Zaˬkaˬliˇ 2:5 - Akha

⁵ Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Zaˬkaˬliˇ 2:5 ပူးပေါင်းရင်းမြစ်များ

Jaceuq 125:2

Yeˬluˇsaˬlehˬ meuˬ-ahˇ gawˬ jawˬ jawˬ lahˇ taˬ-euˬ loꞈ-ehˇ, aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ, Sahˬpaˬ Miˬyehˇ haw lahˇ tehꞈ-a.

Jaceuq 3:3

Ehˇ kʼawꞈ Sahˬpaˬ Miˬyehˇ nawˇ-aˬ, guˆgaˆdawˬtawˆdehˬpiˇluꞈ-eu, ngaˬ-euˬdehˬdaˬduˬ pyeuꞈ-eu ma. Nui ma-ahˇ gʼaˬbiꞈlahˬlaꞈ-awˇ, muiˇ-eu deuˬ-ahˇgʼaˬleˇ-euˬma.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 48:12

Miˬyehˇ-euˬ tsawˇ haˬ deuˬ-oˇ, Ziˇoˬ meuˬ cah jawˬ-awˇ, loꞈ-euˬ nymˇ goˇ deuˬ-ahˇ gui haw sheˇ.

Jaceuq 48:3

Meuˬ laꞈ kʼoeˇ ziꞈ dah ni jaˆ-euˬ aˬ yawꞈ-euˬ nymˇ laꞈ kʼoeˇ, guˆ-eu gaˆ-eu jeˬ-ahˇ dzeuˇ-eu gaˇ kawˆ, Miˬyehˇ bi siˬ bi mawˇ-eu meh.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 31:9

Ziꞈ dah ni gʼeh-eu aˬ yawꞈ maꞈ-euˬ taˆ, guˆ-eu miˇ neh byaˆ-iˇ tehꞈ-a. Guiˇ deuˆ-eu yaw huiˬ deuˬ guˆ dui dui-awˇ, paˇ loˬ paˇ lehˇ byehˇ-awˇ cehˆ tehꞈ-a” lehˇ ehˇ taˬ-euˬ meh. Yeˬluˇsaˬlehˬ meuˬ aˬ yawꞈ-ahˇ uˬ duˬ tahˬ-awˇ, lawˇ-eu shehˇ-eu jeˬ miˬ dzaˬ bi doꞈ laˇ-eu gʼaˬ pyeuꞈ-eu, Sahˬpaˬ Miˬyehˇ neh kʼoeˇ loꞈ-ehˇ ehˇ taˬ-euˬ meh.

Iˇsaˬyaˇ 32:18

Miˬyehˇ-euˬ tsawˇ haˬ deuˬ kʼahˬ lahˇ kʼaˇ maˬ za-ehˇ, nui saˇ oꞈ-eu nymˇ jiˇ laꞈ kʼoeˇ ya jawˇ tehꞈ-a.

Iˇsaˬyaˇ 33:21

Sahˬpaˬ Miˬyehˇ-euˬ yaw shehꞈ kʼahˬ sehˇ, aˬ dui-ahˇ bi mawˇ nehˬ laꞈ tehꞈ-a. Muiˇ-eu deuˬ-euˬ saˇ baoˬ maˬ laˇ nya-eu, jeˇ lo ni gʼeh-eu lawˇ baˬ deuˬ dawˬ peh, aˬ dui jawˇ duˬ ya dah tehꞈ-a.

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Yeˬlaˬmiˇ 31:39

Meuˬ-euˬ miˇ kaˬ-aˬ, kʼoeˇ gaˇ neh Gaˬyehˆ gawˬ duˇ nahˇ ma ga kʼehˬ paw iˇ gʼeh-awˇ, Goˇhaˬ gawˬ duˇ iˇ zah gʼeh tehꞈ-a.

Yeˬsaˬgeˬlaˇ 38:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ kʼehˇ-awˇ, Gawˇgaˆ jawˇ gaˇ heu loꞈ-ehˇ bi ehˇ-iˇ laꞈ-euˬ meh. “Nymˬ-mˇ, ngaˬ-euˬ tsawˇ haˬ deuˬ guˆ kʼaˇ maˬ za-ehˇ, nui saˇ oꞈ-eu laꞈ kʼoeˇ dehꞈ luꞈ-eu nawˬ-ahˇ maˬ mawˇ laˇ nya loˇ.

Yeˬsaˬgeˬlaˇ 42:20

Lahˇ kʼoeˇ-aˬ, tiˬ yaˇ nyiˬ tseˇ ngaˬ lmˇ oeˬ bawˬ byah-awˇ, muiˬ-eu shawˇ-eu jeˬ hawˇ-eu maˬ muiˬ maˬ shawˇ-eu jeˬ-ahˇ taw paˆ taˬ-eu lahˇ pyeuꞈ-eu meh.

Yeˬsaˬgeˬlaˇ 47:3

Tsawˇ haˬ kʼoeˇ gʼaˬ daˇ dza yuˇ-awˇ, lawˇ gawˆ caw caw-ehˇ nahˇ ma doˆ kʼehˬ paw nyiˬ yaˇ ngaˬ tseˇ lmˇ dehˬ ka gʼeh-awˇ, ngaˬ-ahˇ lawˇ gawˆ bi tsehˆ laꞈ ngeh, aˬ kuiˇ kuiˇ nuiꞈ-ahˇ keuˆ ni naꞈ laˇ-eu meh.

Zaˬkaˬliˇ 1:16

Kʼoeˇ miˇ neh, Yeˬluˇsaˬlehˬ meuˬ-ahˇ gʼawˬ shaˬ gaˬ nehˬ-eu gʼaˇ duˬ ngaˇ paˇ gʼoꞈ le-euˬ ma. Ngaˇ nui ma pehˇ-eu jeˬ byoˆ-iˇ-awˇ, ngaˬ-euˬ Uˬ duˬ tahˬ nymˇ nymˇ ma tsoˆ muiˬ-awˇ, meuˬ paˇ gawˬ ziꞈ ma.”

Zaˬkaˬliˇ 2:10

“Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, laˬ kʼaˬ cehˇ-eu caˇ dawˬ caˇ-awˬ. Ngaˇ naw maꞈ nehˬ-ehˇ jawˇ le-eu lehˇ gʼeh-eu ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Zaˬkaˬliˇ 9:8

Ngaˬ-euˬ miˇ kʼahˬ ngaˇ loꞈ piˇ-awˇ, iˇ tsehˆ laˇ tsehˆ-eu maˬ bi jaˆ. Ngaˇ haw tsoˆ-awˇ loꞈ-eu miˇ neh, kʼehˬ dzaˬ kʼaˆ dzaˬ-eu tsawˇ haˬ deuˬ, aˬ yawꞈ maꞈ-ahˇ maˬ toeˬ ciˆ-a.

Luˇkaꞈ 2:32

Lawˇ ciꞈ zaˬ deuˬ mawˇ nya laˇ ni, yaw shehꞈ bya nehˬ-eu jeˬ pyeuꞈ-awˇ, nawˬ neh kuˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ haˬ deuˬ-ahˇ, Yaw shehꞈ kʼahˬ sehˇ bi huiˬ-euˬ meh.”

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.