Zaˬkaˬliˇ 10:2 - Akha

² Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Zaˬkaˬliˇ 10:2 ပူးပေါင်းရင်းမြစ်များ

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

1 Sahˬpaˬ 22:17

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ laˇ miˇ-a. Kʼoeˇ ngeh jawˇ, ‘Tsawˇ haˬ heu deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ ciˬ cuˇ ni bi gʼoꞈ-iˇ-awˬ’ lehˇ Sahˬpaˬ Miˬyehˇ ehˇ-eu meh.”

Yawˇbaˆ 13:4

Naw maꞈ-aˬ, yawˬ ha maˬ siˬ maˬ nya-eu jeˬ-ahˇ jaˬ myawꞈ myawꞈ-eu laꞈ kʼoeˇ dehˬ kaˬ-awˇ, naˇ gawˇ maˬ laˆ taˬ nya-eu jaˆ gʼaˬ yaˇ-eu tsawˇ haˬ-ahˇ duˇ-eu meh.

Yawˇbaˆ 21:34

Naw maꞈ-aˬ, tiˬ jeˬ-iˬ gaˇ dahˇ maˬ tsoeˬ-eu dawˬ neh ngaˬ-ahˇ gʼaˬ biꞈ-eu meh. Naw maꞈ kʼaˇ ngehˬ-eu dawˬ yawˬ dawˬ na luꞈ jaˬ myawꞈ meh.”

Iˇsaˬyaˇ 41:29

Miˬ yehˇ heu deuˬ tiˬ gʼaˬ-iˬ gaˇ dahˇ maˬ tsoeˬ-a. Aˬ yawꞈ maꞈ tiˬ jeˬ-iˬ maˬ mˇ nya-a. Tahˬ pahˬ aˬ ma mawˇ kawˇ heu deuˬ yawˬ ngehꞈ pyeuꞈ-awˇ, baoˬ tiˬ pawꞈ-iˬ maˬ ahˇ-a.”

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Iˇsaˬyaˇ 46:5

“Naw maꞈ ngaˬ-ahˇ aˬ suˇ gʼaˬ nehˬ-ehˇ shaˇ cehˆ nmˇ. Ngaˬ-ahˇ duˇ leˇ-eu jawˇ meh loˇ.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 23:17

Ngaˬ-euˬ ehˇ dawˬ maˬ naˇ haˬ-eu tsawˇ haˬ deuˬ-ahˇ, nui saˇ oꞈ tehꞈ-a lehˇ aˬ yawꞈ maꞈ gʼaˬ biꞈ-awˇ, nui ma gʼahˇ dui dui-eu tsawˇ haˬ yawˬ gʼaˬ na luꞈ-ahˇ, shaˬ zahˬ maˬ puˬ le-aˇ lehˇ aˬ yawꞈ maꞈ gʼaˬ baꞈ baꞈ-eu meh.”

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 27:10

Aˬ yawꞈ maꞈ naw maꞈ-ahˇ mehˇ shuiˇ shuiˇ-awˇ, naw maꞈ-euˬ miˇ kʼahˬ-ahˇ neh gaˇ mahˇ kaˬ gaˇ naw maꞈ-ahˇ bi nyehꞈ byoˆ gʼeh-eu lehˇ tsawˇ gahˇ gahˇ-eu meh. Ngaˇ naw maꞈ-ahˇ teh doˆ-awˇ, naw maꞈ ya luˬ ya seˇ-iˇ tehꞈ-a.

Yeˬlaˬmiˇ 27:14

Baˬbuˇloˬ sahˬ paˬ-euˬ laˬ oꞈ taˬ awꞈ lehˇ ehˇ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ taˬ naˇ haˬ. Aˬ yawꞈ maꞈ nawˬ-ahˇ mehˇ shuiˇ shuiˇ luꞈ-eu meh.

