Zaˬkaˬliˇ 2:1 - Akha

¹ Yaw sahˇ laꞈ kʼoeˇ ya siˬ ya mawˇ-euˬ jeˬ laꞈ kʼoeˇ, daˇ dza aˇ caˆ yuˇ luꞈ-eu tsawˇ haˬ tiˬ gʼaˬ ngaˇ paˇ ya mawˇ-euˬ ma.

Zaˬkaˬliˇ 2:1 ပူးပေါင်းရင်းမြစ်များ

Iˇsaˬyaˇ 54:16

“Baw baw-awˇ guiˇ deuˆ-eu keu ka tehˆ luꞈ-eu, ba jiˬ deuˬ-ahˇ ngaˬ neh beh taˬ-euˬ ma. Keu ka baꞈ-awˇ aˬ cawˬ-ahˇ sehꞈ-eu yehˇ deuˬ kʼawꞈ, ngaˬ neh beh taˬ-euˬ ma.

Yeˬlaˬmiˇ 31:39

Meuˬ-euˬ miˇ kaˬ-aˬ, kʼoeˇ gaˇ neh Gaˬyehˆ gawˬ duˇ nahˇ ma ga kʼehˬ paw iˇ gʼeh-awˇ, Goˇhaˬ gawˬ duˇ iˇ zah gʼeh tehꞈ-a.

Yeˬlaˬmiˇ 48:25

Mawˇbaˆ-euˬ gʼaˬ gʼaˬ siˬ bi nyehꞈ paˆ-awˇ, baoˬ bi laˆ cawˆ-euˬ mehˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 40:3

Aˬ yawꞈ ngaˬ-ahˇ kʼoeˇ gaˇ paˇ sheuˬ peh gʼeh-awˇ, guiˬ shuiˇ loꞈ-ehˇ guiˇ nyiˬ ni gʼeh-eu tsawˇ haˬ tiˬ gʼaˬ-ahˇ ya mawˇ-euˬ ma. Tsawˇ haˬ kʼoeˇ gʼaˬ, shawˇ jehˆ ni gʼeh-eu saˬ paˇ neh jahˇ taˬ-eu daˇ dza aˇ caˆ tiˬ caˆ hawˇ-eu, daˇ dza daˇ kawˬ tiˬ kawˬ yuˇ-awˇ, meuˬ lahˇ kʼehˬ dawˬ peh yawꞈ luꞈ-eu meh.

Yeˬsaˬgeˬlaˇ 40:5

Ngaˬ neh ya mawˇ-euˬ-aˬ, Uˬ duˬ tahˬ nymˇ nymˇ ma pyeuꞈ-awˇ, jawˬ jawˬ-ehˇ lahˇ gawˬ taˬ-euˬ meh. Tsawˇ haˬ kʼoeˇ gʼaˬ, koꞈ caˆ byah-eu daˇ dza yuˇ-awˇ, lahˇ kʼoeˇ lahˇ-ahˇ dza haw-euˬ meh. Daˇ dza kʼoeˇ hmˬ-euˬ tiˬ caˆ-aˬ, tiˬ caˆ uˬ taꞈ laꞈ zaˬ tiˬ daˬ byah-eu meh. Daˇ dza kʼoeˇ neh dza ngeh, lahˇ kʼoeˇ-aˬ, tiˬ lmˇ nui paˆ goˇ-awˇ, yaw tuˇ paw kʼawꞈ tiˬ lmˇ nui paˆ byah-eu meh.

Yeˬsaˬgeˬlaˇ 47:3

Tsawˇ haˬ kʼoeˇ gʼaˬ daˇ dza yuˇ-awˇ, lawˇ gawˆ caw caw-ehˇ nahˇ ma doˆ kʼehˬ paw nyiˬ yaˇ ngaˬ tseˇ lmˇ dehˬ ka gʼeh-awˇ, ngaˬ-ahˇ lawˇ gawˆ bi tsehˆ laꞈ ngeh, aˬ kuiˇ kuiˇ nuiꞈ-ahˇ keuˆ ni naꞈ laˇ-eu meh.

Yeˬsaˬgeˬlaˇ 47:4

Kʼoeˇ naˇ, nyiˬ yaˇ ngaˬ tseˇ lmˇ paˇ dza ka gʼeh-awˇ, tiˬ poˆ paˇ uˇ-iˇ haw ngeh aˬ kuiˇ pawˬ tsuiꞈ-ahˇ keuˆ ni naꞈ laˇ-eu meh. Nyiˬ yaˇ ngaˬ tseˇ lmˇ paˇ dza ka gʼeh ngeh, joꞈ-ahˇ keuˆ ni naꞈ laˇ-eu meh.

Daˬyeˬlaˇ 7:7

Ngaˇ haw haw-ehˇ jawˇ ngeh, jeˬ zaˬ oeˬ mawˇ tiˬ mawˇ paˇ doˆ laˇ-euˬ meh. Jeˬ zaˬ kʼoeˇ mawˇ gʼaˬ kʼaˆ dui dui-awˇ, guˆ dui dui laˇ paˬ-ehˇ gʼeh-eu meh. Huiˬ dui dui-eu shuiˇ-euˬ seuˬ neh aˬ cawˬ-ahˇ kawꞈ nmˆ leꞈ-awˇ, nawˬ pyehˆ nehˬ-eu meh. Jeˬ zaˬ nui deuˬ-ahˇ maˬ duˇ ni, uˬ coeˇ tseˇ kahˬ tsoꞈ-eu meh.

Zaˬkaˬliˇ 1:16

Kʼoeˇ miˇ neh, Yeˬluˇsaˬlehˬ meuˬ-ahˇ gʼawˬ shaˬ gaˬ nehˬ-eu gʼaˇ duˬ ngaˇ paˇ gʼoꞈ le-euˬ ma. Ngaˇ nui ma pehˇ-eu jeˬ byoˆ-iˇ-awˇ, ngaˬ-euˬ Uˬ duˬ tahˬ nymˇ nymˇ ma tsoˆ muiˬ-awˇ, meuˬ paˇ gawˬ ziꞈ ma.”

Zaˬkaˬliˇ 1:18

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, mawˇ neˇ uˬ coeˇ oeˬ kahˬ ngaˇ paˇ mawˇ-euˬ ma.

Panmaeq 11:1

Kʼoeˇ naˇ, daˇ dza-ahˇ duˇ-eu daˇ kawˬ tiˬ kawˬ ngaˬ-ahˇ biꞈ laꞈ-awˇ, heu loꞈ-ehˇ ehˇ nehˬ laꞈ-euˬ meh. “Miˬyehˇ-euˬ uˬ duˬ tahˬ nymˇ nymˇ ma hawˇ-eu lawˇ duˬ-ahˇ dza haw-iˇ-awˇ, uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ luꞈ-eu tsawˇ haˬ deuˬ-ahˇ gui haw-awˬ.

Panmaeq 21:15

Ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ-aˬ, meuˬ-ahˇ maˬ ehˇ, lahˇ kʼehˬ deuˬ-ahˇ maˬ ehˇ, meuˬ meuˬ lahˇ-ahˇ maˬ ehˇ, dza haw-eu shuiˇ daˇ dza ahˇ-eu meh.