Zaˬkaˬliˇ 10:11 - Akha

¹¹ Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Zaˬkaˬliˇ 10:11 ပူးပေါင်းရင်းမြစ်များ

Yeˬsaˬgeˬlaˇ 30:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Tahˬ pahˬ aˬ ma mawˇ kawˇ hawˇ-eu, Mehˇpiˇ meuˬ-ahˇ jaˆ-eu mawˇ kawˇ, ngaˇ laˆ cawˆ byoˆ jiˇ-eu lehˇ ma. Iˇjiˇtuˆ sahˬ paˬ maˬ baw-ehˇ, miˇ kʼahˬ zaˬ deuˬ bi guˆ sehꞈ ma.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.

Zeˬpaˬniˇ 2:13

Laꞈ taˆ paw aˬ laꞈ cawˬ ja-awˇ, Aˬsuˇliˆ meuˬ laˆ cawˆ tehꞈ-a. Niˇnaˬbeˬ meuˬ ciˬ cuˇ saˆ ni, kʼaˇ shuiꞈ deh ga pyeuꞈ-iˇ tehꞈ-a.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Jaceuq 114:5

Iˬ ma laˆ shaˆ-oˇ, aˬ jeˬ miˇ neh nawˬ ya cehˆ yawˬ ta. Yawˇdaˬ lawˇ baˬ-oˇ, aˬ jeˬ miˇ neh nawˇ tahˬ poˆ-ehˇ ya yoeˇ kʼoꞈ ta.

Jaceuq 114:3

Iˬ ma laˆ shaˆ yaw neˇ ciˬ pyawˇ-awˇ cehˆ-euˬ meh. Yawˇdaˬ lawˇ baˬ gawˆ mehˇ paw yoeˇ daˆ leꞈ-euˬ meh.

Eˇzaˬlaˬ 6:22

Shiꞈ nah keuˆ ni, laˬ kʼaˬ tiˬ cehˇ Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ aˬ yawꞈ maꞈ gʼeh-euˬ meh. Aˬshuˇliˆ sahˬ paˬ aˬ yawꞈ maꞈ-ahˇ nui ma taꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ Uˬ duˬ tahˬ nymˇ nymˇ ma tsoˆ gaˇ aˬ yawꞈ maꞈ-ahˇ caw ba nehˬ laꞈ ni Sahˬpaˬ Miˬyehˇ jahˇ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh.

2 Sahˬpaˬ 2:14

Eˇliˇyaˆ-euˬ pehˇ kʼahˬ pehˇ mahˇ kʼoeˇ neh iˇ cuꞈ-ahˇ aˬ yawꞈ sheu juiꞈ-awˇ, “Eˇliˇyaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ gaˇ jawˇ ta” lehˇ ehˇ-eu meh. Kʼoeˇ naˇ, iˇ cuꞈ-ahˇ aˬ yawꞈ tiˬ poˆ paˇ sheu juiꞈ ngeh, iˇ cuꞈ nyiˬ paˆ paˆ-iˇ-awˇ, lawˇ baˬ tsehˆ doˆ-euˬ meh.

2 Sahˬpaˬ 2:8

Eˇliˇyaˆ gʼaˬ aˬ yawꞈ-euˬ pehˇ kʼahˬ pehˇ mahˇ lehˆ-awˇ lehˬ yoˆ-awˇ, iˇ cuꞈ-ahˇ sheu juiꞈ-euˬ meh. Kʼoeˇ ngeh, iˇ cuꞈ nyiˬ paˆ paˆ-iˇ-awˇ, Eˇliˇshehˇ aˬ yawꞈ nyaꞈ gui coˇ ni gʼeh-eu miˇ tsaˬ-ahˇ nawˬ-awˇ, lawˇ baˬ tsehˆ doˆ-euˬ meh.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.