Zaˬkaˬliˇ 2:4 - Akha

⁴ Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Zaˬkaˬliˇ 2:4 ပူးပေါင်းရင်းမြစ်များ

Iˇsaˬtaˆ 9:19

Kʼoeˇ miˇ neh, meuˬ yaw nyiˇ deuˬ-ahˇ jawˇ-eu Yuˇdaˆ tsawˇ haˬ deuˬ-aˬ, Aˬdaˬlaˬ ba la tseˇ oeˬ nah tiˬ nah-ahˇ laˬ kʼaˬ cehˇ-awˇ lah-eu daw-eu aˇ nah lehˇ sawˇ taˬ-awˇ, dzaˬ byawˬ dawˇ byawˬ byawˬ-awˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ-euˬ meh.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 49:20

Aˬ cawˬ miˇ kʼahˬ-ahˇ dehꞈ le-euˬ nawˬ-euˬ zaˬ deuˬ, ‘Miˇ kʼahˬ heu-ahˇ jawˇ kʼaˇ maˬ deˇ-eu miˇ neh. jawˇ duˬ laˆ lahˬ nehˬ laꞈ’ lehˇ tiˬ nah ehˇ tehꞈ-a.

Iˇsaˬyaˇ 54:16

“Baw baw-awˇ guiˇ deuˆ-eu keu ka tehˆ luꞈ-eu, ba jiˬ deuˬ-ahˇ ngaˬ neh beh taˬ-euˬ ma. Keu ka baꞈ-awˇ aˬ cawˬ-ahˇ sehꞈ-eu yehˇ deuˬ kʼawꞈ, ngaˬ neh beh taˬ-euˬ ma.

Yeˬlaˬmiˇ 1:6

Kʼoeˇ ngeh ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ dawˬ ngehˬ tsaˬ maˬ siˬ-ehˇ, aˇ kʼoꞈ kʼawꞈ maˬ zeh laˇ nyaˬ siˬ.”

Yeˬlaˬmiˇ 31:24

Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ jawˇ byah jiˇ-awˇ, deh yaˇ mˇ dzaˬ-eu deuˬ hawˇ-eu, yawˇ yawˇ maꞈ teh-awˇ bo-eu yawˇ cu-eu tsawˇ haˬ deuˬ tiˬ byah ni jawˇ laˇ tehꞈ-a.

Yeˬlaˬmiˇ 31:27

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ, tsawˇ haˬ hawˇ-eu jeˬ zaˬ deuˬ ngaˇ bi byah laˇ-eu aˇ yamˬ dawˬ peh peh le luꞈ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 33:22

Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Yeˬsaˬgeˬlaˇ 38:11

Meuˬ meuˬ lahˇ maˬ baw taˆ maˬ tsoˆ-ehˇ, guiˇ deuˆ-eu jeˬ-ahˇ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu, nawˬ-ahˇ maˬ gʼaˬ laˇ-eu miˇ kʼahˬ-ahˇ guiˇ deuˆ-eu lehˇ, nawˇ noeˬ tsehˆ tehꞈ-a.

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Miˇkaˬ 7:11

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ meuˬ meuˬ lahˇ paˇ ya gawˬ muiˬ-eu aˇ yamˬ keuˆ le luꞈ meh. Aˇ yamˬ kʼoeˇ yamˬ keuˆ le ngeh naw maꞈ-euˬ miˇ kʼahˬ jeˇ dzehˬ laˇ tehꞈ-a.

Zaˬkaˬliˇ 1:16

Kʼoeˇ miˇ neh, Yeˬluˇsaˬlehˬ meuˬ-ahˇ gʼawˬ shaˬ gaˬ nehˬ-eu gʼaˇ duˬ ngaˇ paˇ gʼoꞈ le-euˬ ma. Ngaˇ nui ma pehˇ-eu jeˬ byoˆ-iˇ-awˇ, ngaˬ-euˬ Uˬ duˬ tahˬ nymˇ nymˇ ma tsoˆ muiˬ-awˇ, meuˬ paˇ gawˬ ziꞈ ma.”

Zaˬkaˬliˇ 1:17

“Ngaˬ-euˬ meuˬ deuˬ paˇ dehꞈ dzaˬ poˆ laˇ-awˇ, Yeˬluˇsaˬlehˬ meuˬ-ahˇ ngaˇ caw ba-awˇ, ngaˬ-euˬ meuˬ paˇ bi geuꞈ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ kʼawꞈ dzawˇ gaˬ-iˇ-eu gʼaˇ duˬ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu meh.

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.

Zaˬkaˬliˇ 14:12

Yeˬluˇsaˬlehˬ meuˬ-ahˇ guiˇ kʼaˇ deuˆ laˇ-euˬ miˇ kʼahˬ dawˬ tawˆ luꞈ kʼoeˇ taˆ, guˆ dui dui laˇ paˬ-ehˇ gʼeh-eu naˇ gawˇ Sahˬpaˬ Miˬyehˇ bi keuˆ le tehꞈ-a. Aˬ yawꞈ maꞈ yaw dehꞈ-ehˇ jawˇ luꞈ ngeh shaˬ jiˇ buꞈ shoˆ jiˇ-awˇ, myaˆ nuiˆ hawˇ-eu mehˬ laˇ buꞈ-iˇ tehꞈ-a.

1 Tiˆmoˇseˬ 4:12

Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.