Zaˬkaˬliˇ 2:13 - Akha

¹³ Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Zaˬkaˬliˇ 2:13 ပူးပေါင်းရင်းမြစ်များ

2 Laˬsaˬbaˬ 30:27

Tsawˇ haˬ kʼoeˇ deuˬ-ahˇ Sahˬpaˬ Miˬyehˇ guiˬ lahˬ biꞈ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ guiˬ lahˬ shaˇ-euˬ meh. Mˬ kʼoeˇ taˆ aˬ yawꞈ-euˬ nymˇ-ahˇ jawˇ luꞈ-eu Miˬyehˇ aˬ yawꞈ maꞈ-euˬ shaˇ dawˬ-ahˇ gaˬ-awˇ, ha geuꞈ nehˬ-euˬ meh.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Jaceuq 78:65

Aˇ saˬ saˬ laˇ ngeh uˬ noeˬ beuˇ laˇ-euˬ loꞈ-ehˇ Miˬyehˇ luˆ laˇ-awˇ, aˬ gaꞈ dzaˇ uiˇ dawˇ beuˇ-euˬ gʼaˬ kʼaˆ dui dui-eu tsawˇ haˬ loꞈ-ehˇ tuˇ laˇ-euˬ meh.

Iˇsaˬyaˇ 14:2

Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ gʼoꞈ jawˇ leˇ nya ni, tsawˇ jeuˬ gʼawˬ mya jeuˬ aˬ yawꞈ maꞈ-ahˇ caw ba nehˬ-awˇ, tsawˇ jeuˬ kʼoeˇ deuˬ Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-euˬ zaˬ kʼaˆ geuꞈ laˇ tehꞈ-a. Yaw beh aˬ yawꞈ maꞈ-ahˇ deuˆ gʼaˬ-euˬ tsawˇ haˬ deuˬ-ahˇ aˬ yawꞈ maꞈ paˇ deuˆ gʼaˬ-awˇ, aˬ yawꞈ maꞈ-ahˇ kʼehˬ-euˬ tsawˇ haˬ deuˬ kʼoeˇ taˆ, aˬ yawꞈ maꞈ paˇ uˆ lahˇ tehꞈ-a.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 41:1

Miˬyehˇ ehˇ-eu, “Gaˇ mahˇ kaˬ gaˇ jaˆ-eu miˇ kʼahˬ deuˬ-oˇ, ciˬ cuˇ ni jawˇ-awˇ ngaˇ ehˇ gaˇ naˇ haˬ-awˬ. Naw maꞈ yaˇ kʼaˬ ja-eu gʼaˇ duˬ lehˬ hmˬ taˬ-awˬ. Naw maꞈ dawˬ ngehˬ-eu a kawˬ-aˬ jaˆ meh. Aˬ dui tiˬ kawˆ loꞈ-ehˇ uiˬ laˇ jiˇ-awˇ, aˬ geu gʼaˬ lehˬ nga lehˇ daˇ tsehˆ kaˇ-euˇ.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 57:5

Miˇ muiˬ bi muiˬ laˇ-eu miˬ yehˇ ma-ahˇ uˬ duˬ tahˬ-awˇ, muiˬ-eu shawˇ-eu aˇ bawˇ uˬ moˆ kʼaˬ miˬ sheu luꞈ-eu meh. Lawˇ baˬ dawˬ peh jaˆ-eu lo kʼahˬ laꞈ kʼoeˇ, naw maꞈ-euˬ zaˬ sehꞈ-awˇ lawˇ nehˬ shehˇ nehˬ-euˬ meh.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Yeˬlaˬmiˇ 25:30

“Yeˬlaˬmiˇ nawˇ-aˬ, ngaˬ neh kʼaˇ ehˇ taˬ-eu jeˬ ya dzawˇ gaˬ meh. Tsawˇ haˬ kʼoeˇ deuˬ-ahˇ nawˇ heu loꞈ-ehˇ ya ehˇ nehˬ meh. ‘Sahˬpaˬ Miˬyehˇ mˬ taˆ jawˇ-awˇ lmˬ ngeh, mˬ taˆ yaw goˇ tsahˇ-ahˇ mˬ jeˬ tsawˬ tehˆ mahˇ laˇ tehꞈ-a. Aˬ yawꞈ-euˬ tsawˇ haˬ heu deuˬ-ahˇ aˬ yawꞈ lmˬ-awˇ, aˬ gaꞈ dzaˇ uiˇ nawˬ-eu tsawˇ haˬ loꞈ-ehˇ guˇ gaˇ, miˇ tsaˬ zaˬ dawˬ tawˆ luꞈ ya gaˬ tehꞈ-a.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Zaˬkaˬliˇ 4:9

