Yoˇhaˬ 6:32 - Akha

³² Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Moˇseˬ neh naw maꞈ-ahˇ bi dzaˬ-euˬ kʼoeˇ-aˬ, mˬ taˆ-euˬ kaˬ muˇ maˬ ngeuˇ-a. Naw maꞈ-ahˇ maˇ maˇ ni gʼeh-eu mˬ taˆ kaˬ muˇ biꞈ-eu gʼaˬ-aˬ, ngaˬ Da meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf-anr mqtav-euq kaqmur bif-euq ghaq-aq, Morseq maqngeur-a. Aerkhawf, marmarni mqtav-euq kaqmur, nawmaf-anr bif-eu ghaq-aq ngaqDa mae.

Yoˇhaˬ 6:32 ပူးပေါင်းရင်းမြစ်များ

Jaceuq 78:23

Ehˇ kʼawꞈ mˬ-ahˇ aˬ yawꞈ dawˬ biꞈ-awˇ mˬ taˆ laˇ gʼoˆ bi pah le-euˬ meh.

Doˆ-iˇ 16:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Naw maꞈ dawˬ tawˆ luꞈ gʼaˇ duˬ dzaˬ dzaˬ dawˇ dawˇ uˬ yehˇ loꞈ-ehˇ mˬ kʼoeˇ taˆ neh bi yehˇ ka leꞈ-eu lehˇ, nymˬ-mˇ ngaˇ lehˬ hmˬ taˬ-euˬ ma. Tsawˇ haˬ heu deuˬ-ahˇ yawˬ nah yawˬ na luꞈ bi doˆ-iˇ-awˇ, tiˬ nah gʼaˇ duˬ tiˬ nah loꞈ-eu dzaˬ-eu dawˇ-eu jeˬ bi gʼoˆ uiˬ-iˇ-awˬ. Kʼoeˇ loꞈ-ehˇ jahˇ-awˇ, tsawˇ haˬ heu deuˬ ngaˬ neh mehˬ nehˬ tsoˆ nehˬ-euˬ jeˬ-ahˇ naˇ haˬ geuꞈ nga loˇ lehˇ ngaˇ lawˬ haw ma.

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Yoˇhaˬ 1:9

Yaw shehꞈ kʼoeˇ-aˬ, miˇ tsaˬ kʼoeˇ taˆ oe-awˇ, tsawˇ haˬ zaˬ dawˬ tawˆ luꞈ kʼoeˇ taˆ bya nehˬ le-euˬ maˇ maˇ ni gʼeh-eu yaw shehꞈ meh.

Yoˇhaˬ 15:1

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Yoˇhaˬ 6:31

‘Aˬ yawꞈ neh aˬ yawꞈ maꞈ-ahˇ mˬ taˆ-euˬ kaˬ muˇ bi dzaˬ-euˬ meh’ lehˇ Jaˇliꞈ laꞈ kʼoeˇ ehˇ taˬ-euˬ loꞈ-ehˇ, nga maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ meh.”

Yoˇhaˬ 6:33

Aˬ jeˬ miˇ neh ehˇ naˇ, Miˬyehˇ neh biꞈ leꞈ-euˬ kaˬ muˇ lehˇ ehˇ-eu kʼoeˇ-aˬ, mˬ kʼoeˇ taˆ neh zaꞈ ka le-awˇ, miˇ tsaˬ zaˬ-ahˇ dehꞈ-eu saꞈ laˇ biꞈ le-euˬ gʼaˬ-ahˇ ehˇ-eu meh.”

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

Yoˇhaˬ 6:41

“Ngaˇ-aˬ, mˬ kʼoeˇ taˆ neh oe-euˬ kaˬ muˇ ma” lehˇ aˬ yawꞈ ehˇ-eu miˇ neh, tsawˇ haˬ kʼoeˇ deuˬ aˬ yawꞈ-ahˇ toˇ-eu meh.

Yoˇhaˬ 6:50

Mˬ kʼoeˇ taˆ neh oe-euˬ kaˬ muˇ heu-aˬ, kʼaˇ dzaˬ-eu tsawˇ haˬ-ahˇ tiˬ jawˇ-iˬ maˬ shiˇ ni bi dehꞈ-eu meh.

Yoˇhaˬ 6:55

Aˬ jeˬ miˇ neh ehˇ naˇ, ngaˬ-euˬ shaˬ jiˇ-aˬ, maˇ maˇ ni gʼeh-eu dzaˬ-eu jeˬ pyeuꞈ-awˇ, ngaˬ-euˬ shiˬ-aˬ, maˇ maˇ ni gʼeh-eu dawˇ-eu jeˬ pyeuꞈ-eu ma.

Yoˇhaˬ 6:58

Heu-aˬ, mˬ kʼoeˇ taˆ neh oe-euˬ kaˬ muˇ meh. Kaˬ muˇ heu-aˬ, naw maꞈ-euˬ aˬ poeˬ aˬ bawˇ deuˬ neh dzaˬ-euˬ kaˬ muˇ kʼoeˇ-ahˇ maˬ duˇ-a. Aˬ yawꞈ maꞈ-aˬ, kaˬ muˇ kʼoeˇ dzaˬ-euˬ kʼawꞈ shiˇ-euˬ meh. Ehˇ kʼawꞈ, kaˬ muˇ heu-ahˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ meh.”

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.