Zaˬkaˬliˇ 1:1 - Akha

¹ Paˇshaˇ miˇ kʼahˬ-ahˇ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la yehꞈ siˬ-ahˇ, Iˇdoˬ-euˬ oeˬ paˬ pyeuꞈ-eu Beˬleˬkiˇ-euˬ aˬ li Zaˬkaˬliˇ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh.

Zaˬkaˬliˇ 1:1 ပူးပေါင်းရင်းမြစ်များ

Eˇzaˬlaˬ 4:24

Kʼoeˇ miˇ neh, Paˇshaˇ sahˬ paˬ Daˬliˇ uˆ lahˇ-eu nyiˬ kʼoꞈ tiˬ kʼoꞈ-ahˇ keuˆ ni, Uˬ duˬ tahˬ nymˇ nymˇ ma tsoˆ muiˬ-eu gaˇ kʼawˆ maˬ mˇ nya ni byehˇ taˬ-euˬ meh.

Eˇzaˬlaˬ 5:1

Aˇ yamˬ kʼoeˇ yamˬ laꞈ kʼoeˇ, Haˬgaiˇ hawˇ-eu Iˇdoˬ-euˬ aˬ li Zaˬkaˬliˇ lehˇ myahˇ-euˬ Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ-ahˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ tsawˇ myahˇ uˬ moˆ dawˬ ngehˬ cawˬ le-euˬ meh.

Neˬhaˬmiˇ 12:16

Iˇdoˬ aˇ jeuˬ-euˬ aˬ yuiꞈ-aˬ Zaˬkaˬliˇ meh. Giˇneˬdoˬ aˇ jeuˬ-euˬ aˬ yuiꞈ-aˬ Meˬshuˇlamˬ meh.

Neˬhaˬmiˇ 12:4

Iˇdoˬ, Giˇneˬdoi, Aˬbiˇyaˬ,

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Haˬgaiˇ 1:15

Daˬliˇ sahˬ paˬ geuꞈ-euˬ nyiꞈ kʼoꞈ tiˬ kʼoꞈ ba la koꞈ siˬ tiˬ siˬ nyiˬ tseˇ oeˬ nah-ahˇ, aˬ yawꞈ maꞈ kʼoeˇ loꞈ-ehˇ mˇ-euˬ meh.

Haˬgaiˇ 1:3

Kʼoeˇ naˇ, Miˬyehˇ gʼaˇ duˬ ngehˬ dah-eu Haˬgaiˇ-ahˇ gʼoe-awˇ, dawˬ heu deuˬ Sahˬpaˬ Miˬyehˇ biꞈ leꞈ-euˬ meh.

Haˬgaiˇ 2:10

Sahˬ paˬ Daˬliˇ uˆ lahˇ-eu nyiˬ kʼoꞈ tiˬ kʼoꞈ ba la gʼoeˬ siˬ tiˬ siˬ nyiˬ tseˇ oeˬ nah-ahˇ, Baoˬ huiˬ-eu Sahˬpaˬ Miˬyehˇ-euˬ dawˬ Haˬgaiˇ jawˇ gaˇ tiˬ poˆ oe keuˆ-euˬ meh.

Haˬgaiˇ 2:20

Ba la kʼoeˇ siˬ nyiˬ tseˇ oeˬ nah aˬ yawꞈ nah-ahˇ, Sahˬpaˬ Miˬyehˇ-euˬ dawˬ, Haˬgaiˇ jawˇ gaˇ paˇ keuˆ le-euˬ meh.

Zaˬkaˬliˇ 1:7

Daˬliˇ sahˬ paˬ geuꞈ-euˬ nyiˬ kʼoꞈ tiˬ kʼoꞈ ba la tseˇ tiꞈ siˬ tiˬ siˬ pyeuꞈ-eu Sheˬbaˆ ba la nyiˬ tseˇ oeˬ nah-ahˇ, uˬ ciꞈ paw yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Zaˬkaˬliˇ 6:9

Sahˬpaˬ Miˬyehˇ-euˬ dawˬ ngaˇ jawˇ gaˇ heu loꞈ-ehˇ keuˆ le-euˬ meh.

Zaˬkaˬliˇ 7:1

Sahˬ paˬ Daˬliˇ uˆ lahˇ-eu oeˬ kʼoꞈ tiˬ kʼoꞈ ba la gʼoeˬ siˬ tiˬ siˬ pyeuꞈ-eu Kiˇsaˬlehˆ ba la oeˬ nah-ahˇ Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Luˇkaꞈ 11:51

Muiˬ-eu shawˇ-eu Jawˇ duˬ hawˇ-eu lawˇ duˬ-euˬ yaw kaˬ-ahˇ Zaˬkaˬliˇ bi sehꞈ-euˬ gaˇ kawˆ-ahˇ keuˆ ni, aˬ yawꞈ maꞈ-ahˇ ciˬ pi nehˬ tehꞈ-a. Kʼoeˇ deuˬ dawˬ tawˆ luꞈ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a lehˇ, naw maꞈ-ahˇ ngaˇ ehˇ-eu ma.