Zaˬkaˬliˇ 13:9 - Akha

⁹ Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Zaˬkaˬliˇ 13:9 ပူးပေါင်းရင်းမြစ်များ

2 Saˬmeuˬlaˆ 7:24

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ, mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

Yawˇbaˆ 23:10

Ehˇ kʼawꞈ, ngaˬ-euˬ kuiˇ toꞈ aˬ yawꞈ toꞈ yawˬ Miˬyehˇ siˬ nya meh. Aˬ yawꞈ ngaˬ-ahˇ lawˬ haw naˇ, ngaˇ shawˇ jehˆ ni gʼeh gaˇ aˬ yawꞈ ya mawˇ tehꞈ-a.

Yawˇbaˆ 28:1

Pyuˇ duˬ-eu duˬ kʼahˬ deuˬ jaˆ-awˇ, shuiˇ baw guiˇ-awˇ laˆ shawˇ-eu jawˇ duˬ deuˬ jaˆ-eu meh.

Jaceuq 144:15

Kʼoeˇ loꞈ-ehˇ muiˬ-eu guiˬ lahˬ za-euˬ tsawˇ jeuˬ, laˬ kʼaˬ cehˇ-eu jeˬ byah luꞈ-uˇ. Sahˬpaˬ Miˬyehˇ-ahˇ Miˬyehˇ kʼaˇ gʼoe-eu tsawˇ haˬ deuˬ, laˬ kʼaˬ cehˇ-eu jeˬ byah luꞈ-uˇ.

Jaceuq 43:4

Nawˬ-euˬlawˇduˬ-ahˇngaˇle ma. Ngaˬ-euˬlaˬkʼaˬcehˇduˬnawˇma. Ngaˬ-euˬMiˬyehˇpyeuꞈ-eu nawˬ-ahˇ, deuˇ-mˬdiˬ-awˇngaˇja ceuˬma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Dawˬ caˇ 2:16

Ngaˇ gaˬ-eu gʼaˬ ngaˬ-euˬ pyeuꞈ-awˇ, ngaˇ aˬ yawꞈ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ yawˇ bo-eu meh.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Iˇsaˬyaˇ 48:10

Pyuˇ-ahˇ miˬ dzaˬ neh lawˬ haw-eu loꞈ-ehˇ, guˆ-eu gaˆ-eu miˬ dzaˬ laꞈ kʼoeˇ, nawˬ-ahˇ ngaˇ lawˬ haw-awˇ, nawˇ gaˇ dahˇ maˬ tsoeˬ-eu laˆ duˬ-euˬ ma.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Yeˬlaˬmiˇ 24:5

“Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ heu loꞈ-ehˇ sawˇ taˬ-euˬ ma. Baˬbuˇloˬ miˇ kʼahˬ-ahˇ bi nyehꞈ doˆ gʼeh-euˬ tsawˇ haˬ deuˬ-aˬ, muiˬ-eu siˬ guˬ aˇ siˬ kʼoeˇ deuˬ-ahˇ duˇ-awˇ, aˬ yawꞈ maꞈ-ahˇ ngaˇ gʼawˬ shaˬ gaˬ-eu laꞈ kʼoeˇ ngehˬ gʼeh nehˬ ma.

Yeˬlaˬmiˇ 30:22

Yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ yawꞈ maꞈ-euˬ Miˬyehˇ pyeuꞈ ma.”

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬlaˬmiˇ 32:38

Kʼoeˇ ngeh jawˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 14:11

Iˇsaˬleˬlaˆ tsawˇ haˬ deuˬ ngaˬ-ahˇ maˬ bi byehˇ dzeh-eu gʼaˇ duˬ maˬ ehˇ, aˬ yawꞈ maꞈ iˬ baˇ mˇ-eu laꞈ kʼoeˇ yawˬ haˇ yawˬ ha maˬ bi laˆ jawꞈ-eu gʼaˇ duˬ maˬ ehˇ, ngaˇ kʼoeˇ loꞈ-ehˇ jahˇ mehˬ nehˬ ma. Aˬ yawꞈ maꞈ ngaˬ-euˬ tsawˇ haˬ ya bi pyeuꞈ-awˇ ngaˇ aˬ yawꞈ maꞈ-euˬ Miˬyehˇ pyeuꞈ-eu meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 20:38

Naw maꞈ laꞈ kʼoeˇ ngaˬ-ahˇ puiˬ-awˇ iˬ baˇ mˇ-eu deuˬ ngaˇ yuˇ dzeh ma. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ, nymˬ-mˇ aˬ yawꞈ maꞈ ya jawˇ luꞈ-eu miˇ kʼahˬ laꞈ kʼoeˇ neh ngaˇ sheuˬ doˆ nehˬ ma. Ehˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ maˬ bi gʼoꞈ jawˇ laˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˆ kawˆ naw maꞈ ya siˬ duˬ tehꞈ-a.”

