Zaˬkaˬliˇ 1:6 - Akha

⁶ Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Zaˬkaˬliˇ 1:6 ပူးပေါင်းရင်းမြစ်များ

2 Sahˬpaˬ 15:12

“Nawˬ-euˬ zaˬ nawˬ-euˬ uˆ deuˬ oeˬ ziˇ keuˆ ni sahˬ paˬ ya geuꞈ tehꞈ-a” lehˇ, sahˬ paˬ Yeˬhuˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ kʼoeˇ dawˬ, kʼoeˇ gaˇ byah laˇ-euˬ meh.

Yawˇbaˆ 6:29

Naw maꞈ maˬ tsaˬ maˬ dawˇ-eu jeˬ aˇ dzehˬ mˇ dzeuˇ gʼaˬ meh. Maˬ paˇ mˇ ni byehˇ dzeh-awˬ. Ngaˬ-ahˇ naw maꞈ taˬ ja doeˇ. Ngaˇ-aˬ, tsaˬ-eu dawˇ-eu ma.

Iˇsaˬyaˇ 21:17

Geˬdaˬ tsawˇ jeuˬ kaˆ baꞈ-eu yehˇ deuˬ-aˬ, nui ma kʼaˬ dui dui kʼawꞈ, gʼawˬ mya gʼaˬ maˬ dzeuˇ-iˇ-aˇ lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, ehˇ-eu ma.”

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬlaˬmiˇ 28:17

Kʼoeˇ ngeh kʼoꞈ ba la shiꞈ siˬ tiˬ siˬ-ahˇ, Haˬnaˬniˇyaˆ shiˇ-euˬ meh.

Yeˬlaˬmiˇ 32:24

“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Yeˬlaˬmiˇ 36:28

“Shaˬ kʼoˆ paˇ yoˆ yawˬ yoˆ yawˬ yuˇ-awˇ, yaw beh poˆ kʼaˇ boꞈ-euˬ yawˬ jeˬ na luꞈ boꞈ ahˇ jiˇ-awˬ.

Yeˬlaˬmiˇ 39:16

“ ‘Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh’ lehˇ, Suˬdaˬ tsawˇ haˬ Eˇbehˆmeˬlehˆ-ahˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. ‘Ngaˬ neh ehˇ taˬ-euˬ jaˆ-eu loꞈ-ehˇ, meuˬ heu meuˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu lehˇ gʼeh-eu ma. Baw le za le-eu jeˬ bi keuˆ le-eu lehˇ gʼeh-eu maˬ ngeuˇ. Kʼoeˇ loꞈ-ehˇ bi keuˆ le ngeh, nawˇ kʼoeˇ gaˇ jawˇ-awˇ ya mawˇ tehꞈ-a.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Yeˬlaˬmiˇ 44:29

Jawˇ duˬ heu tsahˇ-ahˇ naw maꞈ-ahˇ ngaˇ kʼehˬ nehˬ ma lehˇ ehˇ-euˬ dawˬ hawˇ-eu, naw maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˬ neh saˇ jaˇ dzaˬ taˬ-euˬ dawˬ deuˬ aˬ diˇ aˬ maˇ ngeuˇ-eu gaˇ kawˆ, naw maꞈ-ahˇ bi siˬ bi mawˇ duˬ ma.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬlaˬmiˇ 5:14

Kʼoeˇ miˇ neh Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ kʼoeˇ loꞈ-ehˇ ehˇ-eu baˬ da neh, nawˬ-euˬ kʼaˬ meh laꞈ kʼoeˇ ahˇ-eu ngaˬ-euˬ dawˬ deuˬ, miˬ dzaˬ doꞈ gaˇ bi duˇ leˇ ma. Tsawˇ haˬ kʼoeˇ deuˬ miˬ dzaˬ miˬ kawˬ loꞈ-ehˇ, miˬ dzaˬ neh bi puiˆ jiˇ tehꞈ-a.”

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Ngoeˇ dawˬ 3:42

“Nga maꞈ lehˬ-awˇ nawˬ-ahˇ puiˬ-euˬ, nawˇ iˬ baˇ maˬ pyehˬ nehˬ laꞈ-a.

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Daˬyeˬlaˇ 4:28

Kʼaˇ ehˇ taˬ-euˬ jeˬ dawˬ tawˆ luꞈ, sahˬ paˬ Neˬbuˬkaˬneˬzaˬ kʼoeˇ taˆ keuˆ le-euˬ meh.

