Yoˇhaˬ 7:30 - Akha

³⁰ Kʼoeˇ ngeh, aˬ yawꞈ maꞈ aˬ yawꞈ-ahˇ nyehꞈ-eu lehˇ gʼeh-eu meh. Ehˇ kʼawꞈ, aˬ yawꞈ-euˬ aˇ yamˬ maˬ keuˆ le dah-euˬ miˇ neh aˬ yawꞈ-ahˇ tiˬ gʼaˬ-iˬ maˬ nyehꞈ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoer-euq baqda’nae, aqyawfmaf, aqyawf-anr nyaef-eu laer jawq-eu mae. Aerkhawf, aqyawf-euq aryamq maq tsaqlar-euq mirnae, aqyawf-anr tiqghaq-iq maqnyaef-a.

Yoˇhaˬ 7:30 ပူးပေါင်းရင်းမြစ်များ

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Maꞈtehˬ 21:46

Kʼoeˇ miˇ neh, aˬ yawꞈ maꞈ aˬ yawꞈ-ahˇ nyehꞈ-eu lehˇ leh jeh-euˬ meh. Ehˇ kʼawꞈ, Yeˬsuˇ-ahˇ Miˬyehˇ gʼaˇ duˬ ngehˬ dah-eu tsawˇ haˬ meh lehˇ jah luꞈ-eu tsawˇ haˬ aˇ maꞈ kʼoeˇ deuˬ-ahˇ aˬ yawꞈ maꞈ guˆ-eu meh.

Maˬkuˆ 11:18

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ dawˬ kʼoeˇ dawˬ ya gaˬ ngeh, aˬ yawꞈ-ahˇ sehꞈ-eu gaˇ ma poˆ-euˬ meh. Aˬ jeˬ miˇ neh ehˇ naˇ, tsawˇ haˬ aˇ maꞈ dawˬ tawˆ luꞈ, aˬ yawꞈ neh mehˬ nehˬ tsoˆ nehˬ-euˬ gaˇ zahˬ dui dui leˇ-euˬ meh.

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Luˇkaꞈ 22:53

Naw maꞈ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ yawˬ nah na luꞈ ngaˇ jawˇ luꞈ ngeh, naw maꞈ ngaˬ-ahˇ maˬ nyehꞈ-a. Ehˇ kawꞈ, yaw zahˇ-euˬ baoˬ uˆ lahˇ-eu aˇ yamˬ heu yamˬ, naw maꞈ heu loꞈ-ehˇ mˇ-eu gʼaˇ duˬ tsaˬ dui dui-eu aˇ yamˬ meh.”

Yoˇhaˬ 10:31

Kʼoeˇ ngeh, tsawˇ haˬ kʼoeˇ deuˬ kʼaˬ lo gʼoˆ-awˇ aˬ yawꞈ-ahˇ biˬ-eu lehˇ gʼeh-eu meh.

Yoˇhaˬ 10:39

Kʼoeˇ ngeh, aˬ yawꞈ maꞈ Yeˬsuˇ-ahˇ nyehꞈ-eu lehˇ paˇ leh jeh-eu meh. Ehˇ kʼawꞈ, aˬ yawꞈ maꞈ neh maˬ bi nyehꞈ mi ni law-iˇ-euˬ meh.

Yoˇhaˬ 11:57

Yeˬsuˇ jawˇ-eu kʼaˇ mawˇ-euˬ tsawˇ haˬ ya tsaꞈ gaˬ laˇ meh lehˇ, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh dawˬ biꞈ taˬ-euˬ meh. Aˬ yawꞈ maꞈ Yeˬsuˇ-ahˇ nyehꞈ mi nya ni kʼoeˇ loꞈ-ehˇ dawˬ biꞈ-euˬ jeˬ pyeuꞈ-eu meh.

Yoˇhaˬ 7:19

Moˇseˬ neh naw maꞈ-ahˇ Zahˇ dawˬ kʼoꞈ dawˬ biꞈ yaꞈ-euˬ maˬ ngeuˇ-a loˇ. Ehˇ kʼawꞈ, naw maꞈ tiˬ gʼaˬ-iˬ Zahˇ dawˬ kʼoꞈ dawˬ-ahˇ maˬ caw teh-a. Aˬ jeˬ miˇ neh naw maꞈ ngaˬ-ahˇ sehꞈ-eu lehˇ leh jeh te.”

Yoˇhaˬ 7:32

Tsawˇ haˬ aˇ maꞈ kʼoeˇ loꞈ-ehˇ ja kʼoeˬ luꞈ gaˇ Paˬliˬsehˇ deuˬ ya gaˬ-euˬ meh. Kʼoeˇ miˇ neh, piˇ ma aˬ yuiꞈ deuˬ hawˇ-eu Paˬliˬsehˇ deuˬ bawˬ dzaˬ-awˇ, Yeˬsuˇ-ahˇ bi nyehꞈ-eu gʼaˇ duˬ kʼehˇ gʼeh-euˬ meh.

Yoˇhaˬ 7:6

Yeˬsuˇ aˬ yawꞈ-euˬ mehˇ nmˇ deuˬ-ahˇ ehˇ nehˬ-eu, “Ngaˬ-euˬ gʼaˇ duˬ aˇ yamˬ maˬ tsaˬ laˇ-aˬ siˬ. Nawˬ ha mehˇ nmˇ-euˬ gʼaˇ duˬ law nmˇ-aˬ, aˇ yamˬ maˬ tsaˬ laˇ-euˬ maˬ baw-a.

Yoˇhaˬ 7:8

Bawˬ-iˬ gʼeh gaˇ nawˬ ha mehˇ nmˇ iˇ-awˬ. Ngaˇ maˬ iˇ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ aˇ yamˬ maˬ tsaˬ laˇ-aˬ siˬ.”

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.

Yoˇhaˬ 8:37

Naw maꞈ-aˬ, Aˬbyaˬhaˬ-euˬ zaˬ deuˬ uˆ deuˬ meh lehˇ ngaˇ siˬ nya ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ ha geuꞈ-a.

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.