Zaˬkaˬliˇ 1:7 - Akha

⁷ Daˬliˇ sahˬ paˬ geuꞈ-euˬ nyiˬ kʼoꞈ tiˬ kʼoꞈ ba la tseˇ tiꞈ siˬ tiˬ siˬ pyeuꞈ-eu Sheˬbaˆ ba la nyiˬ tseˇ oeˬ nah-ahˇ, uˬ ciꞈ paw yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Zaˬkaˬliˇ 1:7 ပူးပေါင်းရင်းမြစ်များ

Zaˬkaˬliˇ 1:1

Paˇshaˇ miˇ kʼahˬ-ahˇ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la yehꞈ siˬ-ahˇ, Iˇdoˬ-euˬ oeˬ paˬ pyeuꞈ-eu Beˬleˬkiˇ-euˬ aˬ li Zaˬkaˬliˇ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Zaˬkaˬliˇ 1:8

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ mahˬ yaw neˇ dziˬ luꞈ gaˇ ngaˇ mawˇ-euˬ ma. Deh kʼawꞈ-ahˇ jaˆ-eu muˇtuˇlaˆ aˇ bawˇ bawˇ yaˇ-ahˇ aˬ yawꞈ naˬ le-awˇ, aˬ yawꞈ-euˬ mehˬ nah paw, mahˬ mahˬ neˇ, mahˬ mahˬ puiˇ hawˇ-eu, mahˬ mahˬ pyuˇ dziˬ luꞈ-eu deuˬ ahˇ-eu meh.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.