Baˬbuˇloˬ tsawˇ haˬ-euˬ laꞈ oꞈ maˬ awꞈ ni jawˇ luꞈ-eu Yuˇdaˆ tsawˇ haˬ yaw huiˬ yaw mahˇ deuˬ hawˇ-eu yehˇ deuˬ gaˇ kawˆ kʼoeˇ ya gaˬ ngeh, Miˇzaˬpaˬ meuˬ-ahˇ Geˬdaˬliˇ jawˇ gaˇ aˬ yawꞈ maꞈ iˇ-euˬ meh. Yaw huiˬ yaw mahˇ kʼoeˇ deuˬ-aˬ, Naˬdaˬniˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Neˬtawˇpaˬ meuˬ-ahˇ jawˇ-eu Taˬhuˇmehˇ-euˬ aˬ li Seˬlehˇyaˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ meh.
Zaˬkaˬliˇ 7:5 - Akha5 “Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a. အခန်းကိုကြည့်ပါ။ |
Zaˬkaˬliˇ 7:5
27 ပူးပေါင်းရင်းမြစ်များ
Ehˇ kʼawꞈ, kʼoeˇ ngeh kʼoꞈ ba la shiꞈ siˬ tiˬ siˬ-ahˇ, sahˬ paˬ aˇ jeuˬ pyeuꞈ-eu Eˇliˇshaˬmaˇ-euˬ aˬ li Naˬdaˬniˇ-euˬ aˬ li Iˇshaˬmeˬlaˇ gʼaˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ iˇ-awˇ, Geˬdaˬliˇ-ahˇ sehꞈ-euˬ meh. Geˬdaˬliˇ nehˬ-ehˇ jawˇ luꞈ-eu Iˇsaˬleˬlaˆ tsawˇ haˬ deuˬ hawˇ-eu, Baˬbuˇloˬ tsawˇ haˬ deuˬ-ahˇ kʼawꞈ, aˬ yawꞈ sehꞈ-euˬ meh.
Yawˇ dzah puiˆ-awˇ ya lawˇ-eu jeˬ, nawˇ ngaˬ-ahˇ maˬ lawˇ nehˬ laꞈ-a. Nawˇ lawˇ-eu shehˇ-eu jeˬ mˇ-awˇ, ngaˬ-ahˇ maˬ taˬ huiˬ nehˬ laꞈ-a. Lawˇ-eu shehˇ-eu jeˬ biꞈ nehˬ laꞈ lehˇ ngaˇ ehˇ-awˇ, nawˬ-ahˇ laˆ shaˬ nehˬ-euˬ maˬ jaˆ. Tsiˇ yaw saw damˬ nehˬ laꞈ lehˇ ngaˇ shaˇ-awˇ, nawˬ-ahˇ laˆ zahˬ nehˬ-eu maˬ jaˆ.
Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.
Aˬ yawꞈ uˆ lahˇ-euˬ nyiˬ kʼoꞈ tiˬ kʼoꞈ-ahˇ, muiˬ-eu shawˇ-eu sahˬ boꞈ deuˬ-ahˇ ngaˇ gui-awˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ Sahˬpaˬ Miˬyehˇ neh ehˇ nehˬ-euˬ gaˇ kawˆ pyeuꞈ-eu, “Shiꞈ tseˇ kʼoꞈ byah ni Yeˬluˇsaˬlehˬ meuˬ yaw cawˆ-ehˇ jaˆ tehꞈ-a” lehˇ ehˇ taˬ-euˬ gaˇ kawˆ kʼoeˇ ngaˇ shaˇ noeˬ luꞈ-eu ma.
Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.
Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”
piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”
Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.
“Naw maꞈ maˬ dzaˬ-eu zahˇ jahˇ ngeh, aˬ cawˬ bi mawˇ-eu gʼaˇ duˬ jahˇ-eu tsawˇ haˬ deuˬ loꞈ-ehˇ, myaˆ pyawˬ nyoeˬ kʼeuˇ ni taˬ gʼeh. Aˬ yawꞈ maꞈ maˬ dzaˬ ni dzahˬ luꞈ gaˇ aˬ cawˬ haw siˬ nya ni, myaˆ pyawˬ ciˇ jawꞈ ni jawˇ-eu meh. Ngaˇ maˇ jawˆ ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ-eu meh.
“Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.
“Nawˇ guiˬ lahˬ shaˇ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ taˬ jahˇ. Aˬ yawꞈ maꞈ-aˬ, aˬ cawˬ bi haw mawˇ-eu gʼaˇ duˬ, uˬ duˬ tahˬ nymˇ laꞈ kʼoeˇ hawˇ-eu gaˇ ma gaˇ tsmˇ doe ni yawꞈ-awˇ guiˬ lahˬ shaˇ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.
ကြော်ငြာတွေ