Yoˇhaˬ 7:29 - Akha

²⁹ Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ jeˬ miˇ neh ehˇ naˇ, ngaˇ aˬ yawꞈ jawˇ gaˇ neh oe-awˇ, aˬ yawꞈ neh ngaˬ-ahˇ kʼehˇ gʼeh leꞈ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Yoˇhaˬ 7:29 ပူးပေါင်းရင်းမြစ်များ

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 13:3

Aˬda neh Yeˬsuˇ-ahˇ baoˬ tiˬ byah ni biꞈ taˬ-euˬ gaˇ kawˆ Yeˬsuˇ siˬ nya-eu meh. Aˬ yawꞈ Aˬda jawˇ gaˇ neh oe-awˇ, Aˬda jawˇ gaˇ ya gʼoꞈ leˇ-eu gaˇ kawˆ kʼawꞈ, siˬ nya-eu meh.

Yoˇhaˬ 17:18

Nawˬ neh ngaˬ-ahˇ miˇ tsaˬ kʼoeˇ taˆ kʼehˇ gʼeh leꞈ-euˬ loꞈ-ehˇ, ngaˇ aˬ yawꞈ maꞈ-ahˇ miˇ tsaˬ heu kʼoeˇ taˆ kʼehˇ gʼeh-eu ma.

Yoˇhaˬ 6:46

Heu loꞈ-ehˇ ehˇ-eu-aˬ, tsawˇ haˬ tiˬ gʼaˬ na Aˬda-ahˇ mawˇ haw-euˬ meh lehˇ ehˇ mawꞈ-eu maˬ ngeuˇ. Miˬyehˇ jawˇ gaˇ neh oe-euˬ gʼaˬ tehꞈ-ehˇ Aˬda-ahˇ mawˇ haw-euˬ meh.

Yoˇhaˬ 8:55

Naw maꞈ aˬ yawꞈ-ahˇ maˬ siˬ nya-a. Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ yawꞈ-ahˇ maˬ siˬ nya nya lehˇ ngaˇ ehˇ naˇ, ngaˇ kʼawꞈ naw maꞈ loꞈ-ehˇ jaˬ myawꞈ myawꞈ-eu tsawˇ haˬ-ahˇ duˇ tehꞈ-a. Ngaˇ aˬ yawꞈ-ahˇ a diˇ siˬ nya-awˇ, aˬ yawꞈ-euˬ dawˬ-ahˇ naˇ haˬ geuꞈ luꞈ-eu ma.

1 Yoˇhaˬ 1:2

Saˬ laˇ dehꞈ-eu jeˬ kʼoeˇ-ahˇ mawˇ nya ni pah mehˬ nehˬ laꞈ ngeh, nga maꞈ ya mawˇ duˬ-euˬ ma. Kʼoeˇ miˇ neh, gaˇ kawˆ kʼoeˇ nga maꞈ ja-awˇ, yaw beh Aˬda Miˬyehˇ nehˬ-ehˇ jawˇ-euˬ mˬ maˬ maˬ byaˆ zaˇ ziˇ dehꞈ-eu saꞈ laˇ kʼoeˇ nymˬ-mˇ aˬ dui-ahˇ bi siˬ bi mawˇ le-euˬ gaˇ kawˆ naw maꞈ-ahˇ ja mehˬ-eu ma.

1 Yoˇhaˬ 4:14

Miˬyehˇ neh aˬ yawꞈ-euˬ Zaˬmaˇ-ahˇ miˇ tsaˬ heu-ahˇ Ka kʼoꞈ-eu gʼaˬ bi geuꞈ-eu lehˇ kʼehˇ gʼeh leꞈ-euˬ gaˇ aˬ dui kʼaˇ ya mawˇ-euˬ loꞈ-ehˇ aˬ cawˬ-ahˇ ja mehˬ-eu ma.

1 Yoˇhaˬ 4:9

Miˬyehˇ-aˬ, aˬ yawꞈ-euˬ Zaˬmaˇ tiˬ gʼaˬ tehꞈ-ehˇ jawˇ-eu kʼawꞈ, Zaˬmaˇ baˬ da neh aˬ dui dehꞈ-eu jeˬ za nya ni miˇ tsaˬ kʼoeˇ taˆ kʼehˇ gʼeh le-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui-ahˇ bi mawˇ laꞈ-euˬ meh.