Yoˇhaˬ 6:66 - Akha

⁶⁶ Kʼoeˇ loꞈ-ehˇ ehˇ-euˬ baˬ da neh, Yeˬsuˇ-euˬ mehˬ nah caw teh-eu tsawˇ haˬ gʼawˬ mya gʼaˬ gʼoꞈ-iˇ-awˇ, aˬ yawꞈ-euˬ mehˬ nah maˬ paˇ caw teh ni byehˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁶ Khoerngae nae nar-aq, aqyawf-euq zaqlanr ghawqmya ghaq, aqyawf-anr nae ghawq-ir-awr, aqyawf naeq-aer maqpar can-euq mae.

Yoˇhaˬ 6:66 ပူးပေါင်းရင်းမြစ်များ

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

Maꞈtehˬ 19:22

Dawˬ kʼoeˇ dawˬ-ahˇ ya gaˬ ngeh, zaˬ guˬ kʼoeˇ gʼaˬ nui ma cawˆ dui dui-awˇ gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Luˇkaꞈ 9:62

Yeˬsuˇ aˬ yawꞈ-ahˇ ehˇ nehˬ-eu, “Nyoˬ tsehˬ laꞈ yoeˬ-ahˇ tuˆ tehˬ-awˇ nahˇ gʼoꞈ gʼoꞈ haw-eu tsawˇ haˬ-aˬ, Miˬyehˇ Miˇkʼahˬ-ahˇ maˬ geuˇ-a.”

Yoˇhaˬ 2:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ kʼawꞈ, oeˇ mˇ baˇ gaˇ kuˇ taˬ-euˬ meh.

Yoˇhaˬ 6:60

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ-euˬ zaˬ lahˇ gʼawˬ mya gʼaˬ ehˇ-eu, “Aˬ yawꞈ mehˬ-euˬ gaˇ kawˆ teu hmˬ teu naˆ naˆ-ehˇ kʼaˆ-eu beu tawˇ. Aˬ suˇ gʼaˬ ha geuꞈ coeˇ paˬ nga.”

Yoˇhaˬ 6:64

Ehˇ kʼawꞈ, naw maꞈ laꞈ kʼoeˇ tiˬ paˆ na deuˬ maˬ jah nga siˬ.” (Aˬ geu deuˬ maˬ jah-eu tsawˇ haˬ pyeuꞈ-awˇ, aˬ geu gʼaˬ aˬ yawꞈ-ahˇ ahˬ dzaˬ tehꞈ-a lehˇ, naꞈ ngeh neh Yeˬsuˇ siˬ nya taˬ-euˬ meh.)

Yoˇhaˬ 7:3

Kʼoeˇ miˇ neh, aˬ yawꞈ-euˬ mehˇ nmˇ deuˬ aˬ yawꞈ-ahˇ ehˇ-eu, “Nawˬ-euˬ mehˬ nah caw teh-eu tsawˇ haˬ deuˬ nawˬ neh mˇ mehˬ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ya mawˇ ni, heu gaˇ dzuˇ dzuˇ-ehˇ maˬ jawˇ ni Yuˇdaˆ miˇ kʼahˬ-ahˇ iˇ-awˬ.

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

2 Tiˆmoˇseˬ 1:15

Piˬgeˬluˇ hawˇ-eu Heˬlaˇmoˇjeˬ aˬ nyaꞈ ahˇ leˇ-ehˇ, Aˬshaˆ miˇ kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ ngaˬ-ahˇ byehˇ dzeh yaꞈ jiˇ-euˬ nawˇ siˬ nya luꞈ meh.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

HeˬByehˇ 10:38

Ehˇ kʼawꞈ tsaˬ-eu dawˇ-eu tsawˇ haˬ, jah-eu baˬ da neh dehꞈ tehꞈ-a. Aˬ yawꞈ ngaˬ-ahˇ byehˇ dzeh laꞈ naˇ, aˬ yawꞈ-ahˇ ngaˇ nui kʼahˇ maˬ shiˇ.”

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.