Zeˬpaˬniˇ 1:17 - Akha

¹⁷ Sahˬpaˬ Miˬyehˇ ehˇ-eu, “Ngaˬ-ahˇ mˇ bahˬ taˬ-euˬ miˇ neh, aˬ yawꞈ maꞈ-ahˇ bi noeˬ shaˬ-awˇ, myaˆ behꞈ maˬ cah nya-eu loꞈ-ehˇ, kuiˇ toꞈ ciˬ zaˇ bi saˇ sawˇ ma. Iˇ cuꞈ loꞈ-ehˇ shiˬ bi yoeˇ-awˇ, miˇ tsa shiˇ buꞈ-awˇ bi ga ma.”

Zeˬpaˬniˇ 1:17 ပူးပေါင်းရင်းမြစ်များ

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Yeˬlaˬmiˇ 10:18

Naw maꞈ-ahˇ miˇ kʼahˬ heu kʼahˬ laꞈ kʼoeˇ neh biˬ doˆ-eu lehˇ, Sahˬpaˬ Miˬyehˇ lehˬ hmˬ luꞈ meh. Naw maꞈ tiˬ gʼaˬ-iˬ maˬ bi dzeuˇ-iˇ ni jahˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 18:21

Ehˇ kʼawꞈ, mehꞈ-eu shuꞈ-eu hawˇ-eu mi zaˬ mi cehˇ baˬ da, aˬ yawꞈ maꞈ-euˬ zaˬ deuˬ bi shiˇ jiˇ-awˬ. Kʼaˬ dzeˇ zaˬ deuˬ naˇ gawˇ gawˇ sehꞈ jiˇ-awˇ, zaˬ deuˬ mi zaˬ mi cehˇ laꞈ-ahˇ shiˇ-awˇ, zaˬ miˬ zaˬ deuˬ miˬ coeˬ bi coeˬ-iˇ-awˬ.

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Yeˬlaˬmiˇ 4:18

Yuˇdaˆ miˇ kʼahˬ-oˇ, nawˬ neh dehꞈ dzeuˇ mˇ dzeuˇ-euˬ jeˬ baˬ da, nawˬ-euˬ kʼoeˇ taˆ heu loꞈ-ehˇ gʼeh-eu jeˬ keuˆ le-euˬ meh. Nawˬ-euˬ iˬ baˇ baˬ da shaˬ zahˬ heu keuˆ le-awˇ, nawˬ-euˬ nui ma-ahˇ teˇ tsoˆ nehˬ-euˬ meh.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Ngoeˇ dawˬ 1:14

“Ngaˬ neh mˇ-euˬ iˬ baˇ dawˬ tawˆ, aˬ yawꞈ ngaˬ-ahˇ ciˬ pi leꞈ-awˇ, kawˬ lahˇ-ahˇ paꞈ gʼeu nehˬ laꞈ-euˬ, maˬ daˬ coeˇ ni shiˇ leˇ miˇ-a. Sahˬpaˬ Miˬyehˇ ngaˬ-ahˇ kʼehˬ-awˇ, ngaˇ maˬ ciˬ daˬ coeˇ ni kʼaˆ-eu, muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ciˬ ahˇ nehˬ laꞈ-euˬ meh.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Yeˬsaˬgeˬlaˇ 16:38

Aˬ cawˬ aˬ da nehˬ-ehˇ bahˬ-euˬ jeˬ hawˇ-eu meh maˬ laˇ geuꞈ-euˬ jeˬ aˇ poeˬ, ngaˇ nawˬ-ahˇ yaˇ kʼaˬ daˇ-awˇ, ngaˇ nui ma pehˇ dui dui-eu laꞈ kʼoeˇ, shiˇ gaˇ keuˆ ni nawˬ-ahˇ ngaˇ kʼehˬ ma.

Yeˬsaˬgeˬlaˇ 24:7

Meuˬ laꞈ kʼoeˇ tsawˇ haˬ sehꞈ-awˇ, nyiꞈ-iˇ byoˆ-iˇ nya-eu miˇ tsaˬ kʼaˬ lehˇ kʼoeˇ taˆ shiˬ maˬ yoeˇ kʼaˇ-ehˇ, kʼaˬ lo uˬ du yoeˇ daˆ taˬ-euˬ meh.

Yeˬsaˬgeˬlaˇ 24:8

Nui ma pehˇ laˇ-awˇ laꞈ poˆ poˆ kʼoꞈ nehˬ-eu gʼaˇ duˬ, maˬ laˆ zaꞈ nya ni mawˇ laˇ-eu tsahˇ-ahˇ, shiˬ kʼoeˇ ngaˇ bi yoeˇ kʼaˇ-euˬ ma.”

Aˬmoˆ 4:10

“Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Lormav 11:7

Toˆ-ehˇ ngeuˇ naˇ, aˬ joˆ-ehˇ ehˇ nmˇ. Iˇsaˬleˬlaˇ tsawˇ haˬ deuˬ-aˬ, yawˬ ha poˆ luꞈ-eu jeˬ-ahˇ maˬ poˆ mawˇ-aˬ. Miˬyehˇ neh tseˇ doˆ-euˬ deuˬ pyeuꞈ-eu tsawˇ haˬ ui cuiˆ tehꞈ-ehˇ kʼoeˇ-ahˇ poˆ mawˇ-euˬ meh. Kʼoeˇ deuˬ-ahˇ dzeuˇ naˇ, tsawˇ haˬ dawˬ tawˆ luꞈ Miˬyehˇ kuˇ gaˇ maˬ gaˬ leˇ ni naˬ bawˬ bawˬ jiˇ-euˬ meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

2 Beˬtuˆluˆ 1:9

Ehˇ kʼawꞈ, heu deuˬ maˬ ahˇ-eu tsawˇ haˬ-aˬ, myaˆ nuiˆ maˬ haw mawˇ nya-ehˇ, dzeuˇ laˇ ngeh aˬ yawꞈ neh mˇ yaꞈ-euˬ iˬ baˇ deuˬ-ahˇ tsiˬ shawˇ nehˬ gʼaˬ-euˬ gaˇ kawˆ ngehˇ jiˇ tehꞈ-a.

1 Yoˇhaˬ 2:11

Ehˇ kʼawꞈ, yawˬ ha-euˬ cawˬ Ka li zaˬ deuˬ-ahˇ bye-eu tsawˇ haˬ-aˬ, yaw zahˇ laꞈ kʼoeˇ jawˇ luꞈ-eu meh. Yaw zahˇ laꞈ kʼoeˇ cah luꞈ-awˇ, yawˬ ha aˬ gaˇ iˇ luꞈ-eu gaˇ kawˆ maˬ siˬ nya-a. Aˬ jeˬ miˇ neh ehˇ naˇ, yaw zahˇ kʼoeˇ aˬ yawꞈ-ahˇ myaˆ behꞈ bi behꞈ-iˇ-euˬ meh.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.