Yeˬlaˬmiˇ 27:9

Kʼoeˇ miˇ neh, Baˬbuˇloˬ sahˬ paˬ uˆ lahˇ-eu uˬ moˆ taˬ jawˇ lehˇ, naw maꞈ-ahˇ kʼaˇ ehˇ laˇ-eu, Miˬyehˇ gʼaˇ duˬ ngehˬ dah-eu deuˬ, nyiˇ paˬ shaˆ ma deuˬ, mah loˬ ja maw nya-eu deuˬ hawˇ-eu, yuꞈ maˆ maˆ mawˇ nya-eu deuˬ-euˬ dawˬ-ahˇ, naw maꞈ taˬ naˇ haˬ.

Yeˬlaˬmiˇ 28:15

Kʼoeˇ naˇ, Haˬnaˬniˇyaˆ-ahˇ ngaˇ heu loꞈ-ehˇ paˇ ehˇ nehˬ-euˬ ma. “Haˬnaˬniˇyaˆ-oˇ, naˇ haˬ sheˇ. Sahˬpaˬ Miˬyehˇ neh nawˬ-ahˇ kʼehˇ gʼeh leꞈ-euˬ maˬ ngeuˇ gaˇ, nawˬ neh jaˬ myawꞈ myawꞈ-euˬ dawˬ-ahˇ tsawˇ haˬ heu deuˬ jah laˇ ni nawˇ jahˇ luꞈ-eu meh.

Yeˬlaˬmiˇ 29:8

Naw maꞈ nehˬ-ehˇ jawˇ luꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, mehˬ hu paw pyeuꞈ laˇ-eu gaˇ kawˆ ehˇ duˬ nya ma lehˇ kʼaˇ ehˇ-eu tsawˇ haˬ deuˬ neh, naw maꞈ-ahˇ mehˇ shuiˇ maˬ ya bi shuiˇ tawˆ ni yahˇ-awˬ lehˇ, Iˇsaˬleˬlaˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ dawˬ biꞈ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja gaˇ, naw maꞈ tiˬ pawꞈ-iˬ taˬ naˇ haˬ.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 51:23

Yawˇ bo-eu deuˬ hawˇ-eu yawˇ maꞈ deuˬ-ahˇ maˬ ehˇ, deh yaˇ tsehˬ-eu tsawˇ haˬ hawˇ-eu mahˬ-ahˇ maˬ ehˇ, sahˬ paˬ sahˬ ma geuꞈ-eu deuˬ-ahˇ maˬ ehˇ, sehꞈ-eu gʼaˇ duˬ nawˬ-ahˇ ngaˇ zmˬ-euˬ ma.”

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 8:11

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ, aˬ gah heu-euˬ naˆ tehꞈ-ehˇ sawˇ-awˇ, maˬ taˬ leˇ-euˬ gaˇ taˬ leˇ gʼaˬ-euˬ meh lehˇ ehˇ-eu meh.

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.

Yeˬsaˬgeˬlaˇ 21:21

Baˬbuˇloˬ sahˬ paˬ-aˬ, gaˇ ma gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-euˬ mehˬ shi yawꞈ-awˇ, gaˇ ma aˬ geu kahˇ iˇ paˬ nga lehˇ, kaˆ myaˬ joˆ poˆ haw, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ naˇ haˬ haw, lawˇ-eu gʼaˇ duˬ sehꞈ-euˬ jeˬ zaˬ-euˬ shaˬ tsahˬ-ahˇ haw, lehˇ jahˇ luꞈ meh.

Yeˬsaˬgeˬlaˇ 21:29

Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh ngehˬ dah ehˇ dah taˬ-eu jeˬ jaˬ myawꞈ tehꞈ meh. Naw maꞈ-aˬ, maˬ muiˬ-eu haiˬ-eu tsawˇ haˬ pyeuꞈ-awˇ, naw maꞈ-ahˇ aˇ saˬ saˬ-eu poˆ kʼehˬ nehˬ-eu aˇ nah keuˆ le luꞈ meh. Naw maꞈ-euˬ kawˬ lahˇ-ahˇ mi cehˇ keuˆ le luꞈ meh.

Yeˬsaˬgeˬlaˇ 34:5

Yawˇ bo-eu yaw sahˇ maˬ jawˇ-eu miˇ neh, tiˬ paw tiˬ mawˇ iˇ byoˆ-awˇ, bawˇ tsahˬ jeˬ zaˬ neh bi kawꞈ sehꞈ dzaˬ-euˬ meh.

