Yoˇhaˬ 7:36 - Akha

³⁶ Aˬ dui maꞈ aˬ yawꞈ-ahˇ poˆ kʼawꞈ maˬ poˆ mawˇ nya-ehˇ, aˬ yawꞈ jawˇ gaˇ aˬ dui maꞈ maˬ le keuˆ nya-aˇ lehˇ aˬ yawꞈ ehˇ-eu kʼoeˇ aˬ jeˬ ehˇ mawˬ-eu nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ ‘Nawmaf, ngaq-anr pov taef-a. Aerkhawf, maq povmawr nya-ar. Ngar jawr-eu gar nawmaf maq larnya-a’ laer aqyawf aer-eu khoer aqjeq-anr aermawf-eu nga?”

Yoˇhaˬ 7:36 ပူးပေါင်းရင်းမြစ်များ

Yoˇhaˬ 12:34

Tsawˇ haˬ aˇ maꞈ ehˇ-eu, “Nga maꞈ-euˬ Zahˇ dawˬ kʼoꞈ dawˬ laꞈ kʼoeˇ, Meˬsiˇya mˬ maˬ maˬ byaˆ zaˇ ziˇ dehꞈ meh lehˇ ehˇ taˬ-euˬ meh. Tsawˇ haˬ-euˬ Zaˬmaˇ-ahˇ bi kʼahˬ tuˇ tehꞈ-a lehˇ nawˇ aˬ joˆ-ehˇ ehˇ nya te. Tsawˇ haˬ-euˬ Zaˬmaˇ kʼoeˇ aˬ suˇ gʼaˬ-a.”

Yoˇhaˬ 13:33

Ngaˇ gaˬ-eu ngaˬ-euˬ zaˬ deuˬ-oˇ, ngaˇ naw maꞈ nehˬ-ehˇ gʼawˬ myahˇ ni maˬ paˇ ya jawˇ meh. Naw maꞈ ngaˬ-ahˇ poˆ tehꞈ-a. Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˬ neh ehˇ nehˬ-euˬ dawˬ ngaˇ naw maꞈ-ahˇ paˇ ehˇ nehˬ nyaˇ. ‘Ngaˇ le-eu lehˇ gʼeh-eu jawˇ duˬ-ahˇ naw maꞈ maˬ le nya-a.’

Yoˇhaˬ 3:4

Niˇgawˇdeˬ ehˇ-eu, “Tsawˇ kʼaˆ aˬ da tiˬ gʼaˬ nyiˬ poˆ tiˬ poˆ aˬ joˆ-ehˇ paˇ dehꞈ paˇ nya nmˇ. Yawˬ ha aˬ ma-euˬ uˬ maˆ laꞈ kʼoeˇ paˇ uˇ poˆ leˇ-awˇ, nyiˬ poˆ tiˬ poˆ paˇ dehꞈ doˆ le nya tehꞈ-a loˇ.”

Yoˇhaˬ 3:9

Niˇgawˇdeˬ ehˇ-eu, “Teu loꞈ-ehˇ aˬ joˆ-ehˇ pyeuꞈ nya ta.”

Yoˇhaˬ 6:41

“Ngaˇ-aˬ, mˬ kʼoeˇ taˆ neh oe-euˬ kaˬ muˇ ma” lehˇ aˬ yawꞈ ehˇ-eu miˇ neh, tsawˇ haˬ kʼoeˇ deuˬ aˬ yawꞈ-ahˇ toˇ-eu meh.

Yoˇhaˬ 6:52

Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ nui ma pehˇ laˇ-awˇ, aˬ yawꞈ maꞈ yaw kaˬ ja dui dui-awˇ ehˇ-eu, “Tsawˇ haˬ teu gʼaˬ aˬ yawꞈ-euˬ gʼawˇ mawˇ aˬ dui-ahˇ biꞈ-awˇ aˬ joˆ-ehˇ bi dzaˬ nya-eu lehˇ ehˇ ta.”

Yoˇhaˬ 6:60

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ-euˬ zaˬ lahˇ gʼawˬ mya gʼaˬ ehˇ-eu, “Aˬ yawꞈ mehˬ-euˬ gaˇ kawˆ teu hmˬ teu naˆ naˆ-ehˇ kʼaˆ-eu beu tawˇ. Aˬ suˇ gʼaˬ ha geuꞈ coeˇ paˬ nga.”

Yoˇhaˬ 7:34

Naw maꞈ ngaˬ-ahˇ poˆ tehꞈ-a. Ehˇ kʼawꞈ, maˬ poˆ mawˇ nya-aˇ. Aˬ jeˬ miˇ neh ehˇ naˇ, ngaˇ jawˇ gaˇ naw maꞈ maˬ laˇ keuˆ nya-a.”

Yoˇhaˬ 8:21

Yeˬsuˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ le ma. Naw maꞈ ngaˬ-ahˇ poˆ tehꞈ-a. Ehˇ kʼawꞈ, naw maꞈ-euˬ iˬ baˇ laꞈ kʼoeˇ naw maꞈ ya shiˇ tehꞈ-a. ngaˇ le-eu jawˇ duˬ-ahˇ naw maꞈ maˬ le nya-a.”

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.