Zaˬkaˬliˇ 12:4 - Akha

⁴ Aˇ yamˬ kʼoeˇ yamˬ keuˆ laˇ ngeh, aˬ yawꞈ maꞈ-euˬ dziˬ mahˬ deuˬ-ahˇ ngaˇ laˆ guˆ nehˬ-awˇ, mahˬ dziˬ-eu yehˇ deuˬ tsawˇ uˬ bi uˬ-iˇ jiˇ ma. Yuˇdaˆ tsawˇ haˬ deuˬ-ahˇ ngaˇ haw piˇ nehˬ-awˇ, muiˇ-eu deuˬ-euˬ mahˬ deuˬ myaˆ behꞈ bi behꞈ-iˇ jiˇ ma.

Zaˬkaˬliˇ 12:4 ပူးပေါင်းရင်းမြစ်များ

1 Sahˬpaˬ 8:29

Nawˬ-ahˇ uˬ duˬ bi tahˬ-eu gʼaˇ duˬ nawˬ neh tseˇ doˆ taˬ-euˬ jawˇ duˬ pyeuꞈ-eu Uˬ duˬ tahˬ nymˇ nymˇ ma heu nymˇ-ahˇ, uˬ ciꞈ nah gʼahˇ maˬ ehˇ haw piˇ nehˬ laꞈ-awˬ. Uˬ duˬ tahˬ nymˇ nymˇ ma jaˆ-eu paw ngaˇ mehˬ shiˬ pyawˇ-awˇ guiˬ lahˬ shaˇ ngeh, ngaˬ-euˬ shaˇ dawˬ naˇ haˬ nehˬ laꞈ-awˬ.

2 Sahˬpaˬ 6:14

Kʼoeˇ ngeh, mahˬ deuˬ hawˇ-eu mahˬ laˆ lawˬ deuˬ-ahˇ leˇ-ehˇ, guiˇ maꞈ maꞈ ma tiˬ maꞈ aˬ yawꞈ pyehˬ gʼeh-euˬ meh. Guiˇ maꞈ kʼoeˇ maꞈ meuˬ kʼoeˇ meuˬ-ahˇ uˬ ciꞈ paw iˇ keuˆ-awˇ, loꞈ jawˬ-euˬ meh.

2 Sahˬpaˬ 6:18

Suˇliˆ tsawˇ haˬ deuˬ guiˇ deuˆ le-eu lehˇ oe ngeh, “Sahˬpaˬ Miˬyehˇ-oˇ, tsawˇ haˬ heu deuˬ tahˬ sawˇ bi sawˇ-iˇ jiˇ-awˬ” lehˇ, Eˇliˇshehˇ guiˬ lahˬ shaˇ-euˬ meh. Aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, tsawˇ haˬ kʼoeˇ deuˬ-ahˇ tahˬ sawˇ bi sawˇ-iˇjiˇ-euˬ meh.

2 Laˬsaˬbaˬ 6:20

Uˬ duˬ tahˬ nymˇ nymˇ ma heu nymˇ-ahˇ uˬ ciꞈ nah gʼahˇ maˬ ehˇ haw piˇ nehˬ laꞈ-awˬ. Heu gaˇ nawˬ-ahˇ uˬ duˬ ya tahˬ meh lehˇ nawˇ saˇ jaˇ dzaˬ taˬ-euˬ meh. Kʼoeˇ miˇ neh, Uˬ duˬ tahˬ nymˇnymˇ ma heu nymˇ-ahˇ ngaˇ mehˬ shiˬ pyawˇ-awˇ guiˬ lahˬ shaˇ ngeh, ngaˬ-eu shaˇ dawˬ-ahˇ naˇ haˬ nehˬ laꞈ-awˬ.

2 Laˬsaˬbaˬ 6:40

“Ngaˬ-eu Miˬyehˇ-oˇ, nga maꞈ-ahˇ haw ka leꞈ-awˇ, jawˇ duˬ heu tsahˇ-ahˇ shaˇ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ.

2 Laˬsaˬbaˬ 7:15

Uˬ duˬ tahˬ nymˇ nymˇ ma heu-ahˇ ngaˇ maˬ tsehˆ leˇ ni haw-awˇ, heu gaˇ shaˇ-eu shaˇ dawˬ deuˬ ya gaˬ ni aˬ myah luꞈ naˬ bawˇ ciˬ kʼmˇ taˬ ma.

Neˬhaˬmiˇ 1:6

Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Iˇsaˬyaˇ 37:17

Sahˬpaˬ Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ kʼoeˇ taˆ keuˆ le taˬ-eu jeˬ-ahˇ haw mawˇ nehˬ laꞈ-awˬ. Dehꞈ luꞈ-eu Miˬyehˇ pyeuꞈ-eu nawˬ-ahˇ Seˬneˬkaˬliˇ neh yehˬ bawˬ sehˇ lu-ehˇ kʼaˇ ehˇ taˬ-euˬ jeˬ-ahˇ naˇ haˬ-awˬ.

