Yoˇhaˬ 6:31 - Akha

³¹ ‘Aˬ yawꞈ neh aˬ yawꞈ maꞈ-ahˇ mˬ taˆ-euˬ kaˬ muˇ bi dzaˬ-euˬ meh’ lehˇ Jaˇliꞈ laꞈ kʼoeˇ ehˇ taˬ-euˬ loꞈ-ehˇ, nga maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ ‘Aqyawf, aqyawf maf-anr mqtav-euq kaqmur bidzaq-euq mae,’ (Jc 78:24) laer Yaerbof-euq lafkhoer boftaq-euq lof-aer, nga’maf-euq aqpoeq deuq-aq, bawrtsanq-anr jawr ngae, maqnav kaqmur yadzaq-euq mae.”

Yoˇhaˬ 6:31 ပူးပေါင်းရင်းမြစ်များ

Neˬhaˬmiˇ 9:15

Aˬ yawꞈ maꞈ hawˬ mehꞈ luꞈ ngeh jawˇ, mˬ taˆ kaˬ muˇ nawˇ bi dzaˬ-awˇ, aˬ yawꞈ maꞈ iˇ cuꞈ mehꞈ ngeh jawˇ, kʼaˬ lo-ahˇ iˇ cuꞈ bi doˆ le-euˬ meh. Nawˇ saˇ jaˇ dzaˬ taˬ-euˬ miˇ kʼahˬ kʼoeˇ geuꞈ-awˬ lehˇ, aˬ yawꞈ maꞈ-ahˇ nawˇ ehˇ-awˇ biꞈ-euˬ meh.

Neˬhaˬmiˇ 9:20

Muiˬ-eu jaˬ-eu nawˬ-euˬ Yaw sahˇ, aˬ yawꞈ maꞈ mˇ paˬ-ehˇ gʼeh-eu jeˬ mehˬ-euˬ meh. Aˬ yawꞈ maꞈ-ahˇ nawˇ maˬ naˆ kaˬ muˇ biꞈ nehˬ-awˇ, dawˇ-eu iˇ cuꞈ kʼawꞈ biꞈ-euˬ meh.

Jaceuq 105:40

Aˬ yawꞈ maꞈ shaˇ dzaˬ-eu loꞈ-ehˇ kʼahˬ zaˬ laˬ ma pyehˬ gʼeh leꞈ-awˇ, nui kʼahˇ tiˬ shiˇ ya dzaˬ dehˆ ni, mˬ taˆ neh dzaˬ dzaˬ dawˇ dawˇ biꞈ ka leꞈ-euˬ meh.

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Yoˇhaˬ 6:32

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Moˇseˬ neh naw maꞈ-ahˇ bi dzaˬ-euˬ kʼoeˇ-aˬ, mˬ taˆ-euˬ kaˬ muˇ maˬ ngeuˇ-a. Naw maꞈ-ahˇ maˇ maˇ ni gʼeh-eu mˬ taˆ kaˬ muˇ biꞈ-eu gʼaˬ-aˬ, ngaˬ Da meh.

Yoˇhaˬ 6:49

Naw maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ ngeuˇ meh. Ehˇ kʼawꞈ, aˬ yawꞈ maꞈ tiˬ jawˇ-iˬ maˬ shiˇ ni dehꞈ-euˬ maˬ ngeuˇ-a.

Yoˇhaˬ 6:58

Heu-aˬ, mˬ kʼoeˇ taˆ neh oe-euˬ kaˬ muˇ meh. Kaˬ muˇ heu-aˬ, naw maꞈ-euˬ aˬ poeˬ aˬ bawˇ deuˬ neh dzaˬ-euˬ kaˬ muˇ kʼoeˇ-ahˇ maˬ duˇ-a. Aˬ yawꞈ maꞈ-aˬ, kaˬ muˇ kʼoeˇ dzaˬ-euˬ kʼawꞈ shiˇ-euˬ meh. Ehˇ kʼawꞈ, kaˬ muˇ heu-ahˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ meh.”

1 Gawˇliˬtu 10:3

Aˬ yawꞈ maꞈ dawˬ tawˆ luꞈ mˬ taˆ-euˬ dzaˇ tiˬ kawˆ loꞈ-ehˇ dzaˬ-euˬ meh.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.

Yawˇshuˆ 5:12

Kʼoeˇ ngeh neh naˇ, maˬ naˆ kaˬ muˇ maˬ paˇ ga le ni tsehˆ leˇ-awˇ, Iˇsaˬleˬlaˆ tsawˇ haˬ deuˬ maˬ naˆ kaˬ muˇ maˬ paˇ ya dzaˬ ni pyeuꞈ-iˇ-awˇ, Kaˬnaˬ miˇ kʼahˬ-ahˇ doˆ-eu dzaˇ deuˬ aˬ yawꞈ maꞈ dzaˬ-euˬ meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.