Zaˬkaˬliˇ 9:4 - Akha

⁴ aˬ yawꞈ kʼaˇ jaˆ-eu jeˬ dawˬ tawˆ, Sahˬpaˬ Miˬyehˇ yuˇ kʼoꞈ jiˇ-awˇ, pyuˇ shuiˇ laˆ shaˆ-ahˇ tahˬ dzeh-awˇ, meuˬ-ahˇ miˬ dzaˬ puiˆ byoˆ tehꞈ-a.

Zaˬkaˬliˇ 9:4 ပူးပေါင်းရင်းမြစ်များ

Dawqdaq 10:2

Maˬ tsaˬ maˬ dawˇ-eu laꞈ kʼoeˇ laˆ za-euˬ pyuˇ shuiˇ gaˇ dahˇ maˬ tsoeˬ-a. Ehˇ kʼawꞈ, yaw tsaˬ yaw dawˇ jeˬ-aˬ, shiˇ gaˇ ka kʼoꞈ nya-eu meh.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Yeˬsaˬgeˬlaˇ 26:17

Nawˬ-euˬ gʼaˇ duˬ tsawˇ ngoeˇ ngoeˇ nehˬ-eu caˇ dawˬ heu bymˇ aˬ yawꞈ maꞈ caˇ tehꞈ-a. “Tsawˇ myahˇ doˆ dui dui-eu meuˬ-oˇ, nawˇ aˬ joˆ-ehˇ bi laˆ cawˆ teˬ. Iˬ maˬ kʼoeˇ taˆ nawˬ neh dzoeˬ-awˇ, laˆ shaˆ-euˬ baoˬ nawˇ ngeuˇ law meh. Nawˇ hawˇ-eu nawˬ-euˬ tsawˇ haˬ-ahˇ, kʼaˇ jawˇ kʼaˇ deuˬ guˆ lawˬ yaˇ tawˇ.

Yeˬsaˬgeˬlaˇ 28:16

Jeˬ gaꞈ jeˬ ka gʼeh nya laˇ ngeh, yaw haiˬ hawˇ-eu iˬ baˇ mˇ-awˇ, Miˬyehˇ gawˬ jawˬ yaw shawˇ kʼoeˇ taˆ, nawˬ-ahˇ ngaˬ neh teh dzeh-euˬ ma. Yaw shehꞈ bya-eu sehˇ deuˬ gʼahˇ ceh, Jeˬluˇbeˬ nawˬ-ahˇ teh-euˬ meh.

Yeˬsaˬgeˬlaˇ 28:18

Jeˬ gaꞈ jeˬ ka gʼeh-eu laꞈ kʼoeˇ, nawˇ yaw haiˬ mˇ myaˬ-euˬ miˇ neh, Nawˬ-euˬ uˬ duˬ tahˬ-eu jawˇ duˬ, jawꞈ dui doeˇ dui dui-iˇ-euˬ meh. Kʼoeˇ miˇ neh meuˬ-ahˇ keuˬ puiˆ-awˇ, miˇ tsa tuˆ ni bi puiˆ-euˬ ma. Nawˬ-ahˇ kʼaˇ haw-eu tsawˇ haˬ deuˬ, lehˇ tsaˇ tehꞈ-ehˇ ya mawˇ-eu meh.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 28:8

Naꞈ dui dui-eu duˬ kʼahˬ laꞈ kʼoeˇ, aˬ yawˬ maꞈ nawˬ-ahˇ dehˬ ahˇ-awˇ, Iˬ ma laˆ shaˆ gʼahˇ ceh di ga. shaˆ shiˇ ya shiˇ gaˇ keuˆ tehꞈ-a.

Yawˇlaˆ 3:8

Naw maꞈ-euˬ aˬ buˇ aˬ li deuˬ Yuˇdaˆ tsawˇ haˬ deuˬ-ahˇ ya ahˬ nehˬ gaˇ keuˆ ni ngaˇ jahˇ ma. Aˬ buˇ aˬ li kʼoeˇ deuˬ-ahˇ, gaˇ mahˇ kaˬ gaˇ jawˇ-eu Saˬbyaˬ tsawˇ jeuˬ-ahˇ aˬ yawꞈ maꞈ paˇ ahˬ dzaˬ poˆ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Aˬmoˆ 1:10

Kʼoeˇ miˇ neh, Duˇlu meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni jaˆ-eu nymˇ nymˇ ma deuˬ-ahˇ bi puiˆ dzeh ma.”

Zaˬkaˬliˇ 9:5

Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.