Yoˇhaˬ 6:54 - Akha

⁵⁴ Ngaˬ-euˬ shaˬ jiˇ dzaˬ-awˇ ngaˬ-euˬ shiˬ kʼaˇ dawˇ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Aˇ saˬ saˬ ngeh nah, aˬ yawꞈ-ahˇ ngaˇ bi gʼoꞈ dehꞈ laˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁴ Ngaq-euq shaqjir dzaq-awr, ngaq-euq shiq dawr-eu aqsur ghaq maqkaq, mqmaq maqbyav yarzir daef-eu jeq za-eu mae. Arsaqsaq ngae nan, ngar, aqyawf-anr bi ghofdaeflar ma.

Yoˇhaˬ 6:54 ပူးပေါင်းရင်းမြစ်များ

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 6:55

Aˬ jeˬ miˇ neh ehˇ naˇ, ngaˬ-euˬ shaˬ jiˇ-aˬ, maˇ maˇ ni gʼeh-eu dzaˬ-eu jeˬ pyeuꞈ-awˇ, ngaˬ-euˬ shiˬ-aˬ, maˇ maˇ ni gʼeh-eu dawˇ-eu jeˬ pyeuꞈ-eu ma.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.