Zaˬkaˬliˇ 2:8 - Akha

⁸ “Naw maꞈ-ahˇ kʼaˇ laˆ ciˆ-eu tsawˇ haˬ ngaˬ-euˬ myaˆ nuiˆ myaˆ naˆ-ahˇ laˆ ciˆ laˇ gaˇ duˇ tehꞈ-a” lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ smˇ kʼoeˬ tahˇ joe joe-euˬ tsawˇ jeuˬ deuˬ jawˇ gaˇ, Baoˬ huiˬ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Zaˬkaˬliˇ 2:8 ပူးပေါင်းရင်းမြစ်များ

Aˇ dahˬ 20:6

Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ.

2 Sahˬpaˬ 24:2

Sahˬpaˬ Miˬyehˇ neh aˬ yawꞈ-euˬ zaˬ kʼaˆ pyeuꞈ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-awˇ ehˇ taˬ-euˬ loꞈ-ehˇ, Yuˇdaˆ miˇ kʼahˬ-ahˇ bi laˆ cawˆ-eu gʼaˇ duˬ, Baˬbuˇloˬ guiˇ maꞈ, Suˇliˆ guiˇ maꞈ, Mawˇbaˆ guiˇ maꞈ, Aˬmoˬ guiˇ maꞈ heu deuˬ-ahˇ, Yeˬhawˇyaˬkmˬ jawˇ gaˇ pyehˬ gʼeh leꞈ-euˬ meh.

Jaceuq 17:8

Myaˆnuiˆ-ahˇha lahˇ-eu loꞈ-ehˇ, ngaˬ-ahˇnawˇha lahˇnehˬlaꞈ-awˬ. Nawˬ-euˬaˬdahˇnaˇshmˇuˬmoˆ, ngaˬ-ahˇnawˇciˬzaꞈnehˬlaꞈ-awˬ.

Dawqdaq 7:2

Ngaˬ-euˬ dawˬ mehˬ dawˬ tsoˆ-ahˇ caw teh-awˇ dehꞈ-awˬ. Nawˬ-euˬ myaˆ nuiˆ-ahˇ maˬ bi laˆ tahˬ ni yahˇ-eu loꞈ-ehˇ, ngaˬ neh mehˬ-euˬ dawˬ deuˬ maˬ bi cawˆ-iˇ ni yahˇ-awˬ.

Iˇsaˬyaˇ 49:19

“Nawˬ-euˬ miˇ kʼahˬ cawˆ-iˇ-awˇ meuˬ tsoeˬ tsoeˬ-iˇ jiˇ-euˬ kʼawꞈ, jawˇ kʼoꞈ laˇ-eu tsawˇ haˬ myaˬ-eu miˇ neh, miˇ kʼahˬ nyiˇ-iˇ gaˇ duˇ tehꞈ-a. Nawˬ-ahˇ laˆ cawˆ yaꞈ-eu deuˬ-aˬ, gaˇ mahˇ kaˬ gaˇ bi teh byoˆ jiˇ tehꞈ-a.

Yeˬlaˬmiˇ 12:14

Sahˬpaˬ Miˬyehˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ taˬ-euˬ miˇ kʼahˬ kʼoeˇ kʼahˬ laˆ cawˆ-euˬ tsawˇ haˬ deuˬ pyeuꞈ-eu, Iˇsaˬleˬlaˆ miˇ kʼahˬ dawˬ peh jawˇ-eu tsawˇ jeuˬ kʼoeˇ deuˬ-ahˇ, ngaˇ ehˇ nehˬ paˬ-ehˇ gʼeh-eu jeˬ jaˆ-eu ma. Aˇ bawˇ puˇ ngawˬ ngawˬ-eu loꞈ-ehˇ haiˬ-eu tsawˇ haˬ kʼoeˇ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh ngaˇ gʼawˇ lehˆ dzeh-awˇ, aˬ yawꞈ maꞈ-euˬ aꞈ laꞈ laꞈ kʼoeˇ neh, Yuˇdaˆ miˇ kʼahˬ-ahˇ ngaˇ ka kʼoꞈ doˆ ma.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬsaˬgeˬlaˇ 25:12

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ miˇ kʼahˬ-aˬ, Yuˇdaˆ miˇ kʼahˬ-ahˇ gʼawˬ shaˬ maˬ gaˬ ni laꞈ poˆ poˆ kʼoꞈ nehˬ-euˬ miˇ neh, iˬ baˇ huiˬ dui dui meh.

