Zaˬkaˬliˇ 8:12 - Akha

¹² Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Zaˬkaˬliˇ 8:12 ပူးပေါင်းရင်းမြစ်များ

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 27:28

Mˬ kʼoeˇ taˆ neh Miˬyehˇ ceuˬ bi ga le-awˇ, nawˬ-euˬ deh yaˇ miˇ tsaˬ miˇ muiˬ muiˬ dui dui laˇ luꞈ-uˇ. Miˬyehˇ nawˬ-ahˇ dzaˬ la gʼo cehˇ hawˇ-eu aˬ gaꞈ dzaˇ uiˇ tiˬ byah tiˬ loꞈ biꞈ luꞈ-uˇ.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

Jaceuq 72:3

Miˇ kʼahˬ laꞈ kʼoeˇ baw le za le-awˇ, yaw tsaˬ yaw dawˇ jeˬ-ahˇ siˬ nya luꞈ-uˇ.

Jaceuq 85:12

Muiˬ-eu guiˬ lahˬ yaw dzahˇ deuˬ Sahˬpaˬ Miˬyehˇ biꞈ leꞈ-awˇ, aˬ dui-euˬ miˇ kʼahˬ baw le za le tehꞈ-a.

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Iˇsaˬyaˇ 61:7

Naw maꞈ daˬ ga-awˇ shaꞈ dawˇ-eu maˬ paˇ jaˆ meh. Yawˬ ha miˇ kʼahˬ-ahˇ naw maꞈ ya jawˇ-awˇ, pyuˇ shuiˇ myawˬ gahˬ nyiˬ bymˇ myaˬ dzehˬ laˇ-eu laꞈ kʼoeˇ, mˬ maˬ maˬ byaˆ zaˇ ziˇ laˬ kʼaˬ ya cehˇ tehꞈ-a.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬsaˬgeˬlaˇ 34:28

Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ kʼaˆ dzaˬ nya-ehˇ, bawˇ tsahˬ jeˬ zaˬ yaw haiˬ deuˬ aˬ yawꞈ maꞈ-ahˇ maˬ paˇ kawꞈ sehꞈ dzaˬ nya ni pyeuꞈ-iˇ tehꞈ-a. Aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ-awˇ, guˆ kʼaˇ maˬ za ni pyeuꞈ-iˇ tehꞈ-a.

Yeˬsaˬgeˬlaˇ 36:12

Ngaˬ-euˬ tsawˇ jeuˬ pyeuꞈ-eu naw maꞈ Iˇsaˬleˬlaˆ tsawˇ haˬ deuˬ-ahˇ, miˇ kʼahˬ heu kʼahˬ-ahˇ paˇ bi jawˇ kʼoꞈ laˇ-awˇ, miˇ kʼahˬ heu kʼahˬ naw maꞈ-euˬ pyeuꞈ tsehˆ tehꞈ-a. Miˇ kʼahˬ heu kʼahˬ naw maꞈ-euˬ zaˬ deuˬ uˆ deuˬ-ahˇ tiˬ jawˇ-iˬ maˬ paˇ bi mehꞈ bi shuꞈ-aˇ.

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Yeˬsaˬgeˬlaˇ 36:9

Naw maꞈ jawˇ paw ngaˇ pyawˬ-awˇ, naw maꞈ-euˬ deh yaˇ paˇ tsehˬ-awˇ, siˬ yoeˬ paˇ ya sehˬ tehꞈ-a lehˇ, ngaˇ ehˇ tsehˆ-eu ma.

