Yoˇhaˬ 9:35 - Akha

³⁵ Tsawˇ haˬ kʼoeˇ gʼaˬ-ahˇ teh dzeh nehˬ-euˬ gaˇ kawˆ Yeˬsuˇ ya gaˬ ngeh, aˬ yawꞈ-ahˇ poˆ mawˇ-awˇ, “Tsawˇ haˬ-euˬ Zaˬmaˇ-ahˇ nawˇ jah ma loˇ” lehˇ naˇ haˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aqyawfmaf khoerghaq-anr taedov-euq garkawv Yeqsur yagaq-euq mae. Arnan, aqyawf-anr povmawr-awr, Yeqsur, aqyawf-anr narhaq-eu, “Nawr, Miqyaer-euq Zaqyo-anr jan ma lor?”

Yoˇhaˬ 9:35 ပူးပေါင်းရင်းမြစ်များ

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Jaceuq 27:10

Ngaˬda ngaˬma ngaˬ-ahˇbyehˇkʼawꞈ, SahˬpaˬMiˬyehˇngehˬgʼeh laꞈ meh.

Maꞈtehˬ 14:33

Kʼoeˇ naˇ, lawˬ laꞈ kʼoeˇ uˇ luꞈ-eu zaˬ lahˇ deuˬ Yeˬsuˇ-ahˇ uˬ duˬ tahˬ-euˬ meh. Aˬ yawꞈ maꞈ ehˇ-eu, “Nawˇ-aˬ, maˇ maˇ ni Miˬyehˇ-euˬ Zaˬmaˇ ngaˇ.”

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maˬkuˆ 1:1

Heu-aˬ, Miˬyehˇ-euˬ Zaˬmaˇ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ meh.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 1:34

Kʼoeˇ loꞈ-ehˇ pyeuꞈ laˇ-euˬ gaˇ ngaˇ ya mawˇ gʼaˬ-euˬ miˇ neh, aˬ yawꞈ Miˬyehˇ-euˬ Zaˬmaˇ meh lehˇ saˇ kiˇ kamˬ-eu ma.”

Yoˇhaˬ 10:36

Ngaˬ-ahˇ maˇ diˇ-aˬ, Aˬda neh tseˇ doˆ-awˇ miˇ tsaˬ kʼoeˇ taˆ kʼehˇ gʼeh leꞈ-euˬ meh. Toˆ-ehˇ ngeuˇ naˇ, ngaˇ-aˬ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ gaˇ, ngaˇ Miˬyehˇ-ahˇ yehˬ bawˬ sehˇ lu-ehˇ ehˇ-eu nga lehˇ naw maꞈ aˬ joˆ-ehˇ ehˇ nya te.

Yoˇhaˬ 11:27

Maˬta ehˇ-eu, “Sahˬpaˬ-oˇ, ngaˇ jah ma. Nawˇ-aˬ, miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ-euˬ Zaˬmaˇ Meˬsiˇya meh lehˇ ngaˇ jah ma.”

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yoˇhaˬ 6:69

Nawˇ-aˬ, Miˬyehˇ jawˇ gaˇ neh oe-euˬ Muiˬ-eu Shawˇ-eu Gʼaˬ meh lehˇ nga maꞈ siˬ duˬ jah duˬ gʼaˬ-euˬ ma.”

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Yoˇhaˬ 9:34

Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Gʼaˬkʼehˇ 8:37

Piˇliˇpuˆ ehˇ-eu, “Nawˬ-euˬ nui ma laꞈ kʼoeˇ keuˆ ni jah naˇ, iˇ cuꞈ shawˇ nya tehꞈ-a.” Aˬ yawꞈ ehˇ-eu, “Ngaˇ jah ma. Yeˬsuˇ Ka li-aˬ, Miˬyehˇ-euˬ Zaˬmaˇ meh lehˇ ngaˇ jah ma.”*

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

1 Yoˇhaˬ 4:15

Yeˬsuˇ-aˬ, Miˬyehˇ-euˬ Zaˬmaˇ meh lehˇ kʼaˇ ehˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˬ jawˇ-eu meh.

1 Yoˇhaˬ 5:10

Miˬyehˇ-euˬ Zaˬmaˇ-ahˇ kʼaˇ jah-eu tsawˇ haˬ-euˬ nui ma laꞈ kʼoeˇ, Miˬyehˇ neh saˇ kiˇ kamˬ taˬ-euˬ jeˬ ahˇ-eu meh. Ehˇ kʼawꞈ, Miˬyehˇ-ahˇ maˬ jah-eu tsawˇ haˬ-aˬ, Miˬyehˇ jaˬ myawꞈ myawꞈ-euˬ meh lehˇ bi doˆ laˇ ni jahˇ gaˇ duˇ-eu meh. Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ gaˇ kawˆ ehˇ taˬ-euˬ dawˬ-ahˇ aˬ yawꞈ maˬ jah-a.

1 Yoˇhaˬ 5:13

Miˬyehˇ-euˬ Zaˬmaˇ-ahˇ jah-eu tsawˇ haˬ deuˬ pyeuꞈ-eu naw maꞈ, yawˬ ha mˬ maˬ maˬ byaˆ zaˇ ziˇ dehꞈ-eu jeˬ za-euˬ gaˇ kawˆ siˬ nya ni, ngaˇ naw maꞈ-ahˇ sahˬ boꞈ boꞈ ahˇ laꞈ-euˬ jeˬ pyeuꞈ-eu ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

1 Yoˇhaˬ 5:5

Miˇ tsaˬ heu-ahˇ gʼaˬ leˇ-eu aˬ suˇ gʼaˬ jawˇ ta. Yeˬsuˇ-ahˇ Miˬyehˇ-euˬ Zaˬmaˇ meh lehˇ jah-eu tsawˇ haˬ tehꞈ-ehˇ miˇ tsaˬ-ahˇ gʼaˬ leˇ-eu meh.

3 Yoˇhaˬ 1:10

Teu miˇ neh ngaˇ laˇ naˇ, aˬ yawꞈ neh kʼaˇ mˇ kʼaˇ shaˇ-euˬ jeˬ-ahˇ ehˇ ma. Nga maꞈ-euˬ gaˇ kawˆ ja bu ja doeˇ-euˬ jeˬ hawˇ-eu aˬ yawꞈ neh jaˬ myawꞈ kʼaˇ myawꞈ-euˬ jeˬ dawˬ tawˆ luꞈ ehˇ ma. Kʼoeˇ naˆ tehꞈ maˬ ngeuˇ-a siˬ. Aˬ yuiꞈ a nyiˇ Ka li zaˬ deuˬ laˇ ngeh aˬ yawꞈ maˬ ha geuꞈ-euˬ uˬ taꞈ, kʼaˇ ha geuꞈ mawꞈ-eu tsawˇ haˬ deuˬ-ahˇ kʼawꞈ laˆ tsoeˬ-awˇ, Ka li zaˬ aˇ muˇ laꞈ kʼoeˇ neh teh doˆ-eu lehˇ leh jeh-eu meh.