Zaˬkaˬliˇ 9:5 - Akha

⁵ Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.

Zaˬkaˬliˇ 9:5 ပူးပေါင်းရင်းမြစ်များ

Iˇsaˬyaˇ 14:28

Heu-aˬ, sahˬ paˬ Aˬkaˆ shiˇ ngeh kʼoꞈ keuˆ le-euˬ Sahˬpaˬ Miˬyehˇ-euˬ dawˬ neh.

Yeˬlaˬmiˇ 47:1

Iˇjiˇtuˆ sahˬ paˬ Gaˬzaˬ meuˬ-ahˇ guiˇ maˬ deuˆ mi naˆ-ehˇ Piˇliˇtiˆ miˇ kʼahˬ-ahˇ taꞈ leˇ-eu Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aˬmoˆ 1:8

Aˬshaˬdoˇ meuˬ hawˇ-eu Aˬshaˇgaˬloˇ meuˬ-ahˇ uˆ lahˇ-eu tsawˇ haˬ deuˬ-ahˇ ngaˇ coeˇ tsehˆ ma. Eˇkaˬloˬ meuˬ-ahˇ ngaˇ kʼehˬ nehˬ kʼaˆ nehˬ-awˇ, kʼaˇ dzeˇ yaꞈ-euˬ Piˇliˇtiˆ tsawˇ haˬ dawˬ tawˆ luꞈ ya shiˇ tehꞈ-a.”

Zaˬkaˬliˇ 9:4

aˬ yawꞈ kʼaˇ jaˆ-eu jeˬ dawˬ tawˆ, Sahˬpaˬ Miˬyehˇ yuˇ kʼoꞈ jiˇ-awˇ, pyuˇ shuiˇ laˆ shaˆ-ahˇ tahˬ dzeh-awˇ, meuˬ-ahˇ miˬ dzaˬ puiˆ byoˆ tehꞈ-a.

Zaˬkaˬliˇ 9:6

Aˬshaˬdoˇ meuˬ tsawˇ keuˬ keuˬ-awˇ, Piˇliˇtiˆ nui ma huiˬ-eu jeˬ, aˇ saˬ saˬ ni ngaˇ zuiˆ nehˬ ma.

Gʼaˬkʼehˇ 8:26

SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ Piˇliˇpuˆ-ahˇ ehˇ-eu, “Lehˬ hmˬ-awˇ, laꞈ oˆ paw pyawˬ-ahˇ jaˆ-eu Yeˬluˇsaˬlehˬ meuˬ-ahˇ neh Gaˬzaˬ meuˬ-ahˇ iˇ-eu gaˇ ma kʼoeˇ kahˇ-ahˇ iˇ-awˬ.” (Gaˇ ma kʼoeˇ kahˇ nymˬ-mˇ maˬ paˇ cah ni byehˇ-euˬ meh.)

Lormav 5:5

Kʼoeˇ loꞈ-ehˇ noeˬ tmˬ-eu jeˬ jaˆ laˇ-euˬ baˬ da neh, nui ma cawˆ kʼaˇ maˬ paˇ za meh. Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ laꞈ sawˬ pyeuꞈ-eu Muiˬ-eu Shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ aˬ dui-euˬ nui maˬ laꞈ kʼoeˇ shehˆ ahˇ nehˬ laꞈ-euˬ ba da neh meh.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.