“Zeˬluˇbaˬbeˬlaˇ Uˬ duˬ tahˬ nymˇ nymˇ ma gawˬ-eu aˇ dahˬ beh-euˬ meh. Aˇ saˬ saˬ ngeh keuˆ ni aˬ yawꞈ mˇ pyeuꞈ nya tehꞈ-a. Kʼoeˇ loꞈ-ehˇ gawˬ gʼaˬ ngeh, ngaˬ neh nawˬ-ahˇ pyehˬ gʼeh leꞈ-euˬ nga lehˇ, miˇ kʼahˬ zaˬ deuˬ siˬ duˬ tehˬ-a.

Zaˬkaˬliˇ 6:15

Gaˇ mahˇ kaˬ gaˇ jawˇ-eu tsawˇ haˬ deuˬ laˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ gaˇ caw ba laˇ tehꞈ-a. Uˬ duˬ tahˬ nymˇ nymˇ ma kʼoeˇ tsoˆ muiˬ gʼaˬ ngeh jawˇ, Baoˬ huiˬ-eu Sahˬpaˬ Miˬyehˇ neh, ngaˬ-ahˇ naw maꞈ jawˇ gaˇ pyehˬ gʼeh leꞈ-euˬ nga lehˇ, naw maꞈ ya siˬ duˬ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ naw maꞈ yaw muiˬ paˬ-ehˇ naˇ haˬ-awˇ caw teh naˇ, kʼoeˇ loꞈ-ehˇ pyeuꞈ laˇ tehꞈ-a.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

Dawˬmehˬ 18:21

“Miˬyehˇ gʼaˇ duˬ ngehˬ dah-eu gʼaˬ neh ehˇ-euˬ jeˬ-aˬ, Sahˬpaˬ Miˬyehˇ neh bi ngehˬ-euˬ dawˬ ngeuˇ-eu maˬ ngeuˇ-eu aˬ joˆ-ehˇ ehˇ tsehˆ nya nmˇ lehˇ naw maꞈ zahˬ leˇ kʼaˇ za tehꞈ-a.

Dawˬmehˬ 18:22

Miˬyehˇ gʼaˇ duˬ ngehˬ dah-eu gʼaˬ, Sahˬpaˬ Miˬyehˇ-euˬ tsawˇ myahˇ uˬ moˆ tiˬ jeˬ paˇ ehˇ ngeh, aˬ yawꞈ neh ehˇ-euˬ loꞈ-ehˇ maˬ pyeuꞈ laˇ naˇ, Sahˬpaˬ Miˬyehˇ neh bi ehˇ-euˬ dawˬ maˬ ngeuˇ-a. Miˬyehˇ gʼaˇ duˬ ngehˬ dah-euˬ kʼoeˇ gʼaˬ yawˬ ha-euˬ baoˬ-ahˇ gʼoe-awˇ ngehˬ-eu tmˇ-eu jeˬ pyeuꞈ-awˇ, aˬ yawꞈ-ahˇ nawˇ maˬ ya guˆ-a.

Dawˬmehˬ 26:15

Mˬ kʼoeˇ taˆ nawˬ-euˬ muiˬ-eu shawˇ-eu jawˇ duˬ-ahˇ neh haw ka gʼeh leꞈ-awˇ, nawˬ-euˬ Iˇsaˬleˬlaˆ tsawˇ jeuˬ-ahˇ guiˬ lahˬ biꞈ laꞈ-awˬ. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ neh nga maꞈ-ahˇ biꞈ laꞈ-euˬ miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ laꞈ kʼoeˇ, nga maꞈ-ahˇ guiˬ lahˬ biꞈ laꞈ-awˬ’ lehˇ nawˇ ya ehˇ meh.