Yeˬsaˬgeˬlaˇ 36:28

Kʼoeˇ naˇ, ngaˬ neh naw maꞈ-euˬ aˬ poeˬ aˬ bawˇ deuˬ-ahˇ biꞈ taˬ-euˬ miˇ kʼahˬ laꞈ kʼoeˇ naw maꞈ ya jawˇ tehꞈ-a. Naw maꞈ ngaˬ-euˬ tsawˇ haˬ pyeuꞈ-awˇ, ngaˇ naw maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 37:27

Aˬ yawꞈ maꞈ nehˬ-ehˇ ngaˇ jawˇ ma. Ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ tehꞈ-a.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Uˬ duˬ 26:12

Naw maꞈ nehˬ-ehˇ ngaˇ jawˇ-eu laꞈ kʼoeˇ, naw maꞈ-euˬ Miˬyehˇ ngaˇ ya pyeuꞈ-awˇ, naw maꞈ ngaˬ-euˬ tsawˇ haˬ ya pyeuꞈ tehꞈ-a.

Zaˬkaˬliˇ 10:6

Yuˇdaˆ nymˇ jiˇ gʼaˬ bi kʼaˆ-awˇ, Yoˇsehˆ nymˇ jiˇ ngaˇ ka kʼoꞈ ma. Aˬ yawꞈ maꞈ-ahˇ gʼawˬ shaˬ gaˬ-awˇ, iˇ kahˇ sheuˬ kʼoꞈ keuˆ jiˇ nehˬ ma. Ngaˬ neh maˬ byehˇ dzeh-euˬ loꞈ-ehˇ, aˬ yawꞈ maꞈ paˇ bi dehꞈ poˆ ma. Sahˬpaˬ Miˬyehˇ pyeuꞈ-eu ngaˇ-aˬ, aˬ yawꞈ maꞈ-euˬ Miˬyehˇ ngeuˇ ma. Aˬ yawꞈ maꞈ neh shaˇ-euˬ shaˇ dawˬ, maˬ byehˇ ni ngaˇ naˇ haˬ nehˬ ma.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Zaˬkaˬliˇ 8:8

Nahˇ ma doˆ kʼehˬ ga kʼehˬ paw neh aˬ yawꞈ maꞈ-ahˇ ngaˇ sheuˬ kʼoꞈ uiˬ laꞈ-awˇ, Yeˬluˇsaˬlehˬ meuˬ-ahˇ bi jawˇ ma. Aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu laꞈ kʼoeˇ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ neh aˬ yawꞈ maꞈ-ahˇ ngaˇ uˆ lahˇ ma.

Gʼaˬkʼehˇ 2:21

Kʼoeˇ ngeh, ‘Caw ba nehˬ laꞈ-awˬ’ lehˇ, SahˬpaˬMiˬyehˇ-ahˇ kuˇ-eu deuˬ, ka kʼoꞈ nehˬ-eu jeˬ za tehꞈ-a.’

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

1 Beˬtuˆluˆ 4:12

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ lawˬ haw-eu shaˬ-eu zahˬ-eu jeˬ keuˆ le ngeh, tiˬ jawˇ-iˬ maˬ puˬ maˬ mawˇ haw-euˬ jeˬ keuˆ le-euˬ loꞈ-ehˇ taˬ zahˬ leˇ.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 8:10

Kʼoeˇ naˇ, mˬ taˆ gʼaˬ kʼehˇ smˇ gʼaˬ tiˬ gʼaˬ daˇ heh baw ngeh, miˬ dzaˬ miˬ doꞈ-ahˇ duˇ-eu aˬ guiˇ guiˇ ma tiˬ siˬ mˬ-ahˇ neh ga ka le-awˇ, lawˇ baˬ baˬ ma smˬ bymˇ tiˬ bymˇ hawˇ-eu, lawˇ gawˆ gawˆ zaˬ deuˬ kʼoeˇ taˆ ga daˆ le-euˬ meh.

Panmaeq 8:11

Aˬ guiˇ kʼoeˇ siˬ-euˬ tsawˇ myahˇ-aˬ, “Kʼaˬ jawꞈ ni gʼeh-eu aˇ bawˇ” lehˇ kuˇ-eu meh. Iˇ cuꞈ smˬ bymˇ tiˬ bymˇ yaw kʼaˬ kʼaˬ-iˇ-awˇ, tsawˇ haˬ gʼawˬ mya ni iˇ cuꞈ dawˇ-awˇ shiˇ-euˬ meh. Aˬ jeˬ miˇ neh ehˇ naˇ, iˇ cuꞈ kʼoeˇ kʼaˬ dui dui-eu meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.

Panmaeq 8:8

Mˬ taˆ gʼaˬ kʼehˇ nyiˬ gʼaˬ tiˬ gʼaˬ daˇ heh baw ngeh, gawˬ jawˬ jawˬ ma-ahˇ duˇ-eu tiˬ jeˬ miˬ dzaˬ doꞈ doꞈ-ehˇ iˬ ma laˆ shaˆ-ahˇ ga ahˇ-iˇ-awˇ, iˬ ma laˆ shaˆ smˬ bymˇ tiˬ bymˇ shiˬ pyeuꞈ-iˇ-euˬ meh.

Panmaeq 8:9

Iˬ ma laˆ shaˆ laꞈ kʼoeˇ kʼaˇ dehꞈ kʼaˇ jawˇ-eu jeˬ smˬ bymˇ tiˬ bymˇ shiˇ-awˇ, saˇ baoˬ smˬ bymˇ tiˬ bymˇ luꞈ-iˇ seˇ-iˇ-euˬ meh.