Zaˬkaˬliˇ 12:3 - Akha

³ Ehˇ kʼawꞈ, aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ kah dui dui-eu kʼaˬ lo lo ma tiˬ siˬ loꞈ-ehˇ bi pyeuꞈ laˇ-awˇ, baꞈ diˇ-eu lehˇ kʼaˇ leh jeh-eu tsawˇ jeuˬ aˬ geu jeuˬ maˬ kaˬ, laˆ tahˬ laˆ naˇ tehꞈ-a. Miˇ kʼahˬ tsawˇ jeuˬ dawˬ tawˆ luꞈ gm leˇ-awˇ, Yeˬluˇsaˬlehˬ meuˬ-ahˇ guiˇ deuˆ tehꞈ-a.

Zaˬkaˬliˇ 12:3 ပူးပေါင်းရင်းမြစ်များ

Iˇsaˬyaˇ 60:12

Ehˇ kʼawꞈ, nawˬ-ahˇ maˬ mˇ cu-eu tsawˇ jeuˬ piˬ-iˇ byoˆ-iˇ tehꞈ-a.

Aaˇbaˬdiˇ 1:18

Yaˬkoˆ, Yoˇsehˆ-euˬ tsawˇ haˬ deuˬ, miˬ dzaˬ loꞈ-ehˇ duˇ leˇ tehꞈ-a. Jaˆ guˬ jaˆ gaˆ puiˆ-eu loꞈ-ehˇ, Iˇsawˇ-euˬ zaˬ deuˬ uˆ deuˬ-ahˇ, aˬ yawꞈ maꞈ laˆ cawˆ nehˬ tehꞈ-a. Iˇsawˇ-euˬ zaˬ deuˬ uˆ deuˬ-aˬ, tiˬ gʼaˬ-iˬ maˬ dzeuˇ-iˇ nya ni, ya shiˇ jiˇ gaˇ keuˆ tehꞈ-a lehˇ, ngaˇ Sahˬpaˬ Miˬyehˇ ehˇ-eu ma.

Miˇkaˬ 5:15

Ngaˬ-euˬ dawˬ-ahˇ maˬ naˇ haˬ geuꞈ-eu miˇ kʼahˬ deuˬ-ahˇ ngaˇ nui ma pehˇ dui dui-eu laꞈ kʼoeˇ laꞈ poˆ poˆ nehˬ ma.”

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Zeˬpaˬniˇ 3:19

Nawˬ-ahˇ kʼehˬ-eu tsawˇ haˬ deuˬ-ahˇ, ngaˇ paˇ kʼehˬ paˇ kʼaˆ poˆ nehˬ-awˇ, kuiˇ kuˆ deuˬ ka kʼoꞈ doˆ laꞈ-awˇ, teh byaˆ-euˬ deuˬ sheuˬ kʼoꞈ laꞈ-eu, aˇ nah kʼoeˇ nah keuˆ le luꞈ meh. Naw maꞈ ya shaꞈ dawˇ dui dui-euˬ, daˬ ga-euˬ jeˬ poˆ laˆ laˆ-awˇ, ciˬ huiˬ nehˬ-eu jeˬ bi oꞈ ma. Miˇ tsaˬ zaˬ dawˬ tawˆ tuˇ laˇ-awˇ, aˬ yawꞈ maꞈ-ahˇ ja ceuˬ tehꞈ-a.

Haˬgaiˇ 2:22

Miˇ kʼahˬ deuˬ bi ga ka jiˇ-awˇ, baoˬ bi byoˆ-iˇ jiˇ-eu lehˇ gʼeh-eu ma. Mahˬ laˆ lawˬ deuˬ hawˇ-eu laˆ lawˬ teh-eu deuˬ-ahˇ ngaˇ ngawˬ pyaˆ dzeh ma. Mahˬ deuˬ shiˇ-awˇ, mahˬ laˆ lawˬ teh-eu deuˬ tiˬ gʼaˬ tiˇ gʼaˬ sehꞈ tehꞈ-a.

Zaˬkaˬliˇ 12:11

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ laꞈ kʼoeˇ tsawˇ ngoeˇ ngoeˇ-euˬ kʼoeˇ-aˬ, Meˬgiˇdoˬ deh ga-ahˇ jaˆ-eu Haˬdaˬleˬmoˬ-ahˇ tsawˇ ngoeˇ ngoeˇ nehˬ-eu loꞈ-ehˇ teˇ saˇ kʼaˆ dui dui tehꞈ-a.

Zaˬkaˬliˇ 12:4

Aˇ yamˬ kʼoeˇ yamˬ keuˆ laˇ ngeh, aˬ yawꞈ maꞈ-euˬ dziˬ mahˬ deuˬ-ahˇ ngaˇ laˆ guˆ nehˬ-awˇ, mahˬ dziˬ-eu yehˇ deuˬ tsawˇ uˬ bi uˬ-iˇ jiˇ ma. Yuˇdaˆ tsawˇ haˬ deuˬ-ahˇ ngaˇ haw piˇ nehˬ-awˇ, muiˇ-eu deuˬ-euˬ mahˬ deuˬ myaˆ behꞈ bi behꞈ-iˇ jiˇ ma.

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Zaˬkaˬliˇ 14:13

Aˇ yamˬ kʼoeˇ yamˬ keuˆ laˇ ngeh, aˬ yawꞈ maꞈ maˬ noeˬ maˬ maˆ-ehˇ pyeuꞈ-iˇ ni Sahˬpaˬ Miˬyehˇ jahˇ-awˇ, aˬ yawꞈ gʼaˬ yawꞈ, yawˬ ha dawˬ peh kʼaˇ jawˇ-eu tsawˇ haˬ-ahˇ dawꞈ dawꞈ-ehˇ ceh tehꞈ-a.

Zaˬkaˬliˇ 14:6

Aˇ nah aˇ yamˬ kʼoeˇ keuˆ laˇ ngeh, yaw gaˆ gaˆ-awˇ ngehˇ ga-eu maˬ baw-a.

Luˇkaꞈ 20:18

Kʼaˬ lo kʼoeˇ siˬ kʼoeˇ taˆ kʼaˇ ga daˆ-eu tsawˇ haˬ kʼehꞈ-iˇ kʼoeˆ-iˇ tehꞈ-a. Kʼaˬ lo kʼoeˇ siˬ neh kʼaˇ bi ga daˆ-euˬ tsawˇ haˬ pyehˆ-iˇ tehꞈ-a.”

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.