeˬ zaˬ dawˬ tawˆ luꞈ cehˆ byoˆ jiˇ-awˇ, tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.”

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬsaˬgeˬlaˇ 44:12

Ehˇ kʼawꞈ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ sheuˬ gʼeh nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ bahˬ-euˬ miˇ neh, aˬ yawꞈ maꞈ-ahˇ kʼehˬ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.

Yeˬsaˬgeˬlaˇ 7:19

Sahˬpaˬ Miˬyehˇ nui ma pehˇ-eu jeˬ shehˆ tehˬ leꞈ ngeh, pyuˇ hawˇ-eu shuiˇ neh maˬ ka kʼoꞈ nya-eu baˬ da neh, pyuˇ hawˇ-eu shuiˇ deuˬ-ahˇ yaw jawꞈ yaw laꞈ biˬ dzeh-eu loꞈ-ehˇ, gaˇ ma doe ni byaˆ dzeh taˬ tehꞈ-a. Aˬ yawꞈ maꞈ loˬ-eu jeˬ gʼaˇ duˬ hawˇ-eu uˬ maˆ dehˆ laˇ-eu gʼaˇ duˬ, pyuˇ hawˇ-eu shuiˇ gaˇ dahˇ maˬ tsoeˬ-ehˇ pyeuꞈ-iˇ tehꞈ-a. Pyuˇ hawˇ-eu shuiˇ baˬ da neh, aˬ yawꞈ maꞈ iˬ baˇ mˇ-euˬ meh.

Hawˇseˬ 14:3

Aˬshuˇliˆ miˇ kʼahˬ nga maꞈ-ahˇ, ka kʼoꞈ nehˬ nya-eu maˬ ngeuˇ-a. Guiˇ deuˆ-eu dziˬ mahˬ kʼoeˇ deuˬ kʼawꞈ, nga maꞈ-ahˇ maˬ haw piˇ nya-a. Tahˬ pahˬ aˬ ma mawˇ kawˇ deuˬ-ahˇ, nga maꞈ-euˬ Miˬyehˇ ngeuˇ ma lehˇ, tiˬ jawˇ-iˬ maˬ paˇ kuˇ poˆ ma. Uˬ duˬ tahˬ shaˇ kʼaˇ maˬ za-ehˇ, shaˬ laˇ taˬ-euˬ tsawˇ haˬ deuˬ-ahˇ, Sahˬpaˬ Miˬyehˇ nawˇ ya mawˇ ngeh, gʼawˬ shaˬ gaˬ nehˬ laꞈ-eu meh” lehˇ, Miˬyehˇ-ahˇ guiˬ lahˬ shaˇ leˇ-awˬ.

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Maꞈtehˬ 13:41

Tsawˇhaˬ-euˬ Zaˬmaˇ-aˬ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ pyehˬ gʼeh leꞈ-awˇ, aˬ cawˬ iˬ baˇ mˇ ni jahˇ-eu tsawˇ haˬ dawˬ tawˆ luꞈ hawˇ-eu, yaw haiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, aˬ yawꞈ-euˬ Miˇ kʼahˬ laꞈ kʼoeˇ neh bi sheuˬ doˆ uiˬ tehꞈ-a.

Maꞈtehˬ 23:39

‘SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ guiˬ lahˬ huiˬ luꞈ-uˇ’ lehˇ, naw maꞈ ya ehˇ-eu aˇ yamˬ maˬ keuˆ laˇ kʼoeˇ keuˆ ni, naw maꞈ ngaˬ-ahˇ maˬ paˇ ya mawˇ meh.”

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.