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Yeˬsaˬgeˬlaˇ 39:20

Ngaˬ-euˬ hawˬ jeh kʼoeˇ taˆ mahˬ hawˇ-eu mahˬ dziˬ-eu tsawˇ haˬ deuˬ-euˬ shaˬ jiˇ maˬ ehˇ, yehˇ deuˬ hawˇ-eu guiˇ deuˆ-eu tsawˇ haˬ deuˬ-euˬ shaˬ jiˇ maˬ ehˇ, aˬ yawꞈ maꞈ kʼaˇ dzaˬ coeˇ-eu ya dzaˬ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Zaˬkaˬliˇ 10:5

Gʼaˬ leˇ-euˬ yehˇ, muiˇ-eu deuˬ-ahˇ, gaˇ ma-ahˇ nawˬ pahˬ-eu loꞈ-ehˇ, Yuˇdaˆ tsawˇ haˬ gʼaˬ leˇ tehꞈ-a. Sahˬpaˬ Miˬyehˇ jawˇ-eu miˇ neh, aˬ yawꞈ maꞈ guiˇ deuˆ-eu kʼaˬ-awˇ, mahˬ dziˬ-eu muiˇ-eu deuˬ-ahˇ kʼawꞈ, aˬ yawꞈ maꞈ deuˆ gʼaˬ jiˇ tehꞈ-a.

Zaˬkaˬliˇ 12:11

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ laꞈ kʼoeˇ tsawˇ ngoeˇ ngoeˇ-euˬ kʼoeˇ-aˬ, Meˬgiˇdoˬ deh ga-ahˇ jaˆ-eu Haˬdaˬleˬmoˬ-ahˇ tsawˇ ngoeˇ ngoeˇ nehˬ-eu loꞈ-ehˇ teˇ saˇ kʼaˆ dui dui tehꞈ-a.

Zaˬkaˬliˇ 12:3

Ehˇ kʼawꞈ, aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ kah dui dui-eu kʼaˬ lo lo ma tiˬ siˬ loꞈ-ehˇ bi pyeuꞈ laˇ-awˇ, baꞈ diˇ-eu lehˇ kʼaˇ leh jeh-eu tsawˇ jeuˬ aˬ geu jeuˬ maˬ kaˬ, laˆ tahˬ laˆ naˇ tehꞈ-a. Miˇ kʼahˬ tsawˇ jeuˬ dawˬ tawˆ luꞈ gm leˇ-awˇ, Yeˬluˇsaˬlehˬ meuˬ-ahˇ guiˇ deuˆ tehꞈ-a.

Zaˬkaˬliˇ 12:5

Kʼoeˇ ngeh, ‘Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-aˬ, Yeˬluˇsaˬlehˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ gʼaˬ biꞈ-eu ngaˇ’ lehˇ, Yuˇdaˆ tsawˇ jeuˬ tsawˇ ca deuˬ tiˬ jeuˬ tiˇ jeuˬ ehˇ tehꞈ-a.

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.

Zaˬkaˬliˇ 14:15

Guˆ dui dui laˇ paˬ-ehˇ gʼeh-eu naˇ gawˇ deuˬ, mahˬ deuˬ, mahˬ shaˆ lawˬ deuˬ, law taw deuˬ hawˇ-eu, mahˬ tahˬ laˆ deuˬ kʼoeˇ taˆ keuˆ le tehꞈ-a. Muiˇ-eu deuˬ-euˬ sehˬ gʼawˆ laꞈ kʼoeˇ kʼaˇ jawˇ-eu jeˬ zaˬ dawˬ tawˆ luꞈ kʼoeˇ taˆ, naˇ gawˇ kʼoeˇ keuˆ le tehꞈ-a.

Zaˬkaˬliˇ 9:8

Ngaˬ-euˬ miˇ kʼahˬ ngaˇ loꞈ piˇ-awˇ, iˇ tsehˆ laˇ tsehˆ-eu maˬ bi jaˆ. Ngaˇ haw tsoˆ-awˇ loꞈ-eu miˇ neh, kʼehˬ dzaˬ kʼaˆ dzaˬ-eu tsawˇ haˬ deuˬ, aˬ yawꞈ maꞈ-ahˇ maˬ toeˬ ciˆ-a.

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Dawˬmehˬ 28:28

Nawˇ tsawˇ uˬ uˬ-iˇ ni maˬ ehˇ, myaˆ behꞈ behꞈ-iˇ ni maˬ ehˇ, nui ma suˬ saˬ ni maˬ ehˇ, Sahˬpaˬ Miˬyehˇ jahˇ tehꞈ-a.