Yoˇhaˬ 7:27 - Akha

²⁷ Aˬ diˇ ehˇ naˇ, Meˬsiˇya oe ngeh, aˬ geu gaˇ neh oe-euˬ tsawˇ haˬ tiˬ gʼaˬ-iˬ maˬ ya siˬ-aˇ. Ehˇ kʼawꞈ, tsawˇ haˬ heu gʼaˬ aˬ gaˇ neh oe-euˬ aˬ dui maꞈ siˬ nya ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Tsawrhaq teughaq aqgeugar nae oe-euq la laer aqduimaf siqnya-eu beu. Aerkhawf, Kali oe ngae-aq, aqyawf aqgeugar nae oe-euq la laer tiqghaq-iq maqsiq nya-ar.”

Yoˇhaˬ 7:27 ပူးပေါင်းရင်းမြစ်များ

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Yeˬlaˬmiˇ 23:5

Sahˬpaˬ Miˬyehˇ ehˇ-eu, “Daˬbiˇ-euˬ zaˬ deuˬ uˆ deuˬ laꞈ kʼoeˇ yaw tsaˬ yaw dawˇ tiˬ gʼaˬ-ahˇ ngaˇ tseˇ doˆ-awˇ, sahˬ paˬ bi geuꞈ-eu aˇ nah aˇ yamˬ keuˆ laˇ luꞈ meh. Sahˬ paˬ kʼoeˇ gʼaˬ miˇ kʼahˬ-ahˇ uˆ lahˇ-eu zaˬ siˬ tsawˇ gahˇ byah-awˇ, miˇ kʼahˬ heu kʼahˬ kʼahˬ lah ni kʼoeˇ taˆ, yaw tsaˬ yaw dawˇ laꞈ kʼoeˇ uˆ lahˇ tehꞈ-a.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maˬkuˆ 6:3

Tsawˇ haˬ heu gʼaˬ Maˬliˇ-euˬ aˬ li laꞈ saˇ maˇ kʼoeˇ gʼaˬ maˬ ngeuˇ nga loˇ. Yaˬkoˆ, Yoˇsehˆ, Yuˇdaˆ, Siˇmoˬ aˬ ha mehˇ nmˇ-euˬ aˇ doˆ maˬ ngeuˇ nga loˇ. Aˬ yawꞈ-euˬ dmˇ ma deuˬ aˬ dui maꞈ nehˬ-ehˇ jawˇ luꞈ meh tawˇ.” Aˬ yawꞈ maꞈ aˬ yawꞈ-ahˇ myaˆ naˆ-awˇ bye-eu meh.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Yoˇhaˬ 6:42

Aˬ yawꞈ maꞈ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li Yeˬsuˇ maˬ ngeuˇ-a loˇ. Aˬ yawꞈ-euˬ aˬ da aˬ ma-ahˇ aˬ dui maꞈ siˬ nya ma. Aˬ yawˇ yawꞈ mˬ kʼoeˇ taˆ neh oe-euˬ ma lehˇ aˬ joˆ-ehˇ ehˇ nya-eu nga.”

Yoˇhaˬ 7:15

Yuˇdaˆ tsawˇ haˬ aˬ yuiꞈ aˬ tsu deuˬ zahˬ leˇ-awˇ ehˇ-eu, “Tsawˇ haˬ heu gʼaˬ tiˬ jeˬ-iˬ maˬ ya dzaw haw-euˬ gaˇ, aˇ naˆ naˆ-ehˇ siˬ nya-eu nga teu.”

Yoˇhaˬ 9:29

Moˇseˬ-ahˇ Miˬyehˇ dawˬ ngehˬ cawˬ-euˬ nga maꞈ siˬ nya ma. Ehˇ kʼawꞈ, tsawˇ haˬ kʼoeˇ gʼaˬ aˬ gaˇ neh doˆ le-euˬ jiˇ nga maꞈ maˬ siˬ.”

Gʼaˬkʼehˇ 8:33

Yaw tsaˬ yaw dawˇ jeˬ maˬ geuꞈ ni, aˬ yawꞈ shaꞈ dawˇ ni jahˇ-euˬ meh. Aꞈ yawꞈ miˇ kʼoeˇ taˆ ya dehꞈ-eu, aˇ nah aˇ yamˬ li-iˇ jiˇ-awˇ, tsuiꞈ dahˬ dahˬ shaw-euˬ baˬ da neh, tsuiꞈ toeˬ maˬ paˇ gui ka nya meh.”