Yoˇhaˬ 8:28 - Akha

²⁸ Kʼoeˇ miˇ neh, aˬ yawꞈ maꞈahˇ aˬ yawꞈ ehˇ nehˬ-eu, “Tsawˇ haˬ-euˬ Zaˬmaˇ-ahˇ laꞈ yaꞈ kʼoeˇ taˆ taꞈ tehꞈ-awˇ ka tuˇ ngeh nah, “Ngaˇ ehˇ luꞈ-eu kʼoeˇ gʼaˬ ngaˇ law hawˇ ngaˇ leh naw maꞈ siˬ nya laˇ tehꞈ-a. Kʼoeˇ ngeh jawˇ, ngaˇ ngaˬ-euˬ nui noeˬ tiˬ jeˬ-iˬ maˬ mˇ ni, Aˬda neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ ngaˇ ngehˬ-eu tmˇ-eu ngaˇ lehˇ, naw maꞈ ya siˬ duˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

Yoˇhaˬ 8:28 ပူးပေါင်းရင်းမြစ်များ

Doˆ-iˇ 3:14

Miˬyehˇ ehˇ-eu, “Ngaˇ-aˬ, ngaˇ pyeuꞈ-eu ma. NGAˇPYEUꞈ-EU MA lehˇ myahˇ-euˬ kʼoeˇ gʼaˬ, ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ meh lehˇ, aˬ yawꞈ maꞈ-ahˇ ehˇ nehˬ-awˬ.

Maꞈtehˬ 24:5

Ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya ni doˆ le-awˇ, ‘Ngaˇ Ka li ma’ lehˇ yawˬ haˇ yawˬ ha ehˇ-eu laꞈ kʼoeˇ, tsawˇ haˬ gʼawˬ mya ni-ahˇ gaˇ ma sheu bahˬ gʼeh tehꞈ-a.

Maˬkuˆ 13:6

Ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ a yawꞈ ma’ lehˇ ehˇ-eu laꞈ kʼoeˇ, tsawˇ haˬ gʼawˬ mya ni-ahˇ gaˇ ma sheuˬ bahˬ tehꞈ-a.

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Yoˇhaˬ 11:42

Nawˇ ngaˬ-euˬ shaˇ dawˬ-ahˇ aˬ myah luꞈ naˇ haˬ nehˬ laꞈ meh lehˇ ngaˇ siˬ nya ma. Ehˇ kʼawꞈ, ngaˇ shaˇ-eu heu-aˬ, heu gaˇ jawˇ-eu tsawˇ haˬ deuˬ gʼaˇ duˬ ma. Ngaˬ-ahˇ nawˬ neh kʼehˇ gʼeh leꞈ-euˬ meh lehˇ aˬ yawꞈ maꞈ jah laˇ ni shaˇ-eu ma.”

Yoˇhaˬ 13:19

Aˬ diˇ aˬ maˇ pyeuꞈ laˇ ngeh jawˇ, ngaˬ neh ehˇ-euˬ loꞈ-ehˇ ngaˇ-aˬ ngaˇ law hawˇ nga lehˇ naw maꞈ siˬ nya ni, maˬ pyeuꞈ laˇ mi naˆ-ehˇ naw maꞈ-ahˇ ehˇ kʼmˬ taˬ-eu ma.”

Yoˇhaˬ 16:10

Yaw tsaˬ yaw dawˇ jeˬ gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, ngaˇ Aˬda jawˇ gaˇ gʼoꞈ leˇ-awˇ naw maꞈ ngaˬ-ahˇ tiˬ jawˇ-iˬ maˬ paˇ ya mawˇ meh.

Yoˇhaˬ 18:32

Yeˬsuˇ aˬ yawꞈ aˬ joˆ-ehˇ ya shiˇ-eu gaˇ kawˆ aˬ yawˇ yawꞈ ehˇ taˬ-euˬ jeˬ byah laˇ nya ni, aˬ yawꞈ maꞈ dawˬ kʼoeˇ jeˬ-ehˇ ngehˬ-eu jeˬ pyeuꞈ-eu meh.

Yoˇhaˬ 19:18

Kʼoeˇ gaˇ, aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-euˬ meh. Tsawˇ haˬ nyiˬ gʼaˬ-ahˇ kʼawꞈ, aˬ yawꞈ-euˬ gaˇ dzeˇ tiˬ paw tiˬ gʼaˬ-ehˇ taꞈ tehˬ taˬ-awˇ, aˬ yawꞈ-ahˇ gʼahˇ ceh taꞈ tehˬ taˬ-euˬ meh.

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 3:14

Moˇseˬ neh bawˇ tsahˬ-ahˇ guiˬ shuiˇ aˇ lawˇ mawˇ kawˇ kʼoeˇ kawˇ ka tuˇ-euˬ loꞈ-ehˇ, Tsawˇ haˬ-euˬ Zaˬmaˇ-ahˇ aˬ cawˬ kʼoeˇ loꞈ-ehˇ ka tuˇ tehꞈ-a.

Yoˇhaˬ 4:26

Yeˬsuˇ ehˇ-eu, “Nymˬ-mˇ nawˬ-ahˇ dawˬ ngehˬ cawˬ luꞈ-eu ngaˇ-aˬ, aˬ yawꞈ ma.”

Yoˇhaˬ 5:19

Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Yoˇhaˬ 5:30

“Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Yoˇhaˬ 8:24

Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

Yoˇhaˬ 8:27

Yeˬsuˇ aˬ yawꞈ maꞈ-ahˇ Aˬda gaˇ kawˆ ja mehˬ luꞈ-eu meh lehˇ aˬ yawꞈ maꞈ maˬ gʼoˆ siˬ nya-a.

Yoˇhaˬ 8:58

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Aˬbyaˬhaˬ maˬ dehꞈ le mi naˆ-ehˇ ngaˇ jawˇ-euˬ ma.”

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 4:4

Ehˇ kʼawꞈ, dawˬ mehˬ mehˬ gaˇ ya gaˬ-euˬ tsawˇ haˬ gʼawˬ mya ni jah laˇ-awˇ, jah-eu tsawˇ haˬ ngaˬ heˇ gʼaˬ byah laˇ-euˬ meh.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.