Zaˬkaˬliˇ 6:1 - Akha

¹ Yaw sahˇ laꞈ kʼoeˇ, ngaˇ heu loꞈ-ehˇ paˇ ya mawˇ-euˬ ma. Guiˬ shuiˇ gawˬ jawˬ nyiˬ jawˬ yaw kaˬ-ahˇ mahˬ laˆ lawˬ oeˬ laˇ doˆ le gaˇ ngaˇ mawˇ-euˬ ma.

Zaˬkaˬliˇ 6:1 ပူးပေါင်းရင်းမြစ်များ

2 Sahˬpaˬ 6:17

Kʼoeˇ naˇ, “Sahˬpaˬ Miˬyehˇ-oˇ, aˬ yawꞈ-ahˇ myaˆ nuiˆ pah nehˬ-awˇ bi mawˇ-awˬ” lehˇ Eˇliˇshehˇ guiˬ lahˬ shaˇ-euˬ meh. Aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-euˬ zaˬ kʼaˆ kʼoeˇ gʼaˬ haw gʼeh ngeh, Eˇliˇshehˇ-euˬ jawˬ jawˬ-ehˇ, miˬ dzaˬ mahˬ hawˇ-eu miˬ dzaˬ mahˬ laˆ lawˬ deuˬ, gawˬ jawˬ jawˬ lah-ehˇ jawˇ byah taˬ-euˬ gaˇ ya mawˇ-euˬ meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Jaceuq 36:6

Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Daˬyeˬlaˇ 4:15

Ehˇ kʼawꞈ, sahˬ nyiꞈ hawˇ-eu duˬ ciˇ-ahˇ shmˇ caˆ hawˇ-eu guiˬ caˆ lahˇ cuꞈ-awˇ, miˇ tsa bi pahˬ yaꞈ-awˇ, deh ga gʼahˇ ceh yaˇ moꞈ tsahˬ-ahˇ byehˇ dzeh yaꞈ-awˬ. “ ‘Aˬ yawꞈ-ahˇ ceuˬ deh deh deh-ehˇ, jeˬ zaˬ hawˇ-eu baw duˆ deuˬ nehˬ-ehˇ bi jawˇ-awˬ.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Daˬyeˬlaˇ 8:22

Uˬ coeˇ yaw beh kahˬ lehˆ dzeh-awˇ paˇ doˆ laˇ-euˬ uˬ coeˇ kʼoeˇ oeˬ kahˬ-aˬ, miˇ kʼahˬ kʼoeˇ kʼahˬ laꞈ kʼoeˇ miˇ kʼahˬ oeˬ kʼahˬ paˆ doˆ-iˇ-awˇ, yaw beh loꞈ-ehˇ gʼaˬ maˬ kʼaˆ ni pyeuꞈ-iˇ gaˇ ehˇ mawꞈ-eu meh.

Zaˬkaˬliˇ 5:1

Ngaˇ tiˬ paw paˇ haw gʼeh ngeh, zaw luꞈ-eu sahˬ boꞈ paˇ yoˆ tiˬ yoˆ mawˇ-euˬ ma.

Zaˬkaˬliˇ 6:5

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Heu-aˬ, jaˬ lehˇ oeˬ bahˬ-ahˇ ehˇ mawꞈ-eu meh. Aˬ yawꞈ maꞈ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ jawˇ gaˇ neh oe-euˬ meh.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 3:11

Miˬyehˇ kʼoeˇ loꞈ-ehˇ mˇ-eu kʼoeˇ-aˬ, aˬ yawꞈ neh mˬ maˬ maˬ byaˆ zaˇ ziˇ noeˬ tsehˆ taˬ-euˬ jeˬ pyeuꞈ-awˇ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ bi byah laˇ-euˬ jeˬ pyeuꞈ-eu meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.