Hawˇseˬ 5:9

Kʼehˬ-eu kʼaˆ-eu aˇ nah keuˆ ngeh, Iˇsaˬleˬlaˆ ya cawˆ-iˇ meh. Iˇsaˬleˬlaˆ tsawˇ haˬ deuˬ-oˇ, ya cawˆ-iˇ-eu yaw duˬ baw meh.

Hawˇseˬ 9:15

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ yaw haiˬ mˇ-eu jeˬ, Giˇlaˇgaˬlaˇ-ahˇ dahˬ beh-awˇ, aˬ yawꞈ maꞈ-ahˇ ngaˇ bye-eu jeˬ, Giˇlaˇgaˬlaˇ-ahˇ beh-euˬ ma. Aˬ yawꞈ maꞈ haiˬ-eu baˬ da neh, miˇ kʼahˬ laꞈ nyiˇ teh dzeh nehˬ-awˇ, aˬ yawꞈ maꞈ-ahˇ maˬ paˇ gaˬ ma. Aˬ yawꞈ maꞈ-euˬ sahˬ paˬ sahˬ ma, dawˬ tawˆ luꞈ ngaˬ-ahˇ puiˬ-euˬ meh.

Aˬmoˆ 9:10

‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”

Zaˬkaˬliˇ 1:7

Daˬliˇ sahˬ paˬ geuꞈ-euˬ nyiˬ kʼoꞈ tiˬ kʼoꞈ ba la tseˇ tiꞈ siˬ tiˬ siˬ pyeuꞈ-eu Sheˬbaˆ ba la nyiˬ tseˇ oeˬ nah-ahˇ, uˬ ciꞈ paw yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Bawˇtsahˬ 33:56

Aˬ yawꞈ maꞈ-ahˇ naw maꞈ maˬ teh doˆ naˇ, aˬ yawꞈ maꞈ-ahˇ laˆ luˬ laˆ seˇ nehˬ-eu gʼaˇ duˬ ngaˇ lehˬ hmˬ taˬ-euˬ loꞈ-ehˇ, naw maꞈ-ahˇ ngaˇ laˆ luˬ laꞈ seˇ ma lehˇ ehˇ nehˬ-awˬ.”

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Dawˬmehˬ 28:15

“Ehˇ kʼawꞈ, iˬ nah ngaˇ nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu aˬ yawꞈ neh biꞈ-euˬ dawˬ deuˬ -ahˇ nawˇ saˇ jaˇ ziꞈ-eu laꞈ kʼoeˇ maˬ caw teh naˇ, maˬ muiˬ maˬ jaˬ-eu heu deuˬ dawˬ tawˆ luꞈ nawˬ-euˬ kʼoeˇ taˆ keuˆ le tehꞈ-a.

Dawˬmehˬ 28:2

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ naˇ haˬ geuꞈ naˇ, guiˬ lahˬ heu deuˬ dawˬ tawˆ luꞈ nawˇ za tehꞈ-a.

Dawˬmehˬ 28:20

“Nawˇ maˬ muiˬ maˬ jaˬ-eu jeˬ mˇ-eu laꞈ kʼoeˇ, Sahˬpaˬ Miˬyehˇ-ahˇ byehˇ dzeh naˇ, tiˬ kʼehˇ laˇ kʼehˬ laꞈ kʼoeˇ geuꞈ-eu jeˬ maˬ ahˇ gaˇ keuˆ ni nawˇ ya luˬ ya seˇ-iˇ ni, nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, shaˬ zahˬ naˇ gawˇ maˬ ehˇ, nui noeˬ shaˬ-eu jeˬ maˬ ehˇ, noeˬ shaˬ noeˬ zahˬ-eu jeˬ maˬ ehˇ, nawˬ-euˬ kʼoeˇ taˆ aˬ yawꞈ bi keuˆ le tehꞈ-a.

Dawˬmehˬ 28:45

“Nawˇ luˬ-iˇ seˇ-iˇ ngeh keuˆ ni, shaˬ zahˬ maˬ tsehˆ leˇ ni keuˆ le tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ nawˇ maˬ naˇ haˬ-ehˇ, aˬ yawꞈ neh biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ maˬ caw teh-a.

1 Teˇsaˬloˇni 5:4

Ehˇ kʼawꞈ aˬ yuiꞈ aˬ nyiˇ deuˬ-oˇ, naw maꞈ-aˬ, yaw zahˇ laꞈ kʼoeˇ jawˇ luꞈ-eu maˬ ngeuˇ-eu miˇ neh, Aˇ nah kʼoeˇ nah naw maꞈ kʼoeˇ taˆ smˇ kʼoeˬ tahˇ joe oe-eu loꞈ-ehˇ ja pyuˬ ni maˬ ga keuˆ le-aˇ.