Yoˇhaˬ 7:24 - Akha

²⁴ Kʼoeˇ taˆ paw tehꞈ-ehˇ haw-awˇ daˇ-eu jeˬ-ahˇ byehˇ-awˇ, maˇ maˇ ni kʼaˇ ngeuˇ-eu loꞈ-ehˇ daˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Lafnyir paw mawrlar-eu jeq-anr haw-awr nae yarkhaq maqdar-aer, tsaq-awr dawr-eu yarkhaq dar-eu jeq nae dar-awq.”

Yoˇhaˬ 7:24 ပူးပေါင်းရင်းမြစ်များ

Jaceuq 82:2

“Naw maꞈ maˬ tsaˬ maˬ dawˇ-euˬ laꞈ kʼoeˇ yaˇ kʼaˬ daˇ-eu jeˬ taˬ paˇ mˇ. Haiˬ-euˬ tsawˇ haˬ deuˬ-euˬ myaˆ pyawˬ-ahˇ taˬ paˇ haw.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Dawqdaq 24:23

Zaˬ siˬ tsawˇ gahˇ ahˇ-eu tsawˇ haˬ deuˬ neh heu loꞈ-ehˇ daˬ taˬ yaꞈ-euˬ dawˬ daˬ deuˬ kʼawꞈ jaˆ-eu meh. Yaˇ kʼaˬ daˇ-eu tsawˇ haˬ myaˆ pyawˬ huiˬ nyiˇ tseˇ-eu maˬ tsaˬ-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Zaˬkaˬliˇ 7:9

“Aˇ hu ba ngaˬ-euˬ tsawˇ haˬ deuˬ-ahˇ ngaˇ heu loꞈ-ehˇ dawˬ biꞈ-euˬ ma. ‘Yaw tsaˬ yaw dawˇ jeˬ-ahˇ naw maꞈ tuˆ tehˬ taˬ-awˇ, aˬ cawˬ-ahˇ gʼawˬ shaˬ gaˬ-eu nui ma ya ahˇ meh.

Yoˇhaˬ 7:25

Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ paˆ na deuˬ ehˇ-eu, “Aˬ yuiꞈ aˬ tsu deuˬ sehꞈ-eu lehˇ poˆ luꞈ-eu kʼoeˇ heu gʼaˬ-ahˇ poˆ-eu maˬ ngeuˇ-a loˇ.

Yoˇhaˬ 8:15

Naw maꞈ shiˬ shaˬ jiˇ nui noeˬ-ahˇ gʼoe-awˇ aˬ cawˬ-ahˇ yaw lehˬ poˆ-eu meh. Ngaˇ-aˬ, aˬ cawˬ-ahˇ yaw lehˬ maˬ poˆ.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

Yaˬkoˆ 2:1

Aˬ yuiꞈ aˬ nyiˇ ka li zaˬ deuˬ-oˇ, yaw shehꞈ kʼahˬ sehˇ huiˬ-eu Sahˬpaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ jah-eu aˬ dui-aˬ, aˬ cawˬ-ahˇ kʼoeˇ taˆ paw haw-awˇ myaˆ pyawˬ huiˬ nyiˇ maˬ ya tseˇ-a.

Yaˬkoˆ 2:4

Kʼoeˇ-aˬ, naw maꞈ yaw kaˬ myaˆ pyawˬ huiˬ nyiˇ tseˇ-awˇ, nui ma maˬ sui maˬ dawˇ-eu laꞈ kʼoeˇ aˬ cawˬ-ahˇ noeˬ doeˇ-eu jeˬ pyeuꞈ-eu meh.

Yaˬkoˆ 2:9

Ehˇ kʼawꞈ, naw maꞈ kʼoeˇ taˆ paw tehꞈ-ehˇ haw-awˇ myaˆ pyawˬ huiˬ nyiˇ tseˇ naˇ, ‘Iˬ baˇ mˇ-eu jeˬ pyeuꞈ-awˇ, zahˇ dawˬ kʼoꞈ dawˬ-ahˇ bahˬ-eu tsawˇ haˬ pyeuꞈ-eu meh’ lehˇ, Zahˇ dawꞈ kʼoꞈ dawˬ laꞈ kʼoeˇ pah mehˬ taˬ-euˬ meh.