Zaˬkaˬliˇ 6:5 - Akha

⁵ Mˬ taˆ gʼaˬ kʼehˇ kʼoeˇ gʼaˬ ehˇ-eu, “Heu-aˬ, jaˬ lehˇ oeˬ bahˬ-ahˇ ehˇ mawꞈ-eu meh. Aˬ yawꞈ maꞈ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ jawˇ gaˇ neh oe-euˬ meh.

Zaˬkaˬliˇ 6:5 ပူးပေါင်းရင်းမြစ်များ

1 Sahˬpaˬ 19:11

Sahˬpaˬ Miˬyehˇ ehˇ-eu,“Gawˬ jawˬ uˬ du daˆ doˆ leˇ-awˇ, ngaˬ-euˬ mehˬ shi yawꞈ-awˬ.” Kʼoeˇ naˇ, Sahˬpaˬ Miˬyehˇ iˇ tsehˆ gʼeh ngeh jawˇ, guˆ laˇ paˬ-ehˇ gʼeh-eu jaˬ lehˇ tiˬ bahˬ baw laˇ-awˇ, gawˬ jawˬ lo guˇ deuˬ baw paˆ baw shaˆ dzeh-euˬ meh. Ehˇ kʼawꞈ, jaˬ lehˇ laꞈ kʼoeˇ Sahˬpaˬ Miˬyehˇ maˬ ahˇ-a. Jaˬ lehˇ baw-eu naˬ leˇ-awˇ, miˇ luˆ paˇ luˆ laˇ-euˬ meh. Ehˇ kʼawꞈ, miˇ luˆ luˆ-eu laꞈ kʼoeˇ Sahˬpaˬ Miˬyehˇ maˬ ahˇ-a.

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Yawˇbaˆ 1:6

Mˬ taˆ gʼaˬ kʼehˇ deuˬ Sahˬpaˬ Miˬyehˇ jawˇ gaˇ ya uiˬ laˇ-eu aˇ nah keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Jaceuq 68:17

Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Yeˬlaˬmiˇ 49:36

Yawˬ paw yawˬ coeˇ na luꞈ neh Eˇlamˬ miˇ kʼahˬ laꞈ kʼoeˇ jaˬ lehˇ bi baw ahˇ leꞈ-awˇ, Eˇlamˬ miˇ kʼahˬ zaˬ deuˬ maˬ cehˆ jawˇ-iˇ-euˬ miˇ kʼahˬ maˬ jaˆ ni bi pyeuꞈ-iˇ ma.

Yeˬsaˬgeˬlaˇ 11:22

Jeˬluˇbeˬ kʼoeˇ deuˬ zaw diˇ-awˇ, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ le gʼeh leꞈ-euˬ meh. Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ-euˬ kʼoeˇ taˆ jaˆ-eu meh.

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Daˬyeˬlaˇ 11:4

Ehˇ kʼawꞈ, aˬ yawꞈ baoˬ huiˬ dui dui luꞈ ngeh, aˬ yawꞈ-euˬ miˇ kʼahˬ kʼahˬ maˬ kʼoeˇ kʼahˬ, oeˬ paˆ paˆ-iˇ tehꞈ-a. Aˬ yawꞈ nehˬ-ehˇ aˇ jeuˬ aˇ ca maˬ taꞈ-eu deuˬ aˬ yawꞈ-euˬ jawˇ duˬ-ahˇ sahˬ paˬ geuꞈ tehꞈ-a. Ehˇ kʼawꞈ, aˬ yawꞈ maꞈ aˬ yawꞈ loꞈ-ehˇ baoˬ maˬ huiˬ-a.

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Daˬyeˬlaˇ 7:2

Daˬyeˬlaˇ ehˇ-eu, “Mˬ-ahˇ neh oe-euˬ jaˬ lehˇ, miˇ ma oeˬ coeˇ oeˬ pyawˬ luꞈ baw gʼeh leꞈ-awˇ, iˬ ma laˆ shaˆ-ahˇ ciˬ tahˬ ciˬ tuˆ-euˬ meh.

Zaˬkaˬliˇ 4:14

“Kʼoeˇ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Miˬyehˇ neh tsiˇ lehꞈ-awˇ tseˇ doˆ taˬ-eu tsawˇ haˬ nyiˬ gʼaˬ-ahˇ ehˇ mawꞈ-eu meh” lehˇ, aˬ yawꞈ ehˇ-eu meh.

Zaˬkaˬliˇ 6:1

Yaw sahˇ laꞈ kʼoeˇ, ngaˇ heu loꞈ-ehˇ paˇ ya mawˇ-euˬ ma. Guiˬ shuiˇ gawˬ jawˬ nyiˬ jawˬ yaw kaˬ-ahˇ mahˬ laˆ lawˬ oeˬ laˇ doˆ le gaˇ ngaˇ mawˇ-euˬ ma.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:7

Ehˇ kʼawꞈ, mˬ taˆ gʼaˬ kʼehˇ deuˬ-ahˇ-aˬ, “Miˬyehˇ-euˬ mˬ taˆ gʼaˬ kʼehˇ deuˬ, jaˬ lehˇ loꞈ-ehˇ bi pyeuꞈ-iˇ-awˇ, aˬ yawꞈ-euˬ zaˬ kʼaˆ deuˬ-ahˇ-aˬ, miˬ dzaˬ miˬ lmˇ bi pyeuꞈ-iˇ meh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 3:11

naw maꞈ-euˬ mehˬ shi Yawˇdaˬ lawˇ baˬ tsehˆ doˆ ngeh, dehꞈ luꞈ-eu Miˬyehˇ naw maꞈ nehˬ-ehˇ jawˇ-eu gaˇ kawˆ naw maꞈ ya siˬ tehꞈ-a.

Panmaeq 7:1

Kʼoeˇ naˇ, miˇ ma oeˬ coeˇ oeˬ pyawˬ-ahˇ mˬ taˆ gʼaˬ kʼehˇ oeˬ gʼaˬ yawꞈ luꞈ gaˇ ngaˇ ya mawˇ-euˬ ma. Miˇ tsaˬ kʼoeˇ taˆ maˬ ehˇ, iˬ ma laˆ shaˆ kʼoeˇ taˆ maˬ ehˇ, aˇ bawˇ-ahˇ maˬ ehˇ, jaˬ lehˇ maˬ bi baw ni, miˇ ma oeˬ coeˇ oeˬ pyawˬ-euˬ jaˬ lehˇ-ahˇ aˬ yawꞈ maꞈ nyehꞈ tehˬ taˬ-euˬ meh.