Yeˬsaˬgeˬlaˇ 25:15

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Piˇliˇtiˆ tsawˇ haˬ deuˬ-aˬ, aˇ hu ba neh muiˇ luꞈ-eu tsawˇ jeuˬ-ahˇ laꞈ poˆ poˆ kʼoꞈ nehˬ-awˇ, bye dui dui-eu laꞈ kʼoeˇ laˆ cawˆ nehˬ-euˬ meh.

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Yeˬsaˬgeˬlaˇ 26:20

Aˇ hu ziˇ-ahˇ dehꞈ-euˬ tsawˇ haˬ deuˬ nehˬ-ehˇ bi jawˇ-iˇ-eu gʼaˇ duˬ, miˇ oˆ kʼahˬ-ahˇ nawˬ-ahˇ ngaˇ sheuˬ gʼeh ma. Miˇ kʼahˬ kʼoeˇ tsahˇ-ahˇ, shiˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, mˬ maˬ maˬ byaˆ zaˇ ziˇ luˬ-iˇ seˇ-iˇ-eu jeˬ laꞈ kʼoeˇ, nawˬ-ahˇ ngaˇ bi jawˇ ma. Dehꞈ luꞈ-euˬ tsawˇ haˬ deuˬ jawˇ-eu miˇ kʼahˬ-ahˇ nawˇ maˬ paˇ ya jawˇ meh.

Yeˬsaˬgeˬlaˇ 35:5

“Nawˇ-aˬ, Iˇsaˬleˬlaˆ miˇ kʼahˬ-ahˇ maˬ tsehˆ leˇ ni muiˇ-awˇ, aˬ yawꞈ-euˬ iˬ baˇ baˬ da neh, aˬ yawꞈ gʼaˇ duˬ aˇ saˬ saˬ-eu kʼehˬ-euˬ kʼaˆ-eu jeˬ keuˆ le-awˇ, aˬ yawꞈ shaˬ zahˬ naꞈ dui dui luꞈ ngeh jawˇ, aˬ yawꞈ-euˬ tsawˇ haˬ deuˬ-ahˇ aˬ cawˬ neh bi sehꞈ ni jahˇ-euˬ meh.

Yeˬsaˬgeˬlaˇ 36:11

Tsawˇ haˬ jeuˬ le o le-awˇ, jeˬ zaˬ myaˬ laˇ behˇ laˇ ni ngaˇ jahˇ ma. Dzeuˇ laˇ ngeh naˆ maˬ tseˇ naw maꞈ tsawˇ haˬ myaˬ-awˇ, zaˬ oeˬ sahˇ dui dui tehꞈ-a. Aˇ hu kʼaˇ jawˇ-euˬ loꞈ-ehˇ naw maꞈ-ahˇ kʼoeˇ gaˇ bi jawˇ-awˇ, aˇ hu naˆ maˬ tseˇ bi dehꞈ dzaˬ laˇ ma. Kʼoeˇ ngeh, ngaˇ Sahˬpaˬ Miˬyehˇ meh lehˇ naw maꞈ ya siˬ duˬ tehꞈ-a.

Yeˬsaˬgeˬlaˇ 38:11

Meuˬ meuˬ lahˇ maˬ baw taˆ maˬ tsoˆ-ehˇ, guiˇ deuˆ-eu jeˬ-ahˇ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu, nawˬ-ahˇ maˬ gʼaˬ laˇ-eu miˇ kʼahˬ-ahˇ guiˇ deuˆ-eu lehˇ, nawˇ noeˬ tsehˆ tehꞈ-a.

Yeˬsaˬgeˬlaˇ 38:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ kʼehˇ-awˇ, Gawˇgaˆ jawˇ gaˇ heu loꞈ-ehˇ bi ehˇ-iˇ laꞈ-euˬ meh. “Nymˬ-mˇ, ngaˬ-euˬ tsawˇ haˬ deuˬ guˆ kʼaˇ maˬ za-ehˇ, nui saˇ oꞈ-eu laꞈ kʼoeˇ dehꞈ luꞈ-eu nawˬ-ahˇ maˬ mawˇ laˇ nya loˇ.

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Miˇkaˬ 4:11

Miˇ kʼahˬ gʼawˬ mya ni naw maꞈ-ahˇ guiˇ deuˆ-eu lehˇ uiˬ leˇ taˬ-awˇ, “Yeˬluˇsaˬlehˬ meuˬ-ahˇ laˆ cawˆ ma. Meuˬ teu meuˬ luˬ-iˇ seˇ-iˇ-euˬ gaˇ aˬ dui ya mawˇ tehꞈ-a” lehˇ, aˬ yawꞈ maꞈ lmˬ luꞈ meh.