Hawˇseˬ 13:3

Uˬ shawˬ tmˬ-eu juˬ kʼoeˬ hawˇ-eu, uˬ shawˬ buiˇ-iˇ-eu ceuˬ loꞈ-ehˇ, tsawˇ haˬ kʼoeˇ deuˬ byoˆ jiˇ tehꞈ-a. Cehˇ diˬ-euˬ gaˇ ga-eu lehˇ meuꞈ, jaˬ lehˇ bi baw byoˆ-eu loꞈ-ehˇ, uˬ kʼoeˬ bawˬ law-ahˇ doˆ laˇ-eu, miˬ dzaˬ tsawˬ bu uˬ kʼoeˬ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Yawˇlaˆ 2:19

Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Yawˇlaˆ 2:22

Jeˬ zaˬ deuˬ-oˇ naw maꞈ taˬ guˆ. Gaˆ kʼahˬ nyoeˇ jawꞈ ni jaˆ luꞈ-awˇ, aˇ bawˇ aˇ siˬ sahˇ dui dui-awˇ, siˬ guˬ aˇ siˬ hawˇ-eu aˬ gaꞈ, maˬ dzaˬ jiˇ coeˇ ni jaˆ luꞈ meh.

Uˬ duˬ 26:3

“Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˇ yaw dehꞈ dehꞈ naˇ,

Zeˬpaˬniˇ 3:13

Dzeˇ-eu Iˇsaˬleˬlaˆ tsawˇ haˬ, aˬ cawˬ-ahˇ yaw doeˇ maˬ jahˇ-ehˇ, jaˬ myawꞈ mehˇ shuiˇ maˬ mˇ miˇ neh, aˬ yawꞈ maꞈ baw le za le-awˇ, guˆ kʼaˇ maˬ za ni dehꞈ tehꞈ-a.”

Haˬgaiˇ 1:10

Kʼoeˇ miˇ neh, uˬ yehˇ maˬ yehˇ le, ceuˬ maˬ ga le-ehˇ, sahˬ lahˬ maˬ dehꞈ doˆ laˇ nya-a.

Haˬgaiˇ 2:18

Iˬ nah ba la gʼoeˬ siˬ tiˬ siˬ nyiˬ tseˇ oeˬ nah heu nah-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ gʼaˬ-euˬ aˇ nah meh. Iˬ nah neh dahˬ beh-awˇ, mehˬ hu paw aˬ joˆ-ehˇ pyeuꞈ laˇ nga lehˇ haw taˬ-awˬ.

Haˬgaiˇ 2:19

Naw maꞈ dzaˬ-eu cehˇ maˬ paˇ ahˇ-ehˇ, aˬ gaꞈ baw duˆ, siˬ guˬ aˇ bawˇ, aˇ ka uˆ aˇ bawˇ hawˇ-eu, saˬ loˬ aˇ bawˇ heu deuˬ aˇ siˬ maˬ siˬ le dah-euˬ kʼawꞈ, nymˬ-mˇ neh dahˬ beh-awˇ naw maꞈ-ahˇ ngaˇ guiˬ lahˬ biꞈ ma.”

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Maˬlaˬkiˇ 3:11

Naw maꞈ neh dzaˬ la gʼo cehˇ ka taˬ-euˬ gaˇ aˇ mawˇ maˬ bi teuꞈ cawˆ-eu uˬ taꞈ, naw maꞈ-euˬ aˬ gaꞈ yaˇ kmˇ-ahˇ aˬ gaꞈ aˇ siˬ bi loˆ le ma.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

1 Gawˇliˬtu 3:21

Tsawˇ haˬ zaˬ-euˬ nui gahˇ gaˇ kawˆ tiˬ gʼaˬ-iˬ kʼahˬ sehˇ jehˆ-eu maˬ tsaˬ-a. Aˬ diˇ ehˇ naˇ, yawˬ jeˬ na luꞈ naw maꞈ-ahˇ oꞈ-eu meh.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Dawˬmehˬ 33:13

Yoˇsehˆ gaˇ kawˆ Moˇseˬ ehˇ-eu, “Yoˇsehˆ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ guiˬ lahˬ biꞈ-awˬ. Kʼoeˇ taˆ uˬ yehˇ bi ga le-awˇ, laꞈ oˆ iˇ cuꞈ bi doˆ laˇ-awˬ.

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.

Yaˬkoˆ 3:18

Tsaˬ leˇ dzoeˇ leˇ ni mˇ-eu tsawˇ haˬ deuˬ neh tsaˬ leˇ dzoeˇ leˇ-eu siˬ yoeˬ sehˬ-euˬ gaˇ, yaw tsaˬ yaw dawˇ jeˬ ya yehˬ-eu meh.