Yeˬsaˬgeˬlaˇ 34:8

Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-euˬ dawˬ-ahˇ naˇ haˬ-eu tsaˬ meh. Yawˇ bo-eu gʼaˬ maˬ jawˇ-eu miˇ neh, bawˇ tsahˬ jeˬ zaˬ deuˬ ngaˬ-euˬ yawˇ deuˬ-ahˇ kawꞈ luꞈ meh. Ngaˬ-euˬ yawˇ bo-eu deuˬ yawˇ maˬ poˆ kʼoꞈ-a. Aˬ yawꞈ maꞈ yawˬ ha gʼaˇ duˬ tehꞈ-ehˇ shaˇ noeˬ-awˇ, yawˇ deuˬ-ahˇ byehˇ dzeh taˬ-euˬ meh.

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Haˬbaˬkuˆ 2:18

Tsawˇ haˬ-euˬ aˬ laꞈ neh tehˆ-euˬ, tahˬ pahˬ aˬ ma aˬ jeˬ tsoeˬ ta. Jaˬ myawꞈ myawꞈ-eu mawˇ kawˇ kʼoeˇ deuˬ, gaˇ dahˇ tsoeˬ-eu aˬ gaˇ jaˆ ta. Yawˬ ha neh pyaꞈ doˆ tehˆ doˆ-euˬ, dawˬ maˬ ngehˬ nya-eu mawˇ kawˇ-ahˇ, yawˬ ha uˬ duˬ paˇ tahˬ-eu nga.

Zaˬkaˬliˇ 11:17

Yawˇ yawˇ maꞈ-ahˇ byehˇ dzeh taˬ-eu, doeˇ dui dui-eu yawˇ bo-eu gʼaˬ, shaˬ dui zahˬ dui ya dui tehꞈ-a. Myaˆ nuiˆ aˇ maˇ paw nuiˆ hawˇ-eu, aˬ laꞈ-ahˇ mi cehˇ deuˆ luꞈ-uˇ. Aˬ laꞈ kʼoeˇ koˆ-iˇ buꞈ-iˇ-awˇ, aˇ maˇ paw nuiˆ behꞈ tsehˆ luꞈ-uˇ.”

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 6:34

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Dawˬmehˬ 13:2

naw maꞈ tiˬ jawˇ-iˬ uˬ duˬ maˬ tahˬ haw-euˬ miˬ yehˇ deuˬ-euˬ zaˬ kʼaˆ geuꞈ-awˇ, kʼoeˇ deuˬ-ahˇ uˬ duˬ tahˬ-eu gʼaˇ duˬ naw maꞈ-ahˇ sheuˬ gʼeh ngeh, aˬ yawꞈ ehˇ-eu loꞈ-ehˇ kʼaˆ jeˬ-ehˇ gʼeh-eu jeˬ aˬ diˇ aˬ maˇ pyeuꞈ doˆ laˇ kʼawꞈ,

Yaˇ kʼaˬ daˇ 18:14

Kʼoeˇ naˇ, Laˬiˇshaˆ meuˬ jawˬ jawˬ-ehˇ pyehˆ tseˇ haw-iˇ-euˬ tsawˇ haˬ kʼoeˇ ngaˬ gʼaˬ aˬ yawꞈ maꞈ-euˬ cawˬ deuˬ-ahˇ ehˇ nehˬ-eu, “Heu gaˇ jaˆ-eu nymˇ heu deuˬ tiˬ nymˇ laꞈ kʼoeˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ tiˬ hmˬ jaˆ-eu naw maꞈ siˬ nya ma loˇ. Kʼoeˇ uˬ taꞈ, tahˬ pahˬ aˬ ma mawˇ kawˇ nui deuˬ hawˇ-eu piˇ ma dm-eu pehˇ kʼahˬ tiˬ kahˇ jaˆ-a siˬ. Aˬ dui maꞈ aˬ joˆ-ehˇ jahˇ nmˇ.”