Miˇkaˬ 5:6

Guiˇ deuˆ-eu keu ka neh Aˬshuˇliˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ uˇ le ngeh, Aˬshuˇliˆ tsawˇ jeuˬ-euˬ laꞈ-ahˇ neh aˬ dui maꞈ-ahˇ aˬ yawꞈ maꞈ ka kʼoꞈ tehꞈ-a.

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Haˬbaˬkuˆ 2:8

Miˇ kʼahˬ tsawˇ jeuˬ gʼawˬ mya ni-ahˇ, nawˇ nawˬ dzaˬ kʼaˆ dzaˬ-euˬ miˇ neh, kʼaˇ buˬ kʼaˇ law-iˇ-euˬ kʼoeˇ deuˬ, nawˬ-ahˇ paˇ daˆ poˆ laˇ tehꞈ-a. Miˇ tsaˬ-ahˇ nawˇ yaw haiˬ mˇ-awˇ, tsawˇ haˬ shiˬ laˆ yoeˇ-euˬ miˇ neh, meuˬ deuˬ kʼoeˇ taˆ kʼaˆ myawˬ mˇ-awˇ, kʼaˆ dzaˇ dzaˬ-euˬ jaˆ-eu miˇ neh, nawˬ-ahˇ paˇ daˆ poˆ laˇ tehꞈ-a.

Zeˬpaˬniˇ 2:8

Sahˬpaˬ Miˬyehˇ ehˇ-eu, “Mawˇbaˆ hawˇ-eu Aˬmoˬ tsawˇ jeuˬ, ngaˬ-euˬ tsawˇ haˬ-ahˇ ehˇ doeˇ-awˇ, miˇ kʼahˬ ceh geuꞈ ma lehˇ lmˬ-eu, ngaˬ-euˬ naˬ bawˇ gaˬ taˬ-euˬ ma.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Zaˬkaˬliˇ 2:9

“Sahˬpaˬ Miˬyehˇ naw maꞈ-ahˇ guiˇ deuˆ-awˇ, naw maꞈ-euˬ zaˬ kʼaˆ deuˬ neh naw maꞈ-ahˇ tahˇ joe paˇ bi joe dzaˬ gaˇ keuˆ tehꞈ-a” lehˇ, Sahˬpaˬ Miˬyehˇ ehˇ-eu meh. Kʼoeˇ loꞈ-ehˇ pyeuꞈ laˇ ngeh jawˇ, Baoˬ huiˬ-eu Sahˬpaˬ Miˬyehˇ neh ngaˬ-ahˇ kʼehˇ gʼeh leꞈ-euˬ gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.

Zaˬkaˬliˇ 8:5

Meuˬ-euˬ lehˆ kawˆ doe ni, aˬ buˇ aˬ li deuˬ aˬ mui mui luꞈ gaˇ paˇ ya mawˇ tehꞈ-a.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 25:45

“Sahˬ paˬ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ ngehˬ maˬ gʼeh nehˬ ni byehˇ naˇ, ngaˬ-ahˇ ngehˬ maˬ gʼeh nehˬ laꞈ gaˇ duˇ-eu meh.’

Yoˇhaˬ 14:26

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yoˇhaˬ 17:18

Nawˬ neh ngaˬ-ahˇ miˇ tsaˬ kʼoeˇ taˆ kʼehˇ gʼeh leꞈ-euˬ loꞈ-ehˇ, ngaˇ aˬ yawꞈ maꞈ-ahˇ miˇ tsaˬ heu kʼoeˇ taˆ kʼehˇ gʼeh-eu ma.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.

2 Teˇsaˬloˇni 1:6

Yaw tsaˬ yaw dawˇ jeˬ keuˆ le ni Miˬyehˇ mˇ tehꞈ-a. Naw maꞈ-ahˇ kʼehˬ-eu kʼaˆ-eu tsawˇ haˬ deuˬ-ahˇ, kʼehˬ-eu kʼaˆ-eu jeˬ paˇ bi daˬ poˆ tehꞈ-a.

1 Yoˇhaˬ 4:14

Miˬyehˇ neh aˬ yawꞈ-euˬ Zaˬmaˇ-ahˇ miˇ tsaˬ heu-ahˇ Ka kʼoꞈ-eu gʼaˬ bi geuꞈ-eu lehˇ kʼehˇ gʼeh leꞈ-euˬ gaˇ aˬ dui kʼaˇ ya mawˇ-euˬ loꞈ-ehˇ aˬ cawˬ-ahˇ ja mehˬ-eu ma.