Yoˇhaˬ 6:29 - Akha

²⁹ Yeˬsuˇ ehˇ-eu, “Miˬyehˇ-euˬ gaˇ-aˬ, aˬ yawꞈ neh kʼehˇ gʼeh leꞈ-euˬ gʼaˬ-ahˇ naw maꞈ jah-eu kʼoeˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Yeqsur, aqyawf maf-anr aerkhof naeq-eu, “Nawmaf, Miqyaer nae khaerghae lef-euq ghaq-anr jan-eu-aq, Miqyaer-euq gar mr-eu jeq pyeuf-eu mae.”

Yoˇhaˬ 6:29 ပူးပေါင်းရင်းမြစ်များ

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maˬkuˆ 16:16

Jah-awˇ iˇ cuꞈ kʼaˇ shawˇ-eu tsawˇ haˬ deuˬ ka kʼoꞈ-eu jeˬ za tehꞈ-a. Maˬ jah-eu tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Yoˇhaˬ 6:28

Aˬ yawꞈ maꞈ aˬ yawꞈ-ahˇ naˇ haˬ-eu, “Miˬyehˇ-euˬ gaˇ mˇ-eu lehˇ nga maꞈ aˬ geuˬ jeˬ ya mˇ ta.”

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Yoˇhaˬ 6:57

Dehꞈ luꞈ-eu Aˬda neh ngaˬ-ahˇ kʼehˇ gʼeh leꞈ-euˬ meh. Ngaˇ kʼawꞈ, aˬ yawꞈ baˬ da neh dehꞈ luꞈ-eu ma. Kʼoeˇ gaˇ duˇ ni, ngaˬ-ahˇ kʼaˇ dzaˬ-eu tsawˇ haˬ-aˬ, ngaˇ baˬ da neh dehꞈ tehꞈ-a.

Gʼaˬkʼehˇ 16:31

Aˬ yawꞈ nyaꞈ ehˇ-eu, “Sahˬpaˬ Yeˬsuˇ-ahˇ jah-awˬ. Ka kʼoꞈ-eu jeˬ za tehꞈ-a. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ za tehꞈ-a.”

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

Yaˬkoˆ 2:22

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.

1 Yoˇhaˬ 3:23

Aˬ yawꞈ neh aˬ dui-ahˇ biꞈ-euˬ dawˬ-aˬ, aˬ yawꞈ-euˬ Zaˬmaˇ Yeˬsuˇ Ka li-ahˇ jah-awˇ, Ka li neh dawˬ biꞈ taˬ-euˬ loꞈ-ehˇ tiˬ gʼaˬ tiˇ gʼaˬ gaˬ-awˬ lehˇ ehˇ-eu kʼoeˇ dawˬ meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

Panmaeq 2:26

Aˇ saˬ saˬ ngeh keuˆ ni ngaˬ-euˬ nui kʼahˇ mˇ-eu gʼaˬ leˇ-euˬ tsawˇ haˬ-ahˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu baoˬ ngaˇ